Dhaniyeli 9:3 - Bhibhiliya Nya Guage

³ Khu guralo, nyi di khusedza maho yangu ga Pfhumu Nungungulu nyi gira milombelo, nyi lila ni guhala, nyi ambala silendra ni gu phorola nguma.

Dhaniyeli 9:3 Iomraidhean Croise

2 Samuweli 12:16

Dhavhidhe a di lombelela khu gyanana ga Nungungulu, a hala a si hodzi gilo, a bela nyumbani gwaye a lala vbavbatshi wutshigu watshavbo.

Ezira 10:6

Ezira a di khuga khu mbeli nya Nyumba ya Nungungulu, a bela makhuvini ya Jowanani, mwamana wa Eliyasibhi, aya khala umo nyamba hodza guhodza ni gu sela mati, uye a di gu lila khu mahungu nya sighoho si nga girwago khu avo va widego khu wugumbitunu.

Ezira 8:21

Na hiri vbafuvbi ni tsongo wa Ahavha, nyi di emisa litshigu nya guhale gasi gu dzi sola mbeli ga Nungungulu wathu, gasi hi mu lomba gu a hi yeyedze ndzila nya yadi, ethu ni sanana sathu, gumogo ni silo sathu satshavbo.

Ezira 9:5

Vbafuvbi ni gu gira phaso nya silambo, nyi di wuga khu guswihalani gwangu, kha nga nyi nga bani nyi pferude dzingandzu dzangu ni gifenengelo gyangu, nyi di khidzima khu dzikhungumudzi dzangu, nyi thawuludza mandza yangu ga Pfhumu Nungungulu wangu.

Nehemiya 9:1

Khu litshigu nya magumavili na mana nya ngima yoyo, va na Israyeli va di tshangana va hala na va ambade dzisaku na va phorode hungoni khu kudzudzwane.

Joba 42:6

Khu guralo, nyi ngu dzipwa na nyiri ni nandru, olu nyi ngu dzi laya, khu guphorola nguma ni kudzudzwane.”

Dzindzimo 35:13

Gikhati avo va nga manwa khu madwali, eni nyi di ambala silendra nyi hala nyamba hodza gilo, nyi di wuyelela gu gira nombelo na nyi gu nogide,

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Ezekiyeli 36:37

Mune Pfhumu Nungungulu, a ngu ganela kharati, khuye: Ambari khu esi, nyi nga na gu dzumedzisa gukheni va na Israyeli, va na gire nombelo, va nyi lomba gukhavo nyi va phase, nyi andrisa vathu vawe kha nga tshambi nya dzinvuta.

Dhaniyeli 6:10

Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Dhaniyeli 9:2

Khu mwaga nya guhegule nya gufume gwaye, eni Dhaniyeli, nyi di wu pima khu gu hevbula umo nya mabhuku, tengo nya myaga, eyi Pfhumu Nungungulu a nga ganelago ga muprofeti Jeremiya, gukhuye khu hwane nya livbandre na mavili magumi myaga, Jerusalema gu na pfhungumudwa gu khala marumbi.

Dhaniyeli 9:20

Na nyi nga guganela ni gu lombelela, nyi dawulela sighoho sangu ni sighoho sa vathu vangu va na Israyeli, nyi resa gilombo gyangu ga Pfhumu Nungungulu wangu, khu kotani nya gigomo gyaye nya gukatege,

Dhaniyeli 9:4

Nyi di lombelela ga Pfhumu Nungungulu wangu, nyi dawulela sighoho sangu, kheni: Oh! Pfhumu! Nungungulu nya khongolo nya guthavisege, khu lihaladzo lago nya gutumbege, u vegedzago gidzumeledzwano ni avo va gu golago ni gu vegedza milayo yago;

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Joyele 2:12

Khu guralo, olu kamwe, a ngu ganela Pfhumu Nungungulu, khuye: Vbindrugedzani mu wuye gwangu khu monyo wanu watshavbo; isoso na mu gu hala khu gu lila ni gu womba dzihuwa.

Jona 3:5

Vathu va Ninivha va di khodwa ga Nungungulu, va emisa litshigu nya guhale, va ambala dzisaku, gukhugela avo nya vakhongolo kala avo nya vadugwane.

Matewu 17:21

Lifumbu leli nya maphuvbo la gu tutumiswa basi khu tshivba nya nombelo ni guhala.”

Luka 2:37

Gi vbanyide ni mwama waye livbandre na mivili myaga. Na gi tshidwe, gi di vbanya kha nga gifurugadzi kala gi nga enedza livbandre na mararu magumi na mina (84) myaga. Gi di gu khala Nyumbani ga Nungungulu, umo gi nga bani gi thumela Nungungulu wutshigu ni mihani, na gi lombelela ni gu hala.

Mithumo 10:30

Korineliyo a di mu hakha, khuye: “Vbanyatulo nguluni, khu gikhati nya nga egi, na nyi gu gira milombelo yangu nya silambo, nyi di wona muthu nya dzingandzu nya gungangamele,