Dhaniyeli 9:24 - Bhibhiliya Nya Guage

²⁴ Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Dhaniyeli 9:24 Iomraidhean Croise

2 Dzikoronika 29:24

Vaphasi nya mhamba va di songa vanyamabhongwe va dzega novba wakone va mitegedzela vbagiluvelotunu gasi gu khala mhamba nya gu dzegiswe khiyo ni gu tsetseledwa sighoho sa va na Israyeli vatshavbo. Kholu mufumeli a di leleteside gu girwa mhamba yile nya guvbiswe ni gu phasedwa khu gighoho gya Israyeli watshavbo.

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 45:7

U ngu gola gululama, u nyenya guvivba; khigyo gi nga girago Nungungulu wago a gu todza khu mafura nya gunengele, guvbindra vatshavbo u palisanago navo.

Isaya 42:4

Kha na vbela tshivba ambari gu garala, kala a gu tivisa gululama tigoni; mayigo ya sidwani ma na lirela gupwa sihevbudzo saye.

Isaya 51:6

Khusedzani maho mu khedza ndzadzini, mu wona vbavbatshi nya mafu; ndzadzini gu na mwalalega kha nga wutshi, ni mafu nayo, ma na hagala gu fanana ni guambala. Avo va vbanyago umo, va nafa gu fanana ni dzitshuna; aholu guvbanyisa gwangu gu na simama kala gupindruga, ni gululama gwangu kha gu na thindrekiswa.

Isaya 51:8

Kholu avo va na hodzwa khu muhwa kha nga mwendra, va hodzwa khu siwungu kha nga mawoya; aholu gululama gwangu gu na simama kala gupindruga, ni guvbanyisa gwangu, gu na thapela mimela ni mimelana.

Isaya 56:1

Pfhumu Nungungulu a ngu ganela kharati, khuye: “Ningani githawo nayo wangu ni gu gira gululama, kholu guvbanyisa gwangu gomo vbafuvbi ni gu vboha, ni gulamula gwangu gomo vbafuvbi ni gu gutadzisega.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Gililo 4:22

Tsayiso wago uwe nyamahegyane wa Siyoni, wu vbohide mahegiso. Pfhumu Nungungulu kha na gu vbagela gambe uya wugumbitunu. Gasi uwe nyamahegyane wa Edhomi, Pfhumu a na gu tsayisa khu kotani nya sighoho sago, Uye a na funungula sighoho sago si wonwa khu vathu.

Ezekiyeli 28:12

“Mwamana wa muthu, gira gililo u girela mufumeli wa Tiro, u mu embela, khuwe: Mune Pfhumu Nungungulu, a ngu ganela kharati, khuye: Uwe u giwonelo nya wuwadi, nu tade khu guti ni wumburi.

Ezekiyeli 4:5

Kholu, nyi vegide gukheni tengo nya matshigu ma na fanane ni tengo nya myaga nya guvivbe gwawe, si tshamusago gu khiso, gipimo nya mazana mararu ni livbandre na mana magumi (390) matshigu, u na rwala sighoho sa va na Israyeli.

Ezekiyeli 4:6

Na gi vbede gikhati gegi, u na vbindrugedza u lala khu limbambo lago la nyamudye, u rwala nandru nya sighoho sa va na Judha, gipimo nya magumana (40) matshigu, nyi gu ningide litshigu limwedo kha nga mwaga.

Levhi 25:8

U na saya livbandre na dzimbili dzisemana nya myaga, khu gu khethu, livbandre na sivili sighava nya livbandre na mivili myaga, livbandre na mivili myaga yi wuyedzedwa livbandre na guvili; u tshanganisa kharati gipimo nya magumana na livbandre na mina myaga.

Levhi 8:15

Mosi a di paya kuzi a hakhedzela novba wakone, na negide nyala yaye novbani, a di todza dzikeho nya giluvelo khu maphuvbo yatshavbo a gi agisa; khu hwane a di guhula novba watshavbo tshinani nya giluvelo a gi agisa gasi gu ningela avbo phaso nya gulivbe nandru nya gighoho.

Zakariya 4:14

Khavbo avbo, iyo yi di nyi embela, khiyo: “Ava khu vama va vavili va todzidwego mafura gasi gu thumela Pfhumu nya litigo latshavbo.”

Mitengo 14:34

Kha nga olu mu vbedzidego magumana matshigu na mu gu holelela litigo, mu na rwala milandru yanu gipimo nya magumana myaga, kholu litshigu limwedo mwaga rumba; gasi mu fela gu dziti gukhenu Eni nyi Swihade.

Matewu 1:21

Uye a na velega gyanana nya gikhwathana u na gi thangisago lina la Jesu, kholu gi na vbanyisa vathu vaye musighohoni sawe.”

Matewu 11:13

Kholu vaprofeti vatshavbo ni Nayo va di hevbudza kala gu vboha Johane.

Matewu 4:5

Khavbo avbo, Sathane a di mu dzega a gu hongola naye dhoropani nya gukatege; aya mu emisa gikolitunu nya Nyumba ya Nungungulu,

Marko 1:24

“Ginani hi nga gu ghohelago, Jesu wa Nazareta, wa gu tela guta hi mbembisa? Nyi ngu guti khuwe mani: Khuwe Gihathwa gya Nungungulu.”

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Luka 21:22

kholu matshigu yoyo khya gu dzi phodzela, gasi gu tadzisega satshavbo iso si nga lowago.

Johane 1:41

Uye, guphela, a di mana ndriyaye Simoni, a gu mu embela, khuye: “Hi manide Mesiya, gutshamusago pwani Kristo.”

Johane 3:34

Kholu wule a nga rumedwa khu Nungungulu a gu ganela mahungu ya Nungungulu, Nungungulu kha mu ningi Liphuvbo khu gu mu pimela.

Mithumo 3:14

Mu dangide muthu nya guage ni muthu nya gululame, mu gu lomba gu tshuledwa gighevenga.

Mithumo 3:22

Khu lisine, ganede Mosi, khuye: ‘Pfhumu Nungungulu a na tumbulugisa vbakari nya vandriyanu muprofeti nya gufanane ni eni. Mu na mu yingisani ga satshavbo a na gu mi embelago.

Mithumo 4:26

Vafumeli nya mayigo ni manganagana va emide gumogo Va hengela gu wugela Pfhumu ni Kristo waye.’

Varoma 5:10

Uye Nungungulu, na hi ngari valala vaye a hi wonego na hi lulamide khu kotani nya gufe ga Kristo, hi ngu khodwa gukhethu, ngudzungudzu olu, hi tshanganisidwego naye, hi na vbanyiswa khu womi wa Mwanaye.

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

Vafilipi 3:9

Satshavbo nya gu si wona nga ndzilo khu gufela gu mana Kristo nyi hengela naye guvbanya. Eni nya gu vbanya wulongoni gwa Nungungulu, khandri khu kota nya gulandrise Nayo, kholu wulongo nya wadi ni Nungungulu wa gu hungwa khu gukhodwa.

Vakolosi 1:20

Khu tshivba yaye tshanganiside ni Nungungulu silo satshavbo: Esi si guromo Ndzadzini ni esi si guromo mafuni a guvbaha gurula ga vatshavbo khu novba wa Mwanaye wu vbaladzidwego vbagihambanotunu.

Vakolosi 2:14

Uye fuviside lidangalila nya nandru li nga bani li gu hi thuledza, a li futa khu gu li khokhothela vbagihambanotunu.

Vahebheru 10:14

Khu magirelo yoyo, khu mhamba mweyo basi, Kristo agiside, va vbelela kala gupindruga, vale va nga handzwa sighoho.

Vahebheru 2:17

A di fanela gu khala idzosaye ni vandriyaye siloni satshavbo, gasi a khale Muphasi nya Khongolo nya mhamba, a gu na ni wuhindzi ni gutumbega thumoni nya gu va tshanganise ni Nungungulu, gasi gu tsetseledwa sighoho nya vathu.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

Vahebheru 9:26

Nari pwani a di gira kharato, a di vbweta gusaniseka dzinyondro nya dzingi, gukhugela guvangwa nya litigo. Olu gikhati gi yago guhegisani, uye a dzi wonegiside gumogo basi guvbela, afela gu fuvisa gighoho khu mhamba nya gufe gwaye.

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.

Gutuledwa 14:6

Nyi di wona gambe yimbe ngilozi na yi gu vbuvba ndzadzini. Yi diri ni Mahungu nya Yadi nya gupindruge, guta embela vathu va vbanyago mafuni, nya mafumbu, ni mahundzu, ni malimi yatshavbo.

Gutuledwa 3:7

Lovela ngilozi ya libandla la Filadhelifiya, khuwe: “Wule a agidego, a gu uye nya lisine, a gu ni pfhungulo ya Dhavhidhe, wule nya gu a gu tula mwalo a segago, a gu sega mwalo a tulago, wari, khuye: