Dzindzimo 103:11 - Bhibhiliya Nya Guage

¹¹ Kha nga idzo ndzadzini a gu hwindzo ni mafuni, kharati nilo lihaladzo laye likhongolo ga vale va mu ningago githawo.

Dzindzimo 103:11 Iomraidhean Croise

Joba 22:12

Ina Nungungulu mwalo vbatshani ndzadzini, gani? Nga wona dzinyeledzi nya dzikhongolo vbatshani yeyi. Idzo dzi khusegidego khidzo!

Dzindzimo 103:17

Aholu, wuhindzi wa Pfhumu Nungungulu, wu ngu simama kala gupindruga ga vale va mu ningago githawo, gululama gwaye gu ngu wonega kala ga situgulwana sawe;

Dzindzimo 117:2

Kholu lihaladzo laye ga ethu likhongolo ngudzu, gutumbega ga Pfhumu Nungungulu gu ngu simama kala gupindruga. Aleluya! A na dhumiswe Pfhumu Nungungulu!

Dzindzimo 31:20

Uwe u na va siha sihaloni nya khovbe yago, hwindzo nya mayunga nya vathu u gu va siha tshatshani gwago, hwindzo nya malimi ma fakazago malipha.

Dzindzimo 36:5

Pfhumu Nungungulu, lihaladzo lago lomo ndzadzini, lisine lago li ngu vboha kala mapfhini.

Dzindzimo 57:10

Kholu lihaladzo lago likhongolo li vbohago kala ndzadzini, gutumbega gwago gu khongolo gu vbohago kala mapfhini.

Dzindzimo 89:2

Nyi di huwelela kheni lihaladzo lago li ngu simama kala gupindruga; gutumbega gwago gu mwalo mahegiso kha nga ndzadzini.

Mavingu 25:3

Kha nga ndzadzini gu khugegidego, ni mafu ma etidego, kharato nugo nyonyoni ga vafumeli kha gu holeledwi.

Isaya 55:9

Kholu, kha nga ndzadzini gu khugegidego ngudzu guvbindra litigo, kharato nidzo dzindzila dzangu dzi khusegide guvbindra dzanu, ni mipimiso yangu, yomo vbatshani ngudzu guvbindra yanu.

Luka 1:50

Wuhindzi waye wu ngu thaphela mimela ni mimela ya vale va mu ningago githawo.