Dhaniyeli 9:7 - Bhibhiliya Nya Guage

⁷ Uwe Pfhumu, u lulamide, aholu ethu muhuno hi tade khu dzitshoni kha nga u hi wonago. Ethu vathu va Judha, va Jerusalema ni vatshavbo va na Israyeli, avo va vbafuvbi, ni avo va hwindzo, mayigoni gwatshavbo u nga hi phalalegiselago umo khu kotani hi nga hambana nago, hi si gu tumbi.

Dhaniyeli 9:7 Iomraidhean Croise

Ezira 9:13

Gasi hwane nya satshavbo sesi si nga hi dugelelago, khu kotani nya mithumo yathu nya guvivbe, gumogo ni nandru wathu nya wukhongolo, ambari khu kharato, uwe Nungungulu wathu, u himbedzede gukhuwe hi mbembiswa khu kotani nya sighoho sathu, bwelo khavbo u hi ningide mitshaledwa nya nga eyi yi vbulugidego.

Ezira 9:15

Ah! Pfhumu Nungungulu wa na Israyeli, uwe U lulamide kholu hi vbulugide kha nga olu hi si wonago; wona nya gukhuwe hi womo mbeli gwago musighohoni gwathu; kholu mwalo ni moyo a yelago gu khala vbafuvbi gwago khu kotani nya esi.”

Nehemiya 9:33

Ga satshavbo si hi dugelelago, Uwe U thumide khu gululama, ethu hi gira guvivba.

Dzindzimo 119:137

Pfhumu Nungungulu uwe u lulamide, ni gulamula gwago khwa lisine.

Dzindzimo 44:15

Matshigu yatshavbo nya gu wona dzitshoni dzangu; nyi fenengedzwa khovbe yangu khu dzitshoni,

Dzindzimo 51:14

Nungungulu, nyi vbulugise ga novba wu vbaladzidwego Nungungulu, muvbanyisi wangu, lidimi langu li na khusedza gululama gwago.

Dzindzimo 51:4

Nyi ghohede uwe, nyi ghohede uwe basi, nyi giride esi si nyenyezidego mahoni gwago, lisine lago u ganelago, gu lulamide gulamula gwago tshivba yago ya gu wonega khu gu lamula.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 45:16

Vatshavbo va vatago sifananiso, va na khala dzitshoni va hambanega mapimo.

Jeremiya 12:1

Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 3:25

Dzitshoni dzi na khale lidawu lathu, hi fenengedzwa khu milandru yathu, ethu gumogo ni vababe vathu; kholu gukhugela wudzahani wathu kala na muhuno, ethu gumogo ni vababe vathu hi ghohede Pfhumu, Nungungulu wathu, gambe kha ha yingisa lito la Pfhumu Nungungulu wathu.

Jeremiya 32:32

Khu wuvivbi watshavbo wowu va wu giridego va na Israyeli ni va na Judha, va nyi wusede likhulo langu, avo gumogo ni vafumeli vawe, manganagana, vaphasi nya mhamba ni vaprofeti vawe, kha nga gambe ni vathu vatshavbo va Judha gumogo ni vavbanyi va Jerusalema.

Jeremiya 33:16

Khu matshigu yoyo, Judha a na vbanyiswa, Jerusalema a na vbanya na tiyide, eli khu lina va na mu ranago khilo, khavo: “Pfhumu Nungungulu khuye Gululama Gwathu.”

Jeremiya 4:17

Va ngu randrela Jerusalema, gu fanana ni vama va ghadhago thembweni, kholu vavbanyi vaye va nyi wugede. A ngu ganela Pfhumu Nungungulu.

Jeremiya 7:19

Ina va gu pwisa eni wuvi, gani? A ngu ganela Pfhumu Nungungulu, va gu dzi pwisa vabune wuvi, va dzi thela dzitshoni dzikhovbeni gwawe.

Ezekiyeli 16:63

Nyi na gira esi, gasi u alakanye ni gu khala dzitshoni, gima u si tuli gambe likana lago khu kotani nya dzitshoni dzago, gikhati nyi nga tsetselelana nago khu satshavbo u giridego; a ngu ganela Mune Pfhumu Nungungulu.”

Ezekiyeli 36:31

Khavbo avbo, mu na alakanyani dzindzila dzanu nya guwegele ni mithumo yanu nya guvivbe; mu na khala sirangalabwa enu vamune kamwe khu kotani nya guvivbe ni gu dzi nyenyezisa gwanu.

Ezekiyeli 5:10

Khu guralo, vbakari gwago, vavelegi va na hodza sanana sawe, ni sanana niso, si na hodza vavelegi vawe; nyi na gu tsayisa, nyi phalalegisa mitshaledwa yago khu maphuvbo yatshavbo.

Ezekiyeli 6:12

Uye a guromo hwindzo a nafa khu tungu, uye a guromo vbafuvbi a nafa khu litshari, uye a na tshalago a nafa khu ndzala. Kharato, nyi na rumela likhulo langu avbo gwawe.

Dhaniyeli 9:14

Khu guralo, Pfhumu Nungungulu kha kanakana gu hi resela libango leli avbo gwathu, kholu Pfhumu Nungungulu wathu lulamide ga satshavbo a girago; ambari khu guralo, ethu kha hi mu yingisi.

Dhaniyeli 9:18

Nungungulu wangu, neredza ndzeve yago u yingisa; u tula maho yago u wona gu pfhungumudwa nya lidhoropa lago, li ranwago khu lina lago. Kholu kha hi giri gilombo gegi gwago khu gu na hiri valulami, aholu khu kotani nya wuhindzi wago nya wukhongolo.

Dhaniyeli 9:8

Ah! Pfhumu Nungungulu, ethu gumogo ni vafumeli vathu, vathangeli ni vakokwe vathu, hi tade khu dzitshoni kholu hi gu ghohedego.

Amosi 9:9

Kholu wonani nya gukhenu nyi na rumela, nyumba ya Israyeli yi vbevberwa vbakari nya mayigo yatshavbo, kha nga idzo gu vbevberwago khidzo mavbila khu gisalava gu si thegi ni tshotha mweyo mafuni.

Varoma 6:21

Aholu, giphaso muni mu gi manidego khu gu thumani silo, muhuno si mi thelago dzitshoni? Mahegiso nya mithumo yoyo khu gufa.

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.

Dhewuteronome 4:27

Pfhumu Nungungulu a na mi phalalegisa vbakari nya mayigo, mu na tshala na muri tengo nya wudugwana vbakari nya vathu nya mayigo Pfhumu Nungungulu a na mi yisago umo.