Dzindzimo 10:14 - Bhibhiliya Nya Guage

¹⁴ Aholu Uwe u ngu wona, guvbisega ni gutshaniseka, u si vega mandzani gwago. Uye a sanisekago a gu dzi ningela mandzani gwago; uwe khuwe u vhikelago khulungu.

Dzindzimo 10:14 Iomraidhean Croise

Genesi 21:17

Nungungulu a di pwa khu ndzadzini gulila nya gyanana, ngilozi ya Nungungulu yi di rana Agari, khiyo: “Ginani u gu nagyo, Agari? U nga thavi, kholu Nungungulu pwide lito nya gyanana wulangani gi guromo avbo.

Genesi 31:12

Iyo yi di engedza yi nyi embela, khiyo: “Khusa maho u wone; vamatune vatshavbo va velegisago tshambi, khava nya mikwenga ni mavalavala, kholu Eni nyi si wone esi a gu giridego Laboni.

2 Samuweli 16:12

A gu dzina saye Pfhumu Nungungulu a na wona gutshaniseka gwangu, a nyi ninga gurula khu kotani nya gu nyi vale gwaye.”

2 Dzipfhumu 9:26

Khu lisine, a ngu ganela Pfhumu Nungungulu, kha nga vbanova nyi wonidego novba wa Nabhoti, u na wu livba idzosaye mahangeni momu, a ngu ganela Pfhumu Nungungulu. Olu mu khuse u mu dzudzuga mahangeni momu, kha nga idzo a ganedego khidzo Pfhumu Nungungulu.”

2 Dzikoronika 24:22

Khu guralo, mufumeli Jowasi kha alakanya wuwadi a giredwego Joyadha, babe wa Zakariya, aholu a di songa mwanaye, avbo a nga bani na gu sala a di ganela, khuye: Pfhumu Nungungulu a na gu wone, a gu bweledzela.

2 Dzikoronika 6:23

Uwe, nuri khu ndzadzini yoyo, mu yingise U gira ni gu lamula sithumi sago; U yeyedza oyu a gu ni nandru, mu bweledzele mithumo yaye yi thegela hungoni gwaye; oyu a lulamidego a na mane gutsaka, U mu bweledzela khu gululama gwaye.

Dzindzimo 146:9

Pfhumu Nungungulu a ngu emela valuveli; a ngu tangadzisa dzikhulungu ni dzinoni, gambe a ngu segela dzindzila va nya guvivba.

Dzindzimo 22:11

U nga khali hwindzo, kholu mhango yomo vbafuvbi, nyi mwalo muthu nya gu nyi phase.

Dzindzimo 31:8

Khwa nyi ningela mandzani ga valala, u tiyiside migondro yangu wulangani nya guaname.

Dzindzimo 35:22

Aholu uwe Pfhumu Nungungulu u si wone nuwe esi, u nga deguli; u nga khali hwindzo ni eni, Pfhumu.

Dzindzimo 55:22

“Vega womi wago ga Pfhumu Nungungulu, uye a na gu sayisa; gima kha na dzumedzisa muthu nya gululame gu a thega vbavbatshi.”

Dzindzimo 68:5

Nungungulu a vbanyago nyumbani gwaye nya guage, khuye babe nya dzikhulungu ni muvhikeli nya dzinoni.

Dzindzimo 68:6

Nungungulu a ngu ninga wulanga sisiwana, a tshula ava va hungeledwego, a va ninga wurendra; aholu avo va mu wugelago va na vbanya giwulani.

Ekisodha 2:25

Nungungulu a di khedza sanana sa Israyeli, a wona gutshaniseka gwawe.

Ekisodha 22:22

Mu nga tshanisi noni mwendro khulungu.

Ekisodha 22:26

Muthu kwanu a gu gu pharisa libhadzi laye gasi gu livba nandru nya gukari a gu nawo avbo gwago, u fanede gu li bweledza gwaye na li si gu pfoli lidambo,

Mavingu 15:25

Pfhumu Nungungulu a ngu pfhungumula nyumba ya va nya matshandza; aholu a vhikela thomba ya noni.

Mavingu 15:3

Maho ya Pfhumu Nungungulu momo malangani yatshavbo, a khedza va nya guvivbedwa khu monyo ni va nya gululama.

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Jeremiya 16:17

Kholu maho yangu ma ronogede dzindzilani gwawe gwatshavbo mu dzi wonago; ni sighoho sawe satshavbo kha si sihali mahoni gwangu.

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Jeremiya 49:11

Diga sigulungu sago; kholu eni nyi na si sayisa si vbanya, ni dzinoni dzago nidzo dzi na tumbe eni.”

Jeremiya 51:56

Kholu musaseli a nata sasela Bhabhiloni; dzindrena dzaye dzi na modwa, matshari yawe ma fanyeledzedwa; kholu Pfhumu Nungungulu a bweledzelago mihandro ya va nya guvivba, kha digi gu va ninga tshatshazelo nya mithumo yawe.

Gililo 3:59

Pfhumu Nungungulu u wonide wuvivbi va nyi giredego, lamula mahungu yangu.

Gililo 3:60

U wonide gu dzi phodzela gwawe, makungo va lugago khu eni. Sini

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Hoseya 14:4

Nyi na dusa gumba tumbega gwawe, nyi va gola khu monyo wangu watshavbo, kholu likhulo langu li na duga avbo gwawe.

Joyele 3:4

Gasi mahungu muni mu gu nawo ni eni, enu vathu va Tiro, va na Sidhoni ni maphuvbo yatshavbo ya Finisiya? Khuwo owu tshatshazelo mu nyi ningago, gani? Kholu mwa gu nyi livbisa khu malivbiselo yaya, khu guvbiredza nyi na thesa tshatshazelo yanu mihungoni gwanu.

Habhakuka 1:13

Maho yago ma agide ngudzu ma si goligo gu wona guvivba, ma si tsakiswigo khu gu wona dzitshanisa, khu ginani u wonago va nya guvivbedwa khu monyo u degula, avbo uye nya guvivbedwe khu monyo, a midzago oyu a mu vbindrago khu gululama, na?

Dhewuteronome 10:18

a lamulago khu gululama dzikhulungu ni vamalile, ni gu gola valuveli, a va ninga guhodza ni guambala.

2 Thimoti 1:12

Khu kharato, nyi ngu saniseka khu silo sesi. Ambari ulo kha nyi khali dzitshoni kholu, nyi ngu muti oyu nyi vegidego gwaye gutumba gwangu, nyi ngu khodwa kheni khuye a gu na ni tshivba nya gu nyi sayise thumoni gwangu, kala nyi gu wu vbohisa mahegiso.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

1 Pedro 4:19

Khu guralo, ava va sanisekago khu guhaladza ga Nungungulu, va na ningele mihefemulo yawe ga Muvangi a tumbegidego, na va gu simama gu gira esi nya sadi.

1 Pedro 5:7

Vegani avbo gwaye sigaradzo sanu satshavbo, kholu uye a ngu mi khathalela.

Valamuli 1:7

Khavbo avbo, Adhoni-Bhezeki a di ganela, khuye: “Livbandre na mavili magumi vafumeli va nga pidwago dzinyala nya vanyaghonwe va mandzani ni migondroni, va di gu roledzela dzitsheta dzi nga bani dzi thega khu vbamezatunu gwangu; iso nyi nga girago ga vambe, Nungungulu a nyi bweledzede esi nyi giridego.” Va di mu dzega va hongola naye Jerusalema, aya fela iyoyo.