Dhaniyeli 7:9 - Bhibhiliya Nya Guage

⁹ Na nyi nga gu khevisela, gu di vegwa sikhalo nya wufumu, a dita khala avbo moyo nya lidhota. Dzingandzu dzaye dzi di agide nga thondrwane; ni ndzudzu wa hungoni gwaye, wu di fanana ni mawoya nya wumburi nya nvuta, gikhalo gyaye nya wufumu, gi di fanana ni malavbelavbe nya nilo, marodha yaye, ma di fanana ni gudzura nya nilo.

Dhaniyeli 7:9 Iomraidhean Croise

1 Dzipfhumu 22:19

Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.

2 Dzikoronika 18:18

Mikeya a di engedza, khuye: “Olu yingisani lito la Pfhumu Nungungulu: Nyi di wona Pfhumu Nungungulu na khade vbagikhalotunu gwaye nya wufumu, nari gumogo ni dzinyimbi dzaye dza ndzadzini, na dzi emide khu nyamudye gwaye gumogo ni nyambade gwaye.”

Dzindzimo 45:8

Guambala gwago gwatshavbo gu ngu bhumudziswa khu mafura nya mira, haluwe ni kasiya. Dzindzimo nya guembeledwe khu sitendre dzi ngu tsakisa dzinyumbani ga vafumeli, nya gugirwe khu magwaha nya dzindzofu.

Dzindzimo 90:2

Khu gale, sigomo na si ngari mwalo, na wu si gu vangi litigo ni mafu, uwe u Nungungulu kala gupindruga!

Dzindzimo 93:2

Wufumu waye wu tiyide gukhugela gale; kholu uwe u womo kala gupindruga.

Isaya 6:1

Khu mwaga a fudego khuwo mufumeli Uziya, nyi wonide Pfhumu na khade vbagikhalotunu nya gikhongolo nya wufumu nya gukhugege, guambala gwaye gu di fenengedza Nyumba nya Miphaso.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 49:38

Nyi na emisa gikhalo gyangu nya wufumu tigoni gwa Elamo; nyi rumela gu songwa mufumeli gumogo ni vathangeli waye, a ngu ganela Pfhumu Nungungulu.

Ezekiyeli 1:26

Khu vbatshani nya rodha nya mihungo yawe, gu diromo gilo nya gufanane ni gikhalo nya wufumu nya gukhedzige nga giwindri nya safira; khu vbatshani nya igyo nya gufanane ni gikhalo nya wufumu, gu diromo gilo nya gufanane ni muthu khu vbatshani gwaye.

Dhaniyeli 7:13

Umo nya siwoniso sangu nya wutshigu, nyi di wona na guta khu mapfhini ya ndzadzini, moyo nya gufanane ni mwamana wa muthu. Ata ga wule a nga bani ari lidhota khu gale, va mu hidzimisa vbafuvbi gwaye.

Dhaniyeli 7:22

Kala guta Lidhota la gale, li ta lamulela sihathwa sa wule a Khusegidego ngudzu; kala gi vboha gikhati nya guningwe mufumo sihathwa.

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Habhakuka 1:12

Uwe Pfhumu Nungungulu wangu, Gihathwa gyangu, gasi khu khugeli guhegulani kala gupindruga, gani? Ethu gima kha hi na ngafa. Uwe Pfhumu Nungungulu, u va vegede gulamudwa, uwe u gu Giwindri gyathu u va emisede gutsayiswa.

Matewu 17:2

A di vbindrugedza giemo mahoni gwawe. Khovbe yaye yi di ngangamela nga lidambo; dzingandzu dzaye dzi di aga kha nga wenengedzo.

Matewu 28:3

Makhalelo yaye yi di wonega kha nga gulasa nya ndzadzi; guambala gwaye gu di aga nga hunguva.

Marko 9:3

Dzingandzu Dzaye dzi di ngangamela, dzi gu aga, nya gu mwalo muhandzi mafuni a dzi kodzago gu dzi agisa kharato.

Mithumo 2:30

Kha nga a nga bani ari muprofeti a di gu dziti nya gukhuye Nungungulu a di Mu tumbiside khu gusambanya, gu vega vbagikhalotunu gwaye nya wufumu gyanana nya melego waye.

Mithumo 2:33

Olu na khusedzidwe nyamudye ga Nungungulu hakhide Liphuvbo nya Guage a nga tumbiswago khu Babe, a li rumela. Khiso esi mu si wonago ni gu sipwa.

Vafilipi 3:9

Satshavbo nya gu si wona nga ndzilo khu gufela gu mana Kristo nyi hengela naye guvbanya. Eni nya gu vbanya wulongoni gwa Nungungulu, khandri khu kota nya gulandrise Nayo, kholu wulongo nya wadi ni Nungungulu wa gu hungwa khu gukhodwa.

1 Thimoti 6:16

Khuye basi a sifigo. Uye khade gungangamelani gu si vbohedwigo khu muthu. Mwalo a mu wonidego, gambe mwalo a dzi kodzago gu mu wona. Ga uye, wudhumo ni tshivba kala gupindruga! Amen.

1 Johane 1:5

Mahungu hi ma pwidego ga Jesu Kristo, ayo hi ma tivisago gwanu nenu, khaya: Nungungulu Wenengedzo, ga Uye gu mwalo gidema.

Gutuledwa 1:14

Hungo waye ni ndzudzu waye wu diri wa guaga, kha nga mawoya nya guage mwendro kha nga hunguva; maho yaye ma di ngangamela kha nga nilo.

Gutuledwa 19:18

gasi muta hodza nyama nya vafumeli, nyama nya vathangeli nya dzinyimbi, nyama nya dzindrena, nyama nya dzikavalu, ni ya vale va khiledego idzo, nyama nya mafumbu yatshavbo, va nya gutshulega ni dzikhumbi, nya vadugwana ni vakhongolo.”

Gutuledwa 20:4

Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.

Gutuledwa 4:2

Khavbo avbo, nyi di dzegela gu beledwa khu Liphuvbo, nyi di wona gikhalo nya wufumu ndzadzini, na khade avbo muthu nya gukari;