Dhaniyeli 7:27 - Bhibhiliya Nya Guage

²⁷ Khu guralo, mufumo, tshivba ni wugulu nya mifumo yatshavbo ya mafuni, yi na ningedwa ga lihundzu nya sihathwa sa oyu a Khusegidego ngudzu. Mufumo waye khwa kala gupindruga, vafumeli vatshavbo va na mu khozela ni gu mu yingisa.

Dhaniyeli 7:27 Iomraidhean Croise

Dzindzimo 145:13

Mufumo wago wu ngu simama kala gupindruga, Uwe u na fumela mimela ni mimelana yatshavbo, Pfhumu Nungungulu tumbegide gikhati gyatshavbo, a gu gira mithumo yaye yatshavbo khu lihaladzo.

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Dzindzimo 72:11

Vafumeli vatshavbo va na khidzime mbeli gwaye; mayigo yatshavbo ma na mu thumele.

Dzindzimo 86:9

Mifumo yatshavbo u yi giridego yi nata khidzima mbeli gwago uwe Pfhumu, yi na dhumisa lina lago.

Isaya 14:2

Va nya mayigo va na va dzega va va yisa malangani gwawe, aholu vathu vovo nya vama ni vanyamayi, va na fumedwa khu nyumba ya Israyeli, tigoni ga Pfhumu Nungungulu. Va gira dzikhumbi vale va nga girwago khavo dzikhumbi, bwelo khavbo va tshanisa avo va nga tshaniswago khavo.

Isaya 54:3

Kholu u na nava uya phuvbo ga nyamudye ni phuvbo ga nyambade; livelego lago li na fumela mayigo, va wusa madhoropa ma khadego marumbi.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 4:34

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Dhaniyeli 7:14

Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Dhaniyeli 7:18

Aholu, sihathwa sa wule a Khusegidego ngudzu, khavo va na gu ningwago mufumo wu khala wawe kala gupindruga ni gupindruga.

Dhaniyeli 7:22

Kala guta Lidhota la gale, li ta lamulela sihathwa sa wule a Khusegidego ngudzu; kala gi vboha gikhati nya guningwe mufumo sihathwa.

Obhadhiya 1:21

Avo va nga palago va na gwela gigomoni gya Siyoni, gasi guya lamula gigomo gya Esawu, mufumo wakone wu na bani wuri wa Pfhumu Nungungulu.

Zakariya 14:9

Pfhumu Nungungulu a na bani ari uye Pfhumu nya litigo latshavbo; litshigu lolo, Pfhumu Nungungulu a na bani ari moyo basi, ni lina laye li na bani liri ilo longa basi.

Luka 1:33

A na fuma ndranga ya Jakobe kala gupindruga; mufumo waye gima kha wu na nga vbela.”

Johane 12:34

Gidzemo gi di mu hakha, khigyo: “Nayo wu ngu hi hevbudza nya gukhuwo Kristo a na vbanya kala gupindruga. Khu ginani u gukhuwe Mwamana wa Muthu a na ni fanelo nya gu khusedzwe? Khu mani Mwamana yoyo wa Muthu?”

1 Vakorinto 15:24

Khavbo avbo, gu na vboha mahegiso nya silo satshavbo! Na fuviside mufumo, ni dzitshivba ni valala vatshavbo, Kristo a na ningela mufumo mandzani ga Nungungulu Babe.

Gutuledwa 11:1

Nyi di ningwa tshava nya gufanane ni ndronga, yi vboha ngilozi yi ta nyi embela, khiyo: “Khuga u pime Nyumba ya Nungungulu gumogo ni giluvelo, u wuya u saya vathu va khozelago umo.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”

Gutuledwa 20:4

Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.

Gutuledwa 22:5

Gima kha gu na manega gambe wutshigu; kha gu na vbwetega safa nya mwenge, ambari guwenengedza nya lidambo, kholu Pfhumu Nungungulu a na wenengedza vbatshani gwawe, avo va na fuma khu gupindruga nya gupindruge.