Dzindzimo 101:1 - Bhibhiliya Nya Guage

¹ Nyi na embelela wuhindzi ni gululama; nyi na embelela gwago Pfhumu Nungungulu.

Dzindzimo 101:1 Iomraidhean Croise

Dzindzimo 145:7

Avo va na alakanya wuhindzi wago nya wukhongolo, khu dzindzimo va na ganela khavo, u lulamide.

Dzindzimo 51:14

Nungungulu, nyi vbulugise ga novba wu vbaladzidwego Nungungulu, muvbanyisi wangu, lidimi langu li na khusedza gululama gwago.

Dzindzimo 89:1

Oh Pfhumu Nungungulu, nyi na embelela lihaladzo lago kala gupindruga; gikhati gyatshavbo nyi na tivisa gutumbega gwago ga mimelana yatshavbo.

Dzindzimo 92:2

gu ngu tsakisa gu huwelela lihaladzo lago na gu ngari dzimindru, ni gutumbega gwago vbasilambotunu,

Dzindzimo 97:8

Siyoni a na sipwe a nengela, sagadzyana sa Judha si na khulungele, khu kotani nya gulamule gwago, uwe Pfhumu Nungungulu.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Varoma 11:22

Wona gwadi gukhuwe Nungungulu khwadi, aholu, a ngu garadza gambe. A ngu garadza ga vale va nga thega. Gwago uwe khwadi. Aholu gu vbwetega u vbanya khu edzi wu lombago khidzo wuwadi waye. Wa gumba gira kharato, u na kokedwa nuwe.