Dzindzimo 1:3 - Bhibhiliya Nya Guage

³ A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Dzindzimo 1:3 Iomraidhean Croise

Genesi 39:23

Muthangeli nya lipaso, a di si dzi garadzi khu gu khedzisela esi si nga bani a pharisidwe Josefa, kholu Pfhumu Nungungulu a diri ni uye; Pfhumu a di gira gukhuye silo ni mithumo yatshavbo ya Josefa yi mu dugela gwadi.

Genesi 39:3

Mune waye a di wona nya gukhuye Pfhumu Nungungulu womo ga Josefa, gambe a ngu kategisa mithumo yatshavbo ya mandzani gwaye.

2 Dzipfhumu 18:7

Pfhumu Nungungulu a diri gumogo naye; a mu gira a dundruga satshavbo a nga girago; uye a di wugela mufumeli wa Asiriya, a si mu thumeli.

1 Dzikoronika 22:11

Gasi olu mwanangu, Pfhumu Nungungulu a na khale ni uwe, gasi u katega, u kodza gu vbaha Nyumba ya Pfhumu Nungungulu wago, kha nga idzo a gu tumbisidego khidzo.

1 Dzikoronika 22:13

Khavbo avbo, u na andra, wa gu landrisa ni gu sayisa milayo ni sileletelo, esi Pfhumu Nungungulu a si leletedego ga Mosi khu kotani ya Israyeli; tiya longo u nga tedwi khu hwanga u khala rerema.

2 Dzikoronika 31:21

Ni ga thumo watshavbo a wu phedego nya Nyumba ya Nungungulu, nya Nayo nuwo nya sileletelo, gasi guvbweta Nungungulu waye khu monyo waye watshavbo. A di dugelela ga silo saye satshavbo.

2 Dzikoronika 32:23

Nya vangi va di resa Jerusalema, miningelo nya gute luva Pfhumu Nungungulu, ni sombo nya lisima ngudzu ga Ezekhiya, mufumeli wa Judha, hwane nya esi, uye a di manega na khusegide ngudzu mbeli ga mayigo yatshavbo.

Joba 14:9

simbo wowu wa gupwa mati, wu na wuga wu thunga matamo kha nga simbo nya wuphya.

Joba 22:28

Wa gu vbweta gu gira gilo nya gukari, gi na gu dugela gwadi, dzindzilani gwago, u na wona safa nya wenengedzo.

Dzindzimo 128:2

Kholu u na hodza mihandro nya thumo wago, u na katega, satshavbo si na gu dugela gwadi.

Dzindzimo 129:8

Gambe mwalo a embelago vavbweri nya oyu mwasi, khuye: “Pfhumu Nungungulu a na gu kategise!” Ethu hi ngu mi kategisa khu lina la Pfhumu Nungungulu!

Dzindzimo 92:14

Ambari na va gumbide, va na ninga mihandro, gikhati gyatshavbo va na mana tshivba, va tala khu womi,

Dzindzimo 92:15

gasi va tivisa khavo Pfhumu Nungungulu lulamide. Uye khuye muvhikeli wangu, avbo gwaye gi mwalo nya guvivbe.

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Isaya 3:10

Embelani va nya gululama khenu satshavbo si na va dugela gwadi, kholu, va na hodza handro nya sigiro sawe.

Isaya 44:4

avo va na buga gu fanana ni mwasi wu bugago vbafuvbi ni tsongo nya mati.

Isaya 58:11

Pfhumu Nungungulu a na gu thangela gikhati gyatshavbo, malangani nya gihala gu na ninga iso u si vbwetago, ni gu tiyisa marambo yago; u khala kha nga lithembwe nya senge li theledzedwago mati, ni gifefe nya mati ma gumba vbela.

Jeremiya 17:8

Kholu uye a na fanana ni simbo wu yadwego bambe nya mati, mikhamba yaye yi navago kala matini, ambari li khondra lihani kha wu wuni: Aholu mahagane yaye ma gu nyuga gikhati gyatshavbo; kha wu khathali khu gihala, gikhati gyatshavbo wa gu ninga mihandro.

Ezekiyeli 17:8

Khu guralo, uwo wu di yadwe umo nya mafu nya yadi, vbafuvbi ni mati nya mangi, gasi gu ninga matamo ni guvelega mihandro, gumogo ni gu khala uvha nya gunyeluge.

Ezekiyeli 19:10

Mayi waye a diri kha nga uvha wu yadwego vbafuvbi ni mati; wu thelago matamo nya mangi, ni gu ninga mihandro nya yingi, kholu gu diri ni mati nya mangi.

Ezekiyeli 31:5

Khu guralo, uwo wu di dandra guvbindra misimbo yatshavbo ya khabini, wu thela matamo nya gutale, ni matamo yaye, ma di lapha ni gudandra ngudzu khu kotani nya gumane mati nya mangi.

Ezekiyeli 47:12

Vbafuvbi ni tsongo, khu bambe ga eno ni eno, gu na buga misimbo nya mafumbo yatshavbo nya guninge mihandro nya guhodzwe; mahagane yaye kha ma na nga wu na, gambe kha gu na hamugega mihandro yaye; khu migima yaye, yi na velega mihandro nya yiphya, kholu mati yaye ma gu duga khu nyumbani nya guage; mihandro yaye yi na khala guhodza, mahagane yaye ma khala rendre.”

Mitengo 24:6

Ya gu anama kha nga mikova, kha nga lithembwe nya senge vbafuvbi ni tsongo! Pfhumu Nungungulu a si yade kha nga misimbo nya gihengebulo, kha nga sedhari vbafuvbi ni mati nya gutale!

Matewu 13:6

Aholu, na li vbiside lihani, yi divbya. Kholu yi nga bani yiri mwalo mikhamba, yi di banga.

Matewu 21:19

Na wonide nguyu vbafuvbi ni ndzila, a di hidzimela aholu khaya mana gilo, a di ya mana mahagane basi. Khavbo avbo, a di khuye: “Gima khu na nga velega gambe mihandro kala gupindruga!” Wu di dzegela gu banga.

Matewu 21:34

Na yi vbohide nango, a di rumela sithumi saye ga valimi vale, gasi guya hakha mihandro yi mu lumbago.

Matewu 21:41

Va di hakha, khavo: “A nata va songa vatshavbo, nyamba kanakana, a dzega lithembwe a tshiyedza vambe valimi avo va na mu ningago mihandro khu gikhati gi vbwetegago.”

Johane 15:6

Uye a si khaligo neni, a na vegwa phuvbo, a banga kha nga litamo; matamo nya nga ayoyo ma gu wungedzedwa ma gu vbiswa.

Dhewuteronome 28:8

Pfhumu Nungungulu a na rumela makategwa sithungani gwago ni ga yatshavbo mithumo ya mandza yago; a na gu kategisa ga litigo u ningwago khu Pfhumu Nungungulu wago.

Judha 1:12

Vathu vava, khavo va gu gikhuvekiso mitshanganoni gwanu nya wundruye, va gu hodza ni gu leva malevelo nya dzitshoni, nya gukhunguvanyise. Avo va gu dzi havisa vabune wurumba wawe. Va gu khala nga mapfhi nyambana ndzadzi ma pengiswago khu phuvbo; va gu khala nga misimbo yile nya gu, ambari vbamatshigatunu yi si velegigo mihandro; va khade nga misimbo yi sigudwago ni mikhamba yaye, yifa yi banga;

Gutuledwa 22:2

Vbakari nya tendrela waye, khu maphuvbo ya mavili nya tsongo womo simbo nya womi wu velegago mihandro, likhumi na dzimbili dzinyondro, khu ngima ni ngima, gu velega. Gasi mahagane yakone rendre nya guhawulugise vathu vatshavbo.