Dzindzimo 101:5 - Bhibhiliya Nya Guage

⁵ Oyu a lembago ni gu singedza muthu kwawe mugusihalani, uyoyo nyi na mu mbembisa; gima kha nyi na timisela va nya matshandza ni va nya gu dzi khusedza.

Dzindzimo 101:5 Iomraidhean Croise

Dzindzimo 138:6

Ambari ulo Pfhumu Nungungulu a guromo vbatshani ngudzu, Uye a ngu yingisa avo va dzi sodzisago; va nya matshandza, a gu vati nari khu hwindzo.

Dzindzimo 15:3

Wule a si lumbedzigo kwawe khu lidimi laye, a si girigo guvivba ga muthu kwawe, a si bhuseligo phungu muakelane waye;

Dzindzimo 18:27

Kholu uwe wa gu vbanyisa sisiwana u tshisa vbavbatshi va nya matshandza.

Dzindzimo 50:20

Uwe wa gu khala gasi gu lemba ndriyago ni gu ganela guvivba khu gyanana gya mayi wago.

Ekisodha 20:16

U nga singedzi malipha muthu kwanu.

Ekisodha 23:1

U nga swayi mahungu ma gu mwalo lisine. Mahunguni, u nga patani ni muthu nya guvivbedwe khu monyo, u gira wufakazi nya malipha.

Mavingu 10:18

Uye a sihago livengo a na ni likana nya wudambane, ni wule a lembago vakwawe, gipumbu.

Mavingu 20:19

Muthu nya milembo a gu tugudzisa misihalo, khu guralo, u nga dzi tshanganisi ni muthu nya mapongowongo.

Mavingu 21:4

Maho nya gu dzi khusedze ni monyo nya matshandza, mwenge wa va nya guvivbedwa khu monyo, gambe si ngu va ghohisa.

Mavingu 25:23

Phuvbo nya ronga gu resa ndzadzi, kharato, muthu nya milembo guthuvigisa siwombo.

Mavingu 30:13

vale maho yawe ma khusegidego ni dzitshi dzawe dzi laphidego.

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Ezekiyeli 22:9

Vbakari gwago, gu di manega vathu nya milembo, va dzi emisedego gu vbaladza novba; vbakari gwago gambe vomo va hodzago nyama nya miphaso ya musigomoni ni gu gira guvivba.

Levhi 19:16

U nga gimbili u ganelela guvivba khu vathu va na gyanu, mwendro gusambanya malipha u songisa muthu kwanu. Eni kheni Pfhumu Nungungulu.

Luka 18:14

Nyi ngu mi embelani, kheni: Oyu muhengisi nya khupho khugide khu vbale a hongola gaya na tsetseledwe, gasi mufarisi khandriso si nga mu dugelago. Kholu watshavbo muthu a dzi khusedzago a na vbwasamiswa, gasi uye a dzi sodzisago a na khusedzwa.”

1 Vakorinto 5:11

Gasi eni nyi mi lovede gukheni mu si thangini wupari ni wule a gukhuye mukhodwa ga Kristo nari muthu nya wubhayi, nya lidiwo, nya guphasele vanungungulu nya malipha, nya guvale, ni guleva ni guba. Muthu nya nga yoyo mu nga hodzelani naye, ambari gu khala naye meza mweyo.

1 Thimoti 3:11

Vanyamayi navo, gu vbwetega vale va lulamidego, va gu mwalo milembo, va dzi pharago, va tumbegago ga silo satshavbo.

Tito 2:3

Embela nayo vasingalagadzi nya vanyamayi va vbanye nga vathu va agidego, va nga khali va nya milembo, ambari gu dzi gira dzikhumbi nya wadwa, aholu va na hevbudze esi si gu sadi,

1 Samuweli 2:3

Mu nga engedzeli gu ganela khu matshandza. Gu nga dugi khu kanani gwanu magana nya guvale; kholu Pfhumu Nungungulu a tigo satshavbo Uye khuye basi a kodzago gu tugula mithumo ya vathu.