Dhaniyeli 8:26 - Bhibhiliya Nya Guage

²⁶ Gasi khu mahungu nya giwoniso nya miphaso nya dzimindru ni silambo, u embedwego, khya lisine, gi vegedze monyoni, kholu gi na tadzisega hwane nya myaga nya gutale.

Dhaniyeli 8:26 Iomraidhean Croise

Isaya 24:22

Va na tombaniswa dangamwedo gu fanana ni sibotshwa si rinywago phalani, va khothedwa pasoni, va tshudwa hwane nya gu bani gu vbindride matshigu nya gutale.

Ezekiyeli 12:27

Mwamana wa muthu, va na Israyeli va gu ganela, khavo: Giwoniso va gi wonago kha gi na girega nugunugu, gi na girega khu hwane nya myaga yi nga gutago.

Dhaniyeli 10:1

Khu mwaga nya wuraru nya gufume ga Kiro, mufumeli wa Perisiya, Dhaniyeli, a ranwago gambe gupwani khu Bhalitazari, a di ningwa giwoniso. Mahungu nya giwoniso gegi, ma diri ya lisine, ma di ganela khu libango nya nyimbi nya yikhongolo ngudzu. A di mati gwadi magana yakone ni gu mana tshamuselo nya giwoniso.

Dhaniyeli 10:14

Olu nyi dzude guta gu tivisa iso si na gu giregago ga vathu vago khu matshigu nya guhegise, kholu giwoniso gya gu ganela khu silo si ngarigo hwindzo ni gu girega.”

Dhaniyeli 11:2

Gasi olu, nya gu vbweta gu gu pwadzela lisine a gu eli: Gu nga na gu dugelela vafumeli vararu tigoni ga Perisiya, khu guhegisa a nata mufumeli nya wu na, a na gu fumago ngudzu dzithomba guvbindra vatshavbo. Avbo a na gu dzipwago na tiyide ngudzu khu kotani nya dzithomba dzaye, a na kutsedzela mayigo yatshavbo gu dwana ni mufumo wa Gerekiya.

Dhaniyeli 12:4

Aholu uwe Dhaniyeli sega mahungu yaya u ma lema libhukuni kala gikhati nya mahegiso. Nya vangi va na dzundrulugela eno ni eno, va vbweta guti nya guete.

Dhaniyeli 12:9

Uye a di nyi embela, khuye: “Dhaniyeli, indra, kholu mahungu yaya ma segedwe ni gulemwa kala gikhati nya mahegiso.”

Gutuledwa 10:4

Ga gikhati gile, nyi di vbweta gu lova, aholu nyi dipwa lito nya gute khu ndzadzini li nyi embela, khilo: “Vegedza sihaloni iso si nga ganedwago khu livbandre na mavili mabara. U nga lovi gilo.”

Gutuledwa 22:10

Yi di nyi embela gambe, khiyo: “U nga lemi magana nya wuprofeti nya libhuku leli, khaguva gikhati gyomo vbafuvbi ni gu vboha.