Dhaniyeli 9:12 - Bhibhiliya Nya Guage

¹² U tadziside magana u ganedego vbakari gwathu, ni ga vathangeli vathu, u hi resede tshanisa nya yikhongolo. Mafuni gwatshavbo, gu si gu giregi nya nga esi si nga giregago Jerusalema.

Dhaniyeli 9:12 Iomraidhean Croise

1 Dzipfhumu 3:9

“Khu guralo, ninga githumi gyago, monyo nya gutale khu guti, gasi a kodza gu gimbidzisa vathu vago, a mane wugengeli nya guti guhambanisa wuwadi ni guvivba, kholu, khu mani a na kodzago gulamula vathu vago nya gutale kharati?”

2 Dzipfhumu 22:16

Pfhumu Nungungulu a ngu ganela kharati, khuye: Nyi na resa libango ga wulanga wowu, ni ga vathu vaye vatshavbo a gu magana yatshavbo nya libhuku leli ma hevbudwego khu mufumeli wa Judha.

Joba 12:17

A ngu phanga madhota, a ma dusa vbagikhalotunu gwawe, valamuli a va gira sipumbu.

Dzindzimo 148:11

mu dhumiseni enu vafumeli va mafuni momu ni vathu vatshavbo, vathangeli ni valamuli vatshavbo nya litigo;

Dzindzimo 2:10

Gasi olu, enu vafumeli gengelani; dzumelani gu kawukwa, enu valamuli nya litigo!

Mavingu 8:16

Kheni nyi fumisago vamwamangulu vatshavbo, vathangeli; ni valamuli vatshavbo va mafuni.

Isaya 43:28

Khu guralo, nyi na nyenyezisa vathangeli vago va nyumbani nya guage; nyi na ningela Jakobe a mbembiswa ni Israyeli a vadwa, a khala gihegiso.

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 39:16

“Indra uya tivisa Ebhedhi-Meleki, Muetiyopi, khuwe: Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Wona, nyi na landrisa magana yangu vbatshani nya lidhoropa leli nasiri khu wuwadi, aholu khu wuvivbi; si na girega mahoni gwago ga litshigu lile kamwe.

Jeremiya 44:23

Libango leli, li mi thegede kholu enu mu di vbisela libani sifananiso, mu ghohela Pfhumu Nungungulu, mu si yingisi magana yaye, ni gu landrisa nayo ni sileletelo saye, kha nga mu si wonago muhuno.”

Gililo 1:12

Enu mwatshavbo mu vbindrago khu ndzila, nga khedzani mu wona mwendro gomo gumbe gusaniseka gu vbindrago ugo gwangu, ogu Pfhumu Nungungulu a nyi giredego khu litshigu nya likhulo laye. Mem

Gililo 2:13

Wufakazi muni nyi na gu girelago? Nyi na gu fananisa ni mani uwe nyamahegyane wa Jerusalema? Gasi nyi na gu fananisa ni mani? Gasi gu gu tangadzisa, uwe likendzi la tsindza wa Siyoni? Gilondra gyago gikhongolo nga linene; khu mani a na gi vbodzisago? Nuni

Gililo 2:17

Pfhumu Nungungulu tadziside gwago makungo yaye; giride iso a nga bani na gu ganela khu matshiguni ya gale. Pfhungumude nyamba pwela gisiro; tsakiside valala vago khu kotani nya guthege gwago, a va engedzede tshivba. Sade

Gililo 4:6

Tsayiso wa nyamahegyane wa tigoni gwathu wa gu vbindra tsayiso wa Sodhoma, gikhati a nga pfhungumudwa khu githugedza na siri khu tshivba nya mandza nya vathu; aholu khu gyandza gya Nungungulu. Zain

Ezekiyeli 13:6

Siwoniso sawe kha si phasi gilo, ni nyatumbatumbane wawe khwa malipha, avo va ganelago, khavo: Pfhumu Nungungulu ganede; narigu kha va rumedwa khu Pfhumu Nungungulu; khu guralo, va gu lindrela gukhavo magana yawe ma girege.

Ezekiyeli 5:9

Nyi na gu gira esi nya gu gima nyi si si giri, gambe kha nyi na si gira, khu kotani nya guvivbe gwago gwatshavbo.

Dhaniyeli 12:1

Khu gikhati gyogyo, a na dugelela Migeli Ngilozi yi emelago vathu vago, gu na manega gikhati nya gusaniseke, nya gu gima gi si gu manegi gukhugela guhegulani nya mifumo. Aholu khu gikhati gyogyo, uye a na vbanyisa vathu vago, vatshavbo vale va na gu manegago na va lovidwe libhukuni nya womi.

Joyele 2:2

Litshigu nya gidema ni gutshaniseka; litshigu nya mapfhi ni gidema nya guphume. Gufanana ni wuronga wu wenengedzago sigomoni, vathu nya vangi ni tshivba va ngu hidzimela, avo nya gu gukhugela gikhati gya gale gima kha va nga manega, ambari khu hwane gwawe kha va na nga manega ga situgulwana ni situgulwana kala gupindruga.

Amosi 3:2

Ga mafumbo yatshavbo ya mafuni, nyi hathide enu basi; khu guralo, nyi na mi tsayisa khu kotani nya guvivba gwanu gwatshavbo.

Zakariya 1:6

Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Zakariya 1:8

Ni wutshigu, nyi di lora ndroro yeyi: Nyi di wona mwama moyo na khilede kavalu nya gufuvile, na emide vbakari nya misimbo yi ranwago gupwani murita, releloni nya kova nya guete; hwane gwaye gu diri ni dzikavalu nya gufuvile, nya gusivbale nidzo nya guage.

Zakariya 7:12

Va di bangisa myonyo yawe kha nga giwindri nya gutiye, gasi va si yingisi Nayo ambari magana ya Pfhumu Nungungulu nya Tshivba Yatshavbo, ma rumedwego khu Liphuvbo khu kanani ga vaprofeti va gale; khu kotani nya isoso Pfhumu Nungungulu nya Tshivba Yatshavbo a di va wugela khu likhulo nya likhongolo ngudzu.

Matewu 24:21

kholu matshigu yoyo yi na manega tshanisa nya yikhongolo nya gu gima yi si gu manegi, gukhugela Nungungulu na vangide litigo kala matshigu ya muhuno. Gima kha yi na manega gambe.

Matewu 5:18

Kholu, khu lisine nyi ngu mi embelani, kheni: Kala yi gu vbindra ndzadzi ni mafu, mwalo ni thumo moyo wu na gu duswago Nayo nyamba tadzisega.

Marko 13:19

Kholu, khu matshigu yoyo, yi na manega tshanisa nya yikhongolo nya gu gima yi si gu manegi gukhugela avbo Nungungulu a nga vanga litigo, kala matshigu ya muhuno, gambe gima kha yi na manega gambe.

Luka 21:22

kholu matshigu yoyo khya gu dzi phodzela, gasi gu tadzisega satshavbo iso si nga lowago.

Varoma 15:8

Eni nyi ngu ganela kheni, Kristo dzude guta thumela Vajudha gasi gu yeyedza gutumbega gwa Nungungulu ni gutadzisega nya sisambanyo a nga girago ga vababe vathu.