Dhaniyeli 9:22 - Bhibhiliya Nya Guage

²² Uye a dita nyi tivisa, a nyi embela, khuye: Dhaniyeli, olu nyi dzude gasi guta gu tula mapimo.

Dhaniyeli 9:22 Iomraidhean Croise

Dhaniyeli 10:11

Uye a di khuye: “Dhaniyeli, muthu nya gugodwe ngudzu khu Nungungulu, yingisa gwadi iso nyi vbwetago gu gu embela; khuga u eme, kholu eni nyi rumedwe avbo gwago.” Avbo a nga nyi embela isoso, nyi di khuga nyi ema na nyi gu ndrendremela.

Dhaniyeli 10:12

A di engedza, khuye: “Dhaniyeli, u nga khali hwanga. Gukhugela litshigu nya guhegule u nga dzi sodzisa mbeli ga Nungungulu wago khu gu vbweta guti makungo yaye, malito yago ma yingisidwe, eni nya guta gu ninga phindrulo yaye.

Dhaniyeli 10:14

Olu nyi dzude guta gu tivisa iso si na gu giregago ga vathu vago khu matshigu nya guhegise, kholu giwoniso gya gu ganela khu silo si ngarigo hwindzo ni gu girega.”

Dhaniyeli 10:21

aholu, nyi na phela khu gu gu embela esi si lovidwego Libhukuni nya Lisine. Mwalo a na gu nyi phasedzelago gu dwana litunga lolo, vbavbandze basi ga Migeli, muemeli wanu.

Dhaniyeli 7:16

Nyi hidzimela ga wule a nga bani nari vbafuvbi, nyi mu wudzisa tshamuselo nya satshavbo sesi nyi nga si wonago. Uye a di nyi embela ni gu nyi ninga tshamuselo nya silo sesi, khuye:

Dhaniyeli 8:16

Nyi dipwa lito nya muthu na li guta khu dzibambe nya tsongo wa Ulayi, na li huwata, khilo: “Gabriyeli, ninga muthu yoyo tshamuselo nya giwoniso.”

Amosi 3:7

Khu lisine, Pfhumu Nungungulu, kha na gira gilo nyamba phela khu gu ninga giwoniso ga sithumi saye, a gu vaprofeti.

Zakariya 1:14

Khavbo avbo, ngilozi yi nga bani na yi ganela ni eni, yi di nyi embela, khiyo: Huwelela esi, u ganela, khuwe: Pfhumu Nungungulu nya Tshivba Yatshavbo, a ngu ganela kharati, khuye: Nyi ngu vbisega ngudzu khu kotani ya Jerusalema ni Siyoni;

Zakariya 1:9

Khavbo avbo, nyi di wudzisa, kheni: “Pfhumu yangu, gasi khu va mani ava?” Ngilozi yi nga bani yi ganela ni eni, yi di, khiyo: “Nyi na gu nonedza gukheni khavo va mani.”

Gutuledwa 4:1

Hwane nya silo sesi, nyi di tula maho, nyi wona lidimba na li tudwe Ndzadzini: Lito nya guphele nyi nga lipwago na li ganela gwangu, kha nga pundru, li di, khilo: “Lita uta eno, gasi nyi gu yeyedze iso si na giregago hwane nya esi:”