Dhaniyeli 9:4 - Bhibhiliya Nya Guage

⁴ Nyi di lombelela ga Pfhumu Nungungulu wangu, nyi dawulela sighoho sangu, kheni: Oh! Pfhumu! Nungungulu nya khongolo nya guthavisege, khu lihaladzo lago nya gutumbege, u vegedzago gidzumeledzwano ni avo va gu golago ni gu vegedza milayo yago;

Dhaniyeli 9:4 Iomraidhean Croise

1 Dzipfhumu 8:23

a lombelela, khuye: “Pfhumu Nungungulu wa Israyeli, mwalo mumbe Nungungulu a fananago ni Uwe, vbatshani ndzadzini, ambari vbavbatshi mafuni, Uwe u vegedzago gidzumeledzwano nya wuhindzi ga sithumi sago, si tago mbeli gwago khu monyo wawe watshavbo.

2 Dzikoronika 7:14

vathu vangu, va ranwago khu lina langu, va gu dzi sodzisa ni gu va lombelela khu gu vbweta Lina Langu, va hambana ni dzindzila dzawe nya guvivbe, na nyiri kheno ndzadzini, nyi na va yingisa, nyi va tsetselela sighoho sawe, nyi vbodzisa litigo lawe.

Ezira 10:1

Avbo Ezira a nga bani a lombelela ni gu gira dawulelo na gu lila na nogide mbeli nya Nyumba ya Nungungulu, gu dita tombana gwaye tshangano nya wungi wa na Israyeli, nya vama, vanyamayi ni sanana; kholu vathu va di gu lila khu wuvi nya wukhongolo ngudzu.

Nehemiya 1:5

Nyi ganela, kheni: Nyi ngu lomba ga uwe Pfhumu Nungungulu wa ndzadzini, uwe u gu khongolo u thavisegago, uwe u sayisago pwanano ni gu girela wuhindzi vale va gu golago ni gu vegedza milayo yago!

Nehemiya 9:32

Gasi olu, Uwe Nungungulu wathu, U Nungungulu nya khongolo U gu ni tshivba yi thavisegidego, U vegedzago gidzumeledzwano ni lihaladzo nya gutumbege; wona nari likhongolo libango leli li thegedego avbo gwathu gukhugela gikhatini ga vafumeli va Asiriya kala na muhuno, ga ethu ni vafumeli vathu, ga vafumeli vathu, ga vaphasi vathu nya mhamba, ga manganagana yathu, ga vaprofeti vathu, ga vababe vathu, ni ga vathu vatshavbo.

Dzindzimo 32:5

Nyi dawulede gwago giwono gyangu, kha nya gu sihela guvbanya gwangu; eni nyi di ganela, kheni: “Nyi ngu hongola ga Pfhumu Nungungulu, nyi ya dawulela guvivba gwangu!” Uwe u di handza guvivba gwangu, u nyi divalela guvivba nya gighoho gyangu.

Ekisodha 20:6

Aholu, nyi ngu girela wuhindzi, kala gitugulwana nya likhumi mazana (1.000) ga vale va nyi golago, va wuya va vegisa milayo yangu.

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Dhaniyeli 6:10

Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Dhaniyeli 9:3

Khu guralo, nyi di khusedza maho yangu ga Pfhumu Nungungulu nyi gira milombelo, nyi lila ni guhala, nyi ambala silendra ni gu phorola nguma.

Luka 1:72

A fela gu yeyedza wuhindzi a giredego vababe vathu, khu gu alakanya gidzumeledzwano gyaye nya gukatege,

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

Dhewuteronome 5:10

nyi girela wuhindzi kala likhumi mazana situgulwana sa vale va nyi golago ni gu sayisa milayo yangu.

Dhewuteronome 7:12

Khu guralo, wa gu yingisa milayo yeyi, u yi vegedza ni gu yi landrisa, Pfhumu Nungungulu wago, a na sayisa gidzumeledzwano ni wuhindzi a tumbisidego khu gusambanya ga vababe vago.

Dhewuteronome 7:21

U nga khali hwanga mbeli gwawe, kholu Pfhumu Nungungulu wago, a gu Nungungulu nya khongolo ni guthavisega, womo vbakari gwago.

Dhewuteronome 7:9

Khala nu gu dziti nya gukhuwe Pfhumu Nungungulu wago, Nungungulu nya gutumbege, a vegedzago gidzumeledzwano ni gu girela wuhindzi kala gitugulwana nya likhumi mazana (1.000), ga vale va mu golago ni gu landrisa milayo yaye;

Jakobe 1:12

Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?