Dhaniyeli 9:21 - Bhibhiliya Nya Guage

²¹ na nyi nga gu lombelela, a dita Gabriyeli, mwama yoyu nyi nga bani nyi mu wonide guhegulani khu giwoniso, na gu vbuvba khu guvbiredza ata nyi kuha khu gikhati nya phaso nya silambo.

Dhaniyeli 9:21 Iomraidhean Croise

1 Dzipfhumu 18:29

Va di simama va gira kharato, khu tshivba ni tshivba kala ni silambo, gikhatini va olovelago gu gira miphaselo nya dzimbewu. Aholu kha va ngapwa lito, ambari phindrulo mwendro gu wona gilo.

1 Dzipfhumu 18:36

Avbo gu nga vbohago gikhati nya guningele miphaselo nya silambo, muprofeti Eliya a di hidzimela vbagiluvelotunu a ganela, khuye: “Uwe Nungungulu wa Abrahama, wa Isaki ni wa Jakobe, dzi wonegise muhuno gukhuwe, uwe khuwe, Nungungulu wa Israyeli, ni gukhuwe eni kheni githumi gyago. Wonegisa gukhuwe eni nyi giride satshavbo sesi khu guruma gwago.

Dzindzimo 103:20

Bongani Pfhumu Nungungulu enu dzingilozi dzaye, enu mu gu na ni tshivba mu landrisago milayo yaye ni gu yingisa magana yaye.

Dzindzimo 104:4

Wa gu gira dziphuvbo dzi khala dzingilozi dzago ni malavbelavbe nya nilo ma khala sithumi sago.

Dzindzimo 141:2

Nombelo wangu wu na gwele kha nga libani li vbiswago mbeli gwago, mandza yangu ma na khugege iyo gwago kha nga phaso nya silambo.

Ekisodha 29:39

U na paya nvutana mweyo vbadzimindrutunu, yimbe nvutana u yi paya gupfolani nya lidambo.

Isaya 6:2

Vbatshani gwaye gu di emide dziserafini; mweyo ni mweyo nya idzo, yi diri ni livbandre na limwedo mambapi; mambapi mavili ma di fenengedza khovbe, mambe mavili ma di fenengedza mawundru, dzi vbuvba khu mambapi mavili.

Ezekiyeli 1:11

Dzikhovbe dzawe ni mambapi dzawe, si di hambanisidwe khu vbatshani, gimwegyo ni gimwegyo gi diri ni mambapi mavili, na ma yinganide limwedo ga limbe, mambapi ya mavili, dzi di gu fenengedza sivili dzaso.

Ezekiyeli 1:14

Sivangwa sile nya guvbanye, si di tutuma-tutuma, gu fanana ni nyangafula.

Ezekiyeli 14:14

Ambari na va khade vbakari nya litigo lile vama vava va vararu, Nowa, Dhaniyeli ni Joba, a gu vama nya gululame, va di hadza guvbulugisa womi wawe basi khu kotani nya gululame gwawe; a ngu ganela Mune Pfhumu Nungungulu.

Dhaniyeli 10:10

Khu hwane, nyi dipwa gyandza gya muthuyo na gi gu nyi kuha nyi phela gu khuga khu dzikhungumudzi ni mawogo na nyi gu ndrendremela.

Dhaniyeli 10:16

Khavbo avbo, givangwa gimwegyo nya gufanane ni sanana nya vathu, gi di nyi kuha gihofu, khavbo avbo, nyi di tula likana nyi ganela, nyi embela wule a nga bani na emide mbeli gwangu, kheni: “Pfhumu yangu, nyi ngu saniseka ngudzu khu mahungu nya giwoniso nyi gi wonidego, nyi rerekide nyi vbela tshivba.”

Dhaniyeli 10:18

Givangwa nya gu gufanane ni muthu, gi di engedza gu nyi kuha gi nyi ninga tshivba.

Dhaniyeli 8:16

Nyi dipwa lito nya muthu na li guta khu dzibambe nya tsongo wa Ulayi, na li huwata, khilo: “Gabriyeli, ninga muthu yoyo tshamuselo nya giwoniso.”

Dhaniyeli 8:18

A di ganela ni eni, na nyi titivade, khovbe yangu na yi pfugunyede mafuni. Khavbo avbo, uye a di nyi kuha a nyi khusa nyi ema.

Matewu 27:46

Ni silambo, Jesu a di khusedza lito, khuye: “Eli, Eli, lema sabaktani?” Gu tshamusago, pwani “Nungungulu wangu, Nungungulu wangu, khu ginani u nyi digidego?”

Luka 1:19

Ngilozi yi di mu phindrula, khiyo: “Eni kheni Gabriyeli, wule a guromo mbeli ga Nungungulu; nyi di rumedwa gasi guta gu tivisa mahungu yaya nya gutsakise.

Luka 1:26

Khu ngima nya livbandre na moyo, ngilozi Gabriyeli yi di rumedwa khu Nungungulu dhoropani ga Galileya nya gupwani Nazareta,

Mithumo 10:3

Tshigu mwedo, ni silambo, umo nya ora nya wuraru, a di woniswa giwoniso nya gukari. Ngilozi ya Nungungulu yi di hidzimela avbo a nga bani a romo, yi mu rana, khiyo: “Korineliyo.”

Mithumo 10:9

Gandra ni dzimindru, na vari vbakari nya ndzila, vbafuvbi ni gu vboha, dhoropani ga Jope, Pedro a di lita vbatshani nya nyumba, khu gikhati nya midiya, gasi guya gira nombelo.

Mithumo 12:7

Khavbo avbo, yi di tumbuluga ngilozi ya Pfhumu, lipaso li di wenengedzwa khu safa; ngilozi ya Nungungulu yi di kuha limbambo la Pedro, yi mu wusa yi mu embela, khiyo: “Khuga u eme khu guvbiredza.” Khavbo avbo, dzitshinga dzi di thega khu mawogoni gwaye.

Mithumo 3:1

Pedro ni Johane va di gu gwela Nyumbani ga Nungungulu vaya gira nombelo nya silambo.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Vahebheru 1:7

Nungungulu, a ngu ganela mayelano khu dzingilozi dzaye, khuye: “Nungungulu a gu rumela dzingilozi dzaye dzi khale maphuvbo, ni sithumi saye si khale malavbelavbe nya nilo.”

Gutuledwa 9:17

Nyi di woniswa kharati dzikavalu ni vama va dzi khiledego: Vakhileli va diri ni sighwabhata nya gungangamele nga nilo, nya gukhedzige ngudzu nga safira, nya guvbyuge nga sufula. Mihungo nya dzikavalu yi di gu fanana niyo nya dzi nghala. Khu maganani nya dzikavalu gu di duga nilo ni wutshi ni sufula.