Dzindzimo 102:23 - Bhibhiliya Nya Guage

²³ Uye a nyi vbedzide tshivba vbakari nya ndzila, a rodzisa matshigu yangu nya guvbanye.

Dzindzimo 102:23 Iomraidhean Croise

Joba 21:21

Kholu hwane nya gufe, tengo nya matshigu yawe wa gu bani wu vbede, va na khuga mafuni momu. Ginani va yelago gu khathala gambe khigyo khu dzindranga dzawe?

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Jeremiya 3:17

Khu gikhati gyogyo, Jerusalema gu na ranwa Gikhalo nya wufumu wa Pfhumu Nungungulu; gu na ya tombana gwaye mayigo yatshavbo guya rungudza lina la Pfhumu Nungungulu, kha va na gira gambe iso si godwago khu gudzina nya myonyo yawe nya guvivbe.