Dhaniyeli 9:16 - Bhibhiliya Nya Guage

¹⁶ Gasi olu, uwe Pfhumu, gukhedza khu sigiro sago satshavbo si lulamidego, hi ngu lomba u ndreyisa likhulo lago dhoropani gwago gwa Jerusalema, li guromo gigomoni gwago nya gukatege. Kholu sighoho sathu ni guvivba gu giridwego khu vababe vathu, va girede Jerusalema gumogo ni vathu vago gilo nya gihegiso ga mayigo ma hi randredego.

Dhaniyeli 9:16 Iomraidhean Croise

Nehemiya 9:8

U mu wone nari ni monyo wu tumbegidego, U gira naye gidzumeledzwano, U mu tumbisa gu mu ninga livelego nya gutale tigoni ga Vakhanani, ga Vaperezi, ga Vajebhuzi ni ga Vagirigasi, U tiyiside magana yago, kholu uwe u lulamide.

Dzindzimo 143:1

Pfhumu Nungungulu, hakha nombelo wangu, neredza ndzeve u yingisa gulila gwangu, nyi hakhe khu gululama ni gutumbega gwago.

Dzindzimo 31:1

Pfhumu Nungungulu, eni nyi nguta sihala avbo gwago; nyi nga khali dzitshoni; nyi vbulugise, khu gululama gwago nyi tshule.

Dzindzimo 41:13

A na bongwe Pfhumu Nungungulu wa Israyeli, gukhugela olu kala gupindruga! Amen ni amen!

Dzindzimo 71:2

Nyi phase u nyi tshula kholu uwe u wadi! Nyi yingise u nyi vbanyisa.

Dzindzimo 79:4

Hi khade gihegiso ga vaakelane vathu, vale va nga hi randrela va hi hega ni gu hi tsorodzela.

Dzindzimo 85:4

Hi wuyise nyaluphye, uwe Nungungulu muvbanyisi wathu, u nga simami gu hi girela likhulo.

Dzindzimo 89:51

Uwe Pfhumu Nungungulu, valala vago va ngu vala mufumeli wago, u mu todzidego mafura yago nya guage, ni evbini a hongolago va gu mu vala.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 29:18

Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 32:31

Kholu gukhugela litshigu li phedwego gu vbahwa lidhoropa leli kala na muhuno, va nyi goroside va wusa likhulo langu nya likhongolo, khu guralo, Eni nyi na li dusa mbeli gwangu.

Jeremiya 32:32

Khu wuvivbi watshavbo wowu va wu giridego va na Israyeli ni va na Judha, va nyi wusede likhulo langu, avo gumogo ni vafumeli vawe, manganagana, vaphasi nya mhamba ni vaprofeti vawe, kha nga gambe ni vathu vatshavbo va Judha gumogo ni vavbanyi va Jerusalema.

Ezekiyeli 22:4

U dzi rwegide nandru khu kotani nya novba u wu vbaladzidego, ni gu dzi nyenyezisa khu sifananiso u dzi giredego. U dzi bweledzede hwane matshigu yago; matshigu yago nya guvbanye, ma vbohide mahegiso. Khu guralo, nyi gu giride gilo nya gihegiso ni givalo vbakari nya mayigo ni mafuni gwatshavbo.

Ezekiyeli 5:14

Nyi na gu gira marumbi ni gu gu gira givalo vbakari nya mayigo nya vaakelane vago, ni mahoni ga vatshavbo va na vbindrago khavbo gwago.

Dhaniyeli 11:45

A naya tsitsa mitshatsha yaye nya wufumu vbakari nya linene ni gigomo nya gukatege. Aholu mahegiso gwaye gu nata, nyamba mana muthu nya gu mu lamulele gu mu lamulela.

Dhaniyeli 9:20

Na nyi nga guganela ni gu lombelela, nyi dawulela sighoho sangu ni sighoho sa vathu vangu va na Israyeli, nyi resa gilombo gyangu ga Pfhumu Nungungulu wangu, khu kotani nya gigomo gyaye nya gukatege,

Joyele 3:17

Khavbo avbo, mu na dzitini nya gukhenu: Eni kheni Pfhumu Nungungulu wanu, nyi vbanyago Siyoni, gigomoni gwangu nya gukatege; Lidhoropa la Jerusalema li na bani li kategide, vathu nya mambe mayigo, gima kha va na li khozisa gambe.

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”

2 Vatesalonika 1:6

Khu magirelo ya mamowo, vale va mi sanisago, va na hakha ga Nungungulu tsayiso nya lisine.

1 Johane 1:9

Aholu, ha gu dawulela sighoho sathu ga Nungungulu, uye a lulamidego ni gu tumbega a na hi tsetselela sighoho sathu, a hi agisa guvivbani gwatshavbo.

1 Samuweli 2:7

Pfhumu Nungungulu a ngu vanga wusiwana ni gu gira gitetema, a ngu thesa vbavbatshi ni gu khusedza.