Dhaniyeli 8:25 - Bhibhiliya Nya Guage

²⁵ Khu kotani nya wugengeli ni mano yaye, a na dugelela ngudzu, monyoni gwaye gu na tala khu matshandza, a na mbembisa nya vangi va mu tumbago, bwelo khavbo a wugela ni Pfhumu nya dzipfhumu. Ambari khu kharato, a na mbembiswa, aholu nasiri khu mandza nya vathu.

Dhaniyeli 8:25 Iomraidhean Croise

Joba 34:20

Khu githugedza, sa gufa; vbakari nya wutshigu, mayigo ma thuruga ma mwalalega, va nya tshivba va dzegwa, nyamba dzegwa khu mandza nya muthu.

Jeremiya 48:26

Mu leviseni, kholu a dzi khusedzide mbeli ga Pfhumu Nungungulu, Mowabhi, a na puluwundre magoseni gwaye, uye a na khala gilo nya gihegiso.

Gililo 4:6

Tsayiso wa nyamahegyane wa tigoni gwathu wa gu vbindra tsayiso wa Sodhoma, gikhati a nga pfhungumudwa khu githugedza na siri khu tshivba nya mandza nya vathu; aholu khu gyandza gya Nungungulu. Zain

Dhaniyeli 11:12

Avbo a na gu wonago gupala gogu, mufumeli wa Marandzi a na tala khu gutsaka ngudzu monyoni gwaye, aholu ambari a gu songa mazanazana nya vathu, kha na ngaya mbeli khu gu dugelela.

Dhaniyeli 11:45

A naya tsitsa mitshatsha yaye nya wufumu vbakari nya linene ni gigomo nya gukatege. Aholu mahegiso gwaye gu nata, nyamba mana muthu nya gu mu lamulele gu mu lamulela.

Dhaniyeli 7:26

Aholu gu nata gulamudwa, va na dzegedwa mufumo wu tshiphisa muphelo.

Dhaniyeli 7:8

Avbo nyi nga bani nyi nga gu khevisela dzikheho dzakone, nyi di wona gimbe gikhehwana na gi gu buga khu vbakari nya edzi dzimbe; gasi gu ninga wulanga gikhehwana gegi, edzi nya dzitharu nya guhegule dzi di kunudwa, kheho yeyi, yi diri ni maho nya nga ya muthu, ni likana li nga bani li ganela magana nya gu dzi khusedze.

Dhaniyeli 8:11

Yi di dzi dandrisa kala yi dwana ni muthangeli nya sivangwa sa ndzadzini; yi mu dzegela phaso nya mhamba wu ningedwago khu litshigu ni litshigu ga muthangeli, gu pfhungumudwa wulanga nya miphaso wu dzudzugwa vbavbatshi.

Dhaniyeli 9:25

Olu dziti gwadi ni gu pimisa esi: “Gukhugela gu nga duga sileletelo si rumago gu wusedza ni gu vbahedza Jerusalema, kala gu vboha Mesiya, uye a gu Pfhumu, gu na manega livbandre na dzimbili dzisemana; khu livbandre na limwedo magumi dzisemana. Gu na wusedzwa lidhoropa gu wusedzwa dzindzila ni makhokhola, aholu a na bani ari matshigu nya sigaradzo.”

Mithumo 12:23

Khu gikhati gyogyo a di vetwa khu ngilozi ya Pfhumu, a gu hodzwa khu siwungu afa, kholu kha nga rungudza Nungungulu.

2 Vatesalonika 2:3

mu nga dzumelini gukanganyiswa khisoso. Litshigu lolo kha li na ngata gu si gu manegi guwugela nya guhegise; a na dugelela muwugeli, oyu a dongisedwego gumbemba.

2 Vatesalonika 2:8

Khavbo a na gu dugelelago muwugeli oyu Pfhumu Jesu a na mu songago khu phuvbo ya kanani gwaye. A mu mbembisa khu gungangamela nya gute gwaye.

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”