Dhaniyeli 9:14 - Bhibhiliya Nya Guage

¹⁴ Khu guralo, Pfhumu Nungungulu kha kanakana gu hi resela libango leli avbo gwathu, kholu Pfhumu Nungungulu wathu lulamide ga satshavbo a girago; ambari khu guralo, ethu kha hi mu yingisi.

Dhaniyeli 9:14 Iomraidhean Croise

2 Dzikoronika 12:6

Khavbo avbo, manganagana ya na Israyeli, gumogo ni mufumeli, va di dzi nogisa va ganela, khavo: “Pfhumu Nungungulu lulamide.”

Ezira 9:15

Ah! Pfhumu Nungungulu wa na Israyeli, uwe U lulamide kholu hi vbulugide kha nga olu hi si wonago; wona nya gukhuwe hi womo mbeli gwago musighohoni gwathu; kholu mwalo ni moyo a yelago gu khala vbafuvbi gwago khu kotani nya esi.”

Nehemiya 9:33

Ga satshavbo si hi dugelelago, Uwe U thumide khu gululama, ethu hi gira guvivba.

Dzindzimo 111:7

Mithumo nya mandza yaye khya gutumbega ni lisine, sileletelo saye satshavbo si tiyide.

Dzindzimo 116:5

Pfhumu Nungungulu a na ni gisiro ni gululama; Nungungulu wathu a na ni wuhindzi.

Dzindzimo 119:137

Pfhumu Nungungulu uwe u lulamide, ni gulamula gwago khwa lisine.

Dzindzimo 51:14

Nungungulu, nyi vbulugise ga novba wu vbaladzidwego Nungungulu, muvbanyisi wangu, lidimi langu li na khusedza gululama gwago.

Ekisodha 9:27

Khavbo avbo, Faro a di ruma gu ya rana Mosi ni Aroni, a ta va embela, khuye: “Olu nyi ghohide; Pfhumu Nungungulu lulamide; aholu eni ni vathu vangu hi sighohi.

Jeremiya 12:1

Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Jeremiya 31:28

Pfhumu Nungungulu a ngu ganela, khuye: “Kha nga gikhati gi vbindridego nyi nga va khedza gasi gu va sigula ni gu va khungumula, ni gu va thesa, ni gu va tshanisa; nyi na va khedza gambe kharato gasi gu va vbaha ni gu va yala.”

Jeremiya 4:17

Va ngu randrela Jerusalema, gu fanana ni vama va ghadhago thembweni, kholu vavbanyi vaye va nyi wugede. A ngu ganela Pfhumu Nungungulu.

Jeremiya 44:27

Gikhati gyatshavbo nyi na va suvela dzimhango nasiri makategwa; Vajudha vatshavbo va vbanyago tigoni ga Egipito, va na mbembiswa khu matshari ni ndzala kala va vbela vatshavbo.

Gililo 1:5

Vatshanisi vaye va mu pade, ni valala vaye va gu bhuma; khu Pfhumu Nungungulu a mu tsayisidego khu kotani nya sighoho saye si tadego. Ambari ni sanana saye si vbagedwe si yiswa wugumbini, si thanga mbeli ga mutshanisi. Vau

Ezekiyeli 16:43

Uwe khu kotani nyamba alakanya matshigu nya wanana wago, aholu u nyi wusela likhulo langu khu silo satshavbo soso, khu lisine nyi na thesa hungoni gwago esi u giridego, a ngu ganela Mune Pfhumu Nungungulu, khuye khu na gira gambe wubhemba ni simbe silo nya gunyenyeze.

Dhaniyeli 4:34

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Dhaniyeli 9:7

Uwe Pfhumu, u lulamide, aholu ethu muhuno hi tade khu dzitshoni kha nga u hi wonago. Ethu vathu va Judha, va Jerusalema ni vatshavbo va na Israyeli, avo va vbafuvbi, ni avo va hwindzo, mayigoni gwatshavbo u nga hi phalalegiselago umo khu kotani hi nga hambana nago, hi si gu tumbi.