Dzindzimo 102:1 - Bhibhiliya Nya Guage

¹ Pfhumu Nungungulu, yingisa nombelo wangu, gulila gwangu gu na vbohe iyo gwago!

Dzindzimo 102:1 Iomraidhean Croise

2 Dzikoronika 30:27

Khu guhegisa, vaphasi nya mhamba ni va na Levhi, va di khuga gasi gukategisa gidzemo nya vathu. Lito lawe li di yingiswa ni nombelo wawe wu di vboha kala ndzadzini, Wulangani nya Guage a khalago avbo Nungungulu.

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 143:4

Kholu, hefemulo wangu wu vbede tshivba ndrani gwangu, nya gupwa monyo wu titivala khanani gwangu.

Dzindzimo 143:7

Olu Pfhumu Nungungulu, vbiredza u nyi hakha; nyi ngu vbela tshivba; u nga nyi siheli khovbe yago, gasi nyi si fanani ni avo va fudego.

Dzindzimo 145:19

Uye a gu ninga esi va si vbwetago avo va mu thavago; a ngu va yingisa va gu mu lomba giphaso, a va vbanyisa.

Dzindzimo 18:6

Wuvini gwangu, nyi di rana Pfhumu Nungungulu, nyi di khusa lito nyi rana Nungungulu wangu; Uye khu nyumbani gwaye a di yingisa lito langu, huwa yangu yi di vboha dzindzeveni gwaye.

Dzindzimo 39:12

Pfhumu Nungungulu, yingisa nombelo wangu, nya gu womba huwa nyi lomba guphaswa, nyi yingise; U nga khali givbwiri nya mbapwa gudilela gwangu. Kholu eni nyi muwuyi avbo gwago, nyi mupepetegi kha nga vakokwe vangu.

Dzindzimo 42:4

Nya gu alakanya silo sesi; hefemulo wangu wa gu lila na nyi gu alakanya gukheni nyi di gu gimbila kharini ni gidzemo; nyi gi thangela Nyumbani ga Nungungulu, khu magana nya litsako gumogo ni gu dhumisa; gidzemo gi sayisago matshigu nya simotse.

Dzindzimo 5:2

Hakha lito nya gulile gwangu, uwe Pfhumu ni Nungungulu wangu. Nya gu lomba gwago.

Dzindzimo 61:2

Nyi ngu gu rana khu mahegiso nya litigo, kholu monyo wangu wu ngu vbela tshivba, nyi yise giwindrini nya gukhugege ngudzu u nyi sayisela avbo.

Dzindzimo 62:8

Enu vathu tumbani Nungungulu gikhati gyatshavbo; mu embeledzeleni mabala ya monyoni gwangu, kholu, uye khuye wuthavelo wathu.

Dzindzimo 77:3

Nya gu alakanya Nungungulu, nya gu lila; nya gu pimisela nya gu vbela tshivba.

Ekisodha 2:23

Hwane nya myaga nya gutale, a difa mufumeli wa Egipito, vathu va na Israyeli, va di tshaniseka wugumbini. Va di lila, dzihuwa nya gutshaniseke gwawe, dzi di gwela kala ga Nungungulu.

Gililo 3:44

U dzi fenengidzide khu lipfhi gasi nombelo wathu wu si gu vboheli.

Gililo 3:8

Ambari nya gu lila nyi lomba guphaswa, Uye kha yingisi nombelo wangu.

Luka 22:44

[Na gu tshaniseka ngudzu, a di simama gu lombelela, khu tshivba, na gu ruta lithonga nya nga madona nya makhongolo nya novba, ma gu thegela mafuni.]

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

Valamuli 10:16

Khavbo avbo, va di khungumulela vanungungulu nyamba phasa gilo va nga bani varomo vbakari gwawe, va khozela Pfhumu Nungungulu; uye a di vbisega ngudzu khu kotani ya Israyeli.

1 Samuweli 9:16

“Mindru, khu gikhati nya nga egi, nyi na gu rumela mwama moyo wa tigoni ga Bhejami, u na mu todza khu mafura gasi a khala muthangeli wa vathu vangu va Israyeli; uye a na tshudzisa vathu vangu mandzani ga Vafilisitiya; kholu nyi wuyiside maho yangu nyi khedza vathu vangu, huwa yawe yi vbohide kala eno gwangu.”