Dzindzimo 102:28 - Bhibhiliya Nya Guage

²⁸ Sanana sa vathu vago, si na vbanya na si tiyide, ni situgulwana sawe si na tiyiswa mbeli gwago.

Dzindzimo 102:28 Iomraidhean Croise

Joba 10:5

Ina matshigu yago ma ngu fanana ni ya muthu, gani? Ni myaga yago nya guvbanye, yi ngu fanana ni myaga nya muthu, gani?

Dzindzimo 89:4

“Nyi na tiyisa melego wago kala gupindruga nyi na pharisa ndronga nya wufumu situgulwana sago.”

Isaya 41:4

Khu mani a giridego ni gu thuma satshavbo sesi? Khu wule gukhugela guhegulani a giridego gukhuye vathu va manege mafuni, Kheni kamwe Pfhumu Nungungulu, nya guphele ni guhegisa.

Isaya 43:13

Gukhugela matshigu ya gale, Eni nyi diri Eni; mwalo ni moyo a kodzago guvbulugisa muthu mandzani gwangu; igyo nyi girago, mwalo a nyi himbedzelago.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Isaya 65:22

Kha va na vbaha gambe dzinyumba dzi ta khadwa khu vambe vathu; kha va na yala gasi gu vambe va hodza. Kholu, vathu vangu va na vbanya myaga nya gulaphe kha nga misimbo, sihathwa sangu si na hodza satshavbo nya thumo nya mandza yawe.

Isaya 66:22

Kha nga olu ndzadzini nya guphya ni litigo nya liphya, nyi na gu si girago, si na khalago mbeli gwangu, kharato nilo livelego lanu ni lina lanu li na khala kharato gikhati gyatshavbo, a ngu ganela Pfhumu Nungungulu.

Malakiya 3:6

Kholu eni Pfhumu Nungungulu, kha nyi vbindrugedzi mawonelo; khiso si nga gira gu enu sanana sa Jakobe mu si mbembiswi.

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.