Dhaniyeli 9:27 - Bhibhiliya Nya Guage

²⁷ Khu semana mweyo basi, a na gira gidzumeledzwano gi tiyidego ni vathu nya vangi. Khu vbakari nya semana, a na vbedza miphaselo ni miningelo nya guhodze. Khu vbatshani nya gikoli nya Nyumba ya Nungungulu, gu na vegwa githombe nya guthise, kala wu vboha tsayiso wu vegisidwego gu tsayisa mumbembisi.

Dhaniyeli 9:27 Iomraidhean Croise

Isaya 28:15

Mu ngu dzi zundza mu ganela, khenu: Mu hungide pwanano ni lufu, ni gukhenu litigo nya vafi pari yathu, ambari tsayiso wu khulunga wu fanana ni talo, gima kha wu na hi vbohela, kholu malipha, wuthavelo wathu, ni wudambane, wulanga nya gusihale avbo.

Isaya 28:22

Olu, digani gu hembulula, gasi mu si hungwi khu makhetshe nya guvbindre pimo; kholu nyi pwide khu ga Pfhumu Nungungulu nya Tshivba Yatshavbo, na gu ganedwa khu gumbembiswa litigo, gumbembiswa gogu, gu tiyide, gu na girega tigoni gwatshavbo.

Isaya 42:6

Eni, Pfhumu Nungungulu, nyi gu ranide guta thuma gululama, nyi na gu phara khu libogo, nyi gu sayisa, nyi na gu gira mutshanganisi nya vathu ni wenengedzo wa va nya mayigo;

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Jeremiya 7:30

Kholu va na Judha va giride iso si vivbidego mbeli gwangu. A ngu ganela Pfhumu Nungungulu; va giride manyala nyumbani gu khozedwago umo lina langu va gu nyenyezisa.

Dhaniyeli 11:31

Gu na duga masotshwa yaye nya gukari, ma nyenyezisa nyumba nya miphaso, gumogo ni likhokhola, va fuvisa ni phaso nya litshigu ni litshigu, va thela manyala nya guthise.

Dhaniyeli 11:36

Mufumeli a na gira gukhedza khu iso a na si golago, a na dzi khusedza ni gu dzi dandrisa mbeli ga vambe vanungungulu; gumogo ni ga Nungungulu nya vanungungulu, a na ganela sihonohono nya guthise. A na andra, kala gu tadzisega likhulo, kholu sile si hungidwego, si na tadzisega.

Dhaniyeli 12:11

Gukhugela avbo gu na gu fuviswago phaso nya litshigu ni litshigu, gu vegwa manyala nya gunyenyeze, gu na vegwa likhumi na mavili mazana ni livbandre na mana magumi matshigu (1.290).

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Dhaniyeli 8:13

Khu hwane, nyi dipwa gihathwa gi nga bani gi ganela; gimbe gihathwa gi di embela gile gi nga bani gi ganela, khigyo: “Silo sesi nyi si wonago khu giwoniso, si na simama kala lini si ganelago khu phaso nya litshigu ni litshigu, khu gughoha, si nga pfhungumudzisago nyumba nya miphaso, ni sivangwa si ningedwago si gandredzedwa khu migondro nya kheho, na?”

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Mitengo 7:62

ni gimbiyana nya ndralama, nya pimo nya likhumi dzisekeli, nya gutale khu libani;

Matewu 24:15

“Khu kharato, mwa gu wona manyala nya guthavise, ma thudwago khu muprofeti Dhaniyeli na ma romo vbawulangatunu nya gukatege, uye a hevbulago a na si pimise gwadi,

Matewu 26:28

Kholu owu novba wangu, novba nya gidzumeledzwano giphya wu na vbaladzedwago va nya gutala, gasi gutsetseledwa sighoho.

Matewu 27:51

Khavbo avbo, mwendra nya makhuvi nya Nyumba ya Nungungulu wu di pferuga khu vbakari gukhugela vbatshani kala vbavbatshi; gi di manega girevareva, si gu pandrega siwindri;

Marko 13:14

“Aholu, mwa gu wonani manyala nya guthise na ma emisidwe avba gu si yeligo oyu a hevbulago a na si pime gwadi, avo va guromo Judheya va na thavele sigomoni.

Luka 21:20

“Aholu mwa gu wona Jerusalema na gu randredwe khu dzinyimbi, dzitini nya gukhenu gu vbohide gumbemba gwaye.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Varoma 11:26

Gikhati gyogyo, ngamo yatshavbo ya na Israyeli yi na vbanyiswa kha nga yi ganelago Milowo nya Guage, khiyo: “Khu Siyoni a nata muvbanyisi, a nata handzago guvivba ga sanana sa na Israyeli.

Varoma 5:15

Aholu, gighoho kha gi dzi kodzi gu ninganiswa ni wuhigo hi ningwago khu Nungungulu. Khu lisine, vathu vatshavbo va fude khu kota nya gughohe gwa muthu moyo basi; aholu wuhigo wa Nungungulu wukhongolo ngudzu guvbindrisa. Wuhigo wowu ha gu ningwa khu Nungungulu linani ga muthu moyo basi, a gu Jesu Kristo, wu vbalagela ga vathu vatshavbo khu gutala.

Varoma 5:19

Khu guyeyisa ga muthu moyo basi, vathu vatshavbo va khade sighohi, khu gu yingela ga muthu moyo basi, vatshavbo va khade va nya gululama.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.