Dzindzimo 10:5 - Bhibhiliya Nya Guage

⁵ Gikhati gyatshavbo sigiro saye sa gu duga gwadi, kha theli kota khu gulamula gwago; a gu kanyisa valala vaye vatshavbo.

Dzindzimo 10:5 Iomraidhean Croise

Genesi 6:12

Nungungulu a gu khedza mafuni a di wona guvivba basi, kholu vathu vatshavbo va di gimbila khu dzindzila nya gunyenyeze.

2 Samuweli 5:6

Mufumeli Dhavhidhe ni vathu vaye, va diya Jerusalema va ya dwana ni Vajebhuzi va nga bani va vbahide tigoni mule. Aholu, avo va di embela Dhavhidhe, khavo: “Gima khu na nga bela avba, kholu ambari sikhumu ni silima, si na gu lundra.” Isoso va di ganela na va gu vbweta gukhavo Dhavhidhe kha na nga bela dhoropani.

1 Dzipfhumu 20:13

Khu gikhati gyogyo, muprofeti moyo a di vboha ga Akabi, mufumeli wa Israyeli, a mu tivisa, khuye: Pfhumu Nungungulu a ngu ganela kharati, khuye: “U gi wone gidzemo gegi nya gingi ngudzu, gani? Muhuno eni nyi na gi ningela mandzani gwago, u va pala gasi u dziti nya gukhuwe eni kheni Pfhumu Nungungulu.”

Joba 24:23

A ngu va diga va sayisega gikhatinyana na va khadzisegide; aholu maho yaye ma gu khevisela dzindzila va gimbilago khidzo.

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 73:3

Kholu eni nyi di gu girela lidiwo va nya gu dzi khusedza, khu gu wona gukheni silo sawe sa gu duga gwadi.

Mavingu 1:19

Aya khu mahegiso nya vatshavbo va nya lidiwo ni wuphangi, va gufa khu wuphangi wawe.

Mavingu 15:24

Ndzila nya womi ya gu hetedza muthu nya gugengele, gasi a si releli phalani nya vafi.

Mavingu 2:13

vale va hambanago ni ndzila nya gululame, va gimbila khu ndzila nya gidema;

Mavingu 2:15

va gu gimbila khu dzindzila nya guwegele, va hambana ni ndzila nya lisine.

Mavingu 24:1

U nga dogoreli vathu nya guvivbedwe khu monyo, ambari gu dogorela gu khala navo.

Isaya 10:1

Libango ga vale va emisago milayo nyambasi yadi, avo va lovago milayo nya gutshanise,

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Isaya 28:15

Mu ngu dzi zundza mu ganela, khenu: Mu hungide pwanano ni lufu, ni gukhenu litigo nya vafi pari yathu, ambari tsayiso wu khulunga wu fanana ni talo, gima kha wu na hi vbohela, kholu malipha, wuthavelo wathu, ni wudambane, wulanga nya gusihale avbo.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 5:12

Mibuzoni gwawe, va gu sela wadwa na va gu womba sitendre, sitoliyo, singomana ni dzitsholi, aholu kha va theli kota khu sigiro sa Pfhumu Nungungulu, ambari gu wona mithumo ya mandza yaye.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Varoma 3:16

Umo va vbindrago khumo va gu sasela, va tshiya marumbi ni wusiwana.

Valamuli 9:27

Va di duga va hongola mahangeni gwawe vaya havela dziuvha, va dzi gamela va gira wadwa; va di gira mibuzo nya gunengele. Va bela nyumbani ga nungungulu wawe, va hodza, va sela, va hembulula Abhimeleki.

Valamuli 9:38

Khavbo avbo, Zebhuli a di mu embela, khuye: “Gasi olu lomo hayi likana lago u nga bani nu gu ganela gukhuwe Abhimeleki, khuye mani nya gukala hi mu thumela? Khandri avo ava vama u nga bani u va tsorodzela? Duga na, u ya dwana navo.”