Dzindzimo 1:2 - Bhibhiliya Nya Guage

² a vegago gutsaka gwaye nayoni wa Pfhumu Nungungulu, a wu alakanyela wutshigu ni mihani.

Dzindzimo 1:2 Iomraidhean Croise

Genesi 24:63

Ni silambo soso a nga bani a dugide a gimbila gimbila mahangeni, a di khusa maho a gu wona dzingameriya dzi nga bani na dzi gu hidzimela.

Ezira 7:10

Kholu Ezira a di dongisede monyo waye a dzi ningela gu vbweta Nayo wa Pfhumu Nungungulu, a wu landrisa, ni gu hevbudza tigoni ga Israyeli, sileletelo ni lisine laye.

Joba 23:12

Kha nya hambana ni sileletelo sa kanani gwaye, magana yaye nyi ma vegedzide ndrani nya monyo wangu.

Dzindzimo 104:34

Gupimisa gwangu gu na tsakise Uye, eni nyi na nengela ga Pfhumu Nungungulu.

Dzindzimo 112:1

Aleluya! Dhumisani Pfhumu Nungungulu! Kategide muthu a thavago Pfhumu Nungungulu! A golago gu landrisa milayo yaye.

Dzindzimo 119:1

Va kategide vale va gimbilago khu ndzila nya gululame, avo va landrisago milayo ya Pfhumu Nungungulu.

Dzindzimo 119:11

Nyi ngu vegisa monyoni gwangu mahungu yago, gasi nyi si gu ghoheli.

Dzindzimo 119:35

Nyi gimbidzise khu ndzila nya sileletelo sago, kholu khiso si nyi tsakisago.

Dzindzimo 119:72

Nayo wu dugago khu kanani gwago, wu na ni giphaso ngudzu, guvbindra mazana ni mazana nya ndralama ni parata. Yod

Dzindzimo 119:92

Nasiri olu nyi tsakiswago khu nayo wago, na nyi fude gale gusanisekani gwangu.

Dzindzimo 40:8

Nyi ngu tsaka khu gu gira guhaladza gwago, Nungungulu wangu; ndrani nya monyo wangu womo nayo wago.

Dzindzimo 88:1

Pfhumu Nungungulu ni muvbanyisi wangu, wutshigu ni mihani nyi ngu lila avbo gwago.

Jeremiya 15:16

Avbo nyi nga mana magana yago, ayo ma di khala guhodza gwangu; ayo ma di khala litsako ni gunengela nya monyo wangu, kholu nya gu ranwa khu lina lago, uwe Pfhumu Nungungulu nya Tshivba Yatshavbo.

Luka 18:7

Ina Nungungulu khuye a na gumba lamula sihathwa saye, si mu ranago wutshigu ni mihani, ambari a gu gira gukhwatshi a gu hwela, gani?

Luka 2:37

Gi vbanyide ni mwama waye livbandre na mivili myaga. Na gi tshidwe, gi di vbanya kha nga gifurugadzi kala gi nga enedza livbandre na mararu magumi na mina (84) myaga. Gi di gu khala Nyumbani ga Nungungulu, umo gi nga bani gi thumela Nungungulu wutshigu ni mihani, na gi lombelela ni gu hala.

Varoma 7:22

Livhaloni gwangu, nya gu dzipwa na nyi gu gola gu landrisa milayo ya Nungungulu.

1 Vatesalonika 2:9

Vandruye, dundrugani khu lisine gugaradzega ni gugarala gwathu. Hi di thuma wutshigu ni mihani gasi hi si mi lemedzi, khu kharalo, hi di mi tivisani Mahungu nya Yadi ya Nungungulu.

1 Thimoti 4:15

Vegisa silo sesi, u si gimbidzisa khu ndzila ni lisine, gasi vatshavbo va wone mihandro nya gu dzi garadze gwago.

2 Thimoti 1:3

Nyi ngu bonga Nungungulu, oyu nyi mu thumelago khu mapimo nya lisine, nga edzi va nga girago vakokwe vangu. Gikhati gyatshavbo nyi ngu gu dundruga wutshigu ni mihani milombeloni gwangu.

Josuwa 1:8

U nga garali khu gu ganela khu libhuku nya Nayo; aholu gu vbwetega wutshigu ni mihani u alakanyela, gasi u landrisa satshavbo iso si lovidwego umo; khavbo avbo, u na andra ndzilani gwago bwelo khavbo u dugelela.

1 Johane 5:3

Kholu guhaladza Nungungulu khu gu sayisa milayo yaye; milayo yaye kha yi garadzi gu yi landrisa.