Dhaniyeli 9:9 - Bhibhiliya Nya Guage

⁹ Pfhumu Nungungulu wathu, a na ni wuhindzi ni gu tsetselela, ambari hi mu ghohedego,

Dhaniyeli 9:9 Iomraidhean Croise

2 Samuweli 24:14

Khavbo avbo, Dhavhidhe a di embela Gadhi, khuye: “Nyi womo vbakari nya wuvi nya wukhongolo, hi na thegeleni mandzani ga Pfhumu Nungungulu, kholu wuhindzi waye wungi ngudzu, gasi nyi si thegeli mandzani ga vathu.”

1 Dzipfhumu 8:30

Gasi olu, yingisa nombelo wa githumi gyago ni wa vathu vago va na Israyeli, va guta vata lombelela wulanga wowu. Uwe nuwe, va yingise khu wulangani gwago u khalago avbo, ndzadzini yoyo, va yingise bwelo khavbo u va tsetsela.

Nehemiya 9:31

Ambari khu kharato, khu kotani nya wuhindzi wago nya wungi, kha wa va diga va mbembisa muphelo, ambari gu va pfhurarela, kholu Uwe, U Nungungulu U gu ni wuhindzi ni gu pwela wusiwana.

Dzindzimo 130:4

Aholu avbo gwago u ngu kodza gu divalela avo va gu ningago githawo.

Dzindzimo 130:7

Israyeli a gu lirela Pfhumu Nungungulu, kholu, ga Pfhumu Nungungulu womo wuhindzi; a ngu hi vbulugisa dzimhango nya gutale.

Dzindzimo 62:12

Lihaladzo la gu lumba Pfhumu kholu a gu bweledzela ga muthu ni muthu gukhedza khu mithumo yaye.

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Isaya 63:7

Nyi na ganela khu wuwadi wa Pfhumu Nungungulu, ni mithumo ya yingi, nya rungudzo, gukhedza khu satshavbo Pfhumu Nungungulu a hi ningidego, ni wuwadi waye nya wukhongolo a girago khu nyumba ya Israyeli, owu a va giredego ni ligolo laye latshavbo a va ningidego khu lihaladzo, gukhedza khu talo nya wuwadi waye.

Jeremiya 14:7

Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Ezekiyeli 20:13

Aholu va na Israyeli va nyi kanyiside giwulani, va si landrisi sileletelo sangu, va hambana ni milayo yangu, gasi khu gu yi landrisa, va di hadza guvbanyiswa khiyo; gambe, va nyenyeziside dzisabhadho dzangu; khu guralo, nyi va embede gukheni nyi na guhula likhulo langu vbatshani gwawe, gasi nyi va mbembisa giwulani.

Dhaniyeli 9:5

Hi ghohide, hi gira silo nya guvivbe, hi dzi vangede libango khu gu gu pfhurarela, hi hambana ni milayo ni sileletelo sago.

Dhaniyeli 9:6

Kha ha yingisa malito ya vaprofeti, sithumi sago, va ganedego khu lina lago ga vafumeli vathu, ga vathangeli vathu, ga vababe vathu, kha nga gambe ga vathu vatshavbo va tigoni.

Dhaniyeli 9:7

Uwe Pfhumu, u lulamide, aholu ethu muhuno hi tade khu dzitshoni kha nga u hi wonago. Ethu vathu va Judha, va Jerusalema ni vatshavbo va na Israyeli, avo va vbafuvbi, ni avo va hwindzo, mayigoni gwatshavbo u nga hi phalalegiselago umo khu kotani hi nga hambana nago, hi si gu tumbi.

Dhaniyeli 9:8

Ah! Pfhumu Nungungulu, ethu gumogo ni vafumeli vathu, vathangeli ni vakokwe vathu, hi tade khu dzitshoni kholu hi gu ghohedego.

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.