Dhaniyeli 9:20 - Bhibhiliya Nya Guage

²⁰ Na nyi nga guganela ni gu lombelela, nyi dawulela sighoho sangu ni sighoho sa vathu vangu va na Israyeli, nyi resa gilombo gyangu ga Pfhumu Nungungulu wangu, khu kotani nya gigomo gyaye nya gukatege,

Dhaniyeli 9:20 Iomraidhean Croise

Ezira 10:1

Avbo Ezira a nga bani a lombelela ni gu gira dawulelo na gu lila na nogide mbeli nya Nyumba ya Nungungulu, gu dita tombana gwaye tshangano nya wungi wa na Israyeli, nya vama, vanyamayi ni sanana; kholu vathu va di gu lila khu wuvi nya wukhongolo ngudzu.

Nehemiya 1:6

Demba ndzeve yago, u tula maho yago, u yingisa nombelo wa eni githumi gyago nyi lombago avbo gwago wutshigu ni mihani nyi lombelela sithumi sago va na Israyeli; ni gu dzi laya khu sighoho sa va na Israyeli, hi gu ghohedego; eni neni ni ndranga ya vababe vangu, hi gu ghohede.

Dzindzimo 145:18

Pfhumu Nungungulu womo vbafuvbi ni vatshavbo va mu ranago, ni ga vatshavbo va mu lombago khu lisine.

Dzindzimo 32:5

Nyi dawulede gwago giwono gyangu, kha nya gu sihela guvbanya gwangu; eni nyi di ganela, kheni: “Nyi ngu hongola ga Pfhumu Nungungulu, nyi ya dawulela guvivba gwangu!” Uwe u di handza guvivba gwangu, u nyi divalela guvivba nya gighoho gyangu.

Muhevbudzi 7:20

Mafuni momu, mwalo muthu nya gululame, a thumago basi iso nya sadi nyamba ghoha.

Isaya 56:7

avo navo nyi na va dzega nyi va yisa gigomoni gwangu nya gukatege, nyi ya va tsakisa Nyumbani gwangu nya Milombelo. Miphaso yawe nya guvbiswe ni dzimhamba dzawe, si na hakhwa siluveloni gwangu, kholu Nyumba yangu yi na ranwa nyumba nya Milombelo ga mayigo yatshavbo.

Isaya 58:9

Khavbo avbo, wa gu rana Pfhumu Nungungulu, a na gu hakha; wa gu khusa lito u lomba guphaswa, Uye a na hakha, khuye: Nyi womo avba! Isoso si na kodzega basi mwa gu tshulani mikanga mu gu nayo, ni gu diga gu sungedza muthu khu nyala ni gu ganela silo nya malipha

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Isaya 65:24

Gikhati va lombelelago, nyi na va ninga phindrulo na va si gu vbedzi; na va nga guganela, eni nyi na va yingisa.

Dhaniyeli 10:12

A di engedza, khuye: “Dhaniyeli, u nga khali hwanga. Gukhugela litshigu nya guhegule u nga dzi sodzisa mbeli ga Nungungulu wago khu gu vbweta guti makungo yaye, malito yago ma yingisidwe, eni nya guta gu ninga phindrulo yaye.

Dhaniyeli 10:2

Khu gikhati gyogyo, eni Dhaniyeli, nyi di vbedza semana tharu na nyi swihade.

Dhaniyeli 11:45

A naya tsitsa mitshatsha yaye nya wufumu vbakari nya linene ni gigomo nya gukatege. Aholu mahegiso gwaye gu nata, nyamba mana muthu nya gu mu lamulele gu mu lamulela.

Dhaniyeli 9:16

Gasi olu, uwe Pfhumu, gukhedza khu sigiro sago satshavbo si lulamidego, hi ngu lomba u ndreyisa likhulo lago dhoropani gwago gwa Jerusalema, li guromo gigomoni gwago nya gukatege. Kholu sighoho sathu ni guvivba gu giridwego khu vababe vathu, va girede Jerusalema gumogo ni vathu vago gilo nya gihegiso ga mayigo ma hi randredego.

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”

Mithumo 4:31

Na vari vbakari nya nombelo gu di manega girevareva vbale va nga bani va romo; vatshavbo va di tala khu Liphuvbo nya Guage, va gu ganela mahungu ya Nungungulu na va tiyide.

Varoma 3:23

Kholu vathu vatshavbo va ghohide, va hamugisa guralo wudhumo wa Nungungulu.

Jakobe 3:2

Kholu ethu hatshavbo hi ngu hosisa. Oyu nyamba hosisa guganelani gwaye muthu a vbeledego, a na ni tshivba nya gu dzi phare wurumba waye.

Gutuledwa 21:10

Khavbo avbo, yi di nyi rwala khu Liphuvbo yi nyi yisa gigomoni nya gikhongolo, nya gulaphe yi nyi yeyedza Jerusalema, lidhoropa nya gukatege, li nga bani li gu tshiga khu ndzadzini, khu ga Nungungulu.

Gutuledwa 21:2

Eni Johane, nyi di wona gambe na gu tshiga khu ndzadzini, khiyo ga Nungungulu, Lidhoropa nya gukatege, Jerusalema guphya, gu dzi dongisedego nga nyamayi a dzi mburisedego gasi guya hakha mwama waye.