Dhaniyeli 9:17 - Bhibhiliya Nya Guage

¹⁷ Gasi olu, uwe Nungungulu wathu, hakha nombelo wa githumi gyago u yingisa gulila gwangu. Khu lihaladzo lago Pfhumu, wona khu maho nya wuhindzi nyumba yago nya miphaso yi digidwego.

Dhaniyeli 9:17 Iomraidhean Croise

1 Dzipfhumu 8:28

Ambari khu guralo, olu Pfhumu Nungungulu wangu, hakha nombelo wa githumi gyago ni gu lomba gwaye. Yingisa gulila ni nombelo yoyu githumi gyago gi lombago muhuno mbeli gwago.

Nehemiya 1:6

Demba ndzeve yago, u tula maho yago, u yingisa nombelo wa eni githumi gyago nyi lombago avbo gwago wutshigu ni mihani nyi lombelela sithumi sago va na Israyeli; ni gu dzi laya khu sighoho sa va na Israyeli, hi gu ghohedego; eni neni ni ndranga ya vababe vangu, hi gu ghohede.

Dzindzimo 119:135

Wenengedza githumi gyago khu gungangamela nya khovbe yago, nyi hevbudze milayo yago.

Dzindzimo 4:6

Nya vangi vari, khavo: “Khu mani a na hi nonedzago gutsaka?” Pfhumu Nungungulu, hi wenengedze khu gungangamela nya khovbe yago.

Dzindzimo 67:1

Nungungulu a na hi pwele wusiwana a hi kategisa, khovbe yaye yi na ngangamele eno gwathu;

Dzindzimo 67:2

gasi vathu nya mayigo yatshavbo vati gugola gwaye, guvbanyisa gwaye gu wonwa khu mahundzu yatshavbo.

Dzindzimo 74:3

Delu u ta wona marumbi yaya nyamba hegisa, valala va khungumulede satshavbo si nga bani siri nyumbani gwago nya miphaso.

Dzindzimo 80:1

Uwe muhavisi wa Israyeli, tula ndzeve, u yingisa, uwe u gimbidzisago va na Josefa kha nga tshambi wago; uwe u khadego vbagiluvelotunu, vbatshani nya dzikerubhimi, nonedza guwonegela gwago.

Dzindzimo 80:19

Uwe Pfhumu Nungungulu nya Tshivba Yatshavbo, hi wuyise nyaluphye, ngangamedzisa khovbe yago, hi na vbanya.

Dzindzimo 80:3

Uwe Nungungulu, hi wusedze; ngangamedzisa khovbe yago, hi na vbanya.

Dzindzimo 80:4

Uwe Pfhumu Nungungulu nya Tshivba Yatshavbo, kala lini u na gorogelago nombelo wa vathu vago?

Dzindzimo 80:7

Uwe Nungungulu nya Tshivba Yatshavbo hi wusedze; ngangamedzisa khovbe yago, hi na vbanya.

Isaya 48:11

Khu kotani nya lihaladzo nya lina langu, khu kotani nya lihaladzo langu, kholu nyi na dzumela kharini gukheni lina langu li nyenyeziswa? Kholu kha nyi dzi kodzi gu ningela wudhumo wangu ga mumbe muthu.

Gililo 3:56

U pwide lito langu na nyi keta, kheni! U nga tshikhi ndzeve u si yingisi gutshaniseka ni gulila gwangu.

Gililo 5:18

Kholu gigomo gya Siyoni gi sasedwe gi khala marumbi, gwa gu gimbilagimbila umo migehe.

Dhaniyeli 9:19

Uwe Pfhumu, yingisa! Pfhumu, divalela! Pfhumu, hi hakhe; thuma u nga hweli! Khu kotani nya lihaladzo lago, uwe Nungungulu wangu, u nga hweli; kholu lidhoropa lago ni vathu vago va gu ranwa khu lina lago.

Johane 16:24

Gima mu si gu lombi gilo khu lina langu. Lombani, mu na ningwa, gasi gutsaka gwanu gu tadzisege.

2 Vakorinto 1:20

Kholu ambari situmbiso sa Nungungulu si manide “Ina,” khu guralo hi ngu ganela khu Uye khethu, “Amen” hi dhumisa Nungungulu.

Gutuledwa 21:23

Lidhoropa lakone khali vbweti lidambo, ambari ngima gu wenengedza, kholu la gu wenengedzwa khu wudhumo wa Nungungulu, wenengedzo waye khu Nvutana.