Dhaniyeli 8:1 - Bhibhiliya Nya Guage

¹ Khu mwaga nya wuraru nya gufume ga mufumeli Bhalitazari, eni Dhaniyeli, nyi di woniswa giwoniso nya wuvili hwane nya gile nya guhegule.

Dhaniyeli 8:1 Iomraidhean Croise

Ezekiyeli 1:1

Khu litshigu nya livbandre, nya ngima nya wu na, nya mwaga nya magumararu, eni nyi diri vbakari ga vale va vbagedwego, vbafuvbi ni tsongo wa Kebhari, gu di tulega ndzadzini, nyi di wona siwoniso khu ga Nungungulu.

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Dhaniyeli 10:2

Khu gikhati gyogyo, eni Dhaniyeli, nyi di vbedza semana tharu na nyi swihade.

Dhaniyeli 10:7

Kheni nyonga, eni Dhaniyeli, nyi nga wona giwoniso gegi; avo nyi nga bani nyiri navo, kha va wona gilo, aholu, va di thedwa hwanga nya wukhongolo ngudzu, va thava va tutuma vaya sihala.

Dhaniyeli 11:4

Gambe avbo a na gu dzipwago na tiyide gwadi, mufumo waye wu na pfhungumudwa wu kabaniswa khu sipandre sina sa ndzadzini. Kha wu na thaphela ga situgulwana saye, ni mufumo wakone kha wu na nga mana tshivba nga guhegulani, kholu wu na sigudwa wu ningedwa vambe.

Dhaniyeli 7:1

Khu mwaga nya guhegule nya gufume ga Bhalitazari, mufumeli wa Bhabhiloni, Dhaniyeli a di lora nari ligovbeni, a wona giwoniso. Uye a di dzegela gu lova ndroro yoyo, bwelo khavbo a sasamedzela dzindrima dzakone.

Dhaniyeli 7:15

Eni Dhaniyeli, hefemulo wangu wu di vbela tshivba, kholu siwoniso sesi si di nyi thurugisa.

Dhaniyeli 7:28

Gi di vbela avba giwoniso gyangu. Eni Dhaniyeli, nyi di vbisega ngudzu mapimoni gwangu gu vbindrugedza ni khovbe yangu, aholu silo sesi, si di khala monyoni gwangu, nyamba embela muthu.

Dhaniyeli 8:15

Avbo eni Dhaniyeli, nyi nga wonago giwoniso gegi, na nyi nga gu vbweta guti tshamuselo waye, gu di wonega givangwa mbeli gwangu nya gufanane ni muthu.

Dhaniyeli 8:2

Umo nya giwoniso gyangu, nyi di dzi wona na nyiri dhoropani ga Suza, gipandrengulu gya Elamo, ga giwoniso gegi, nyi diri vbafuvbi ni tsongo wa Ulayi.

Dhaniyeli 9:2

Khu mwaga nya guhegule nya gufume gwaye, eni Dhaniyeli, nyi di wu pima khu gu hevbula umo nya mabhuku, tengo nya myaga, eyi Pfhumu Nungungulu a nga ganelago ga muprofeti Jeremiya, gukhuye khu hwane nya livbandre na mavili magumi myaga, Jerusalema gu na pfhungumudwa gu khala marumbi.