Dhaniyeli 7:22 - Bhibhiliya Nya Guage

²² Kala guta Lidhota la gale, li ta lamulela sihathwa sa wule a Khusegidego ngudzu; kala gi vboha gikhati nya guningwe mufumo sihathwa.

Dhaniyeli 7:22 Iomraidhean Croise

Dzindzimo 149:5

Avo va khodwago va na tsake khu wudhumo wa Nungungulu, va na embelele khu gunengela na va lade vbamalawutunu gwawe.

Isaya 63:4

Kholu litshigu nya gu dzi phodzele li diri monyoni gwangu, ni mwaga nya gu dzegise vathu vangu, wu di vbohide.

Dhaniyeli 7:18

Aholu, sihathwa sa wule a Khusegidego ngudzu, khavo va na gu ningwago mufumo wu khala wawe kala gupindruga ni gupindruga.

Dhaniyeli 7:23

Khu guralo, a di nyi ninga tshamuselo yoyu, khuye: Girengo nya wu na, khu mufumo nya wu na wa mafuni, wu na gu hambanago ni mifumo yatshavbo. Wu na sasela mayigo yatshavbo, wu ma gandredzela khu migondro wu ma phwatisela.

Matewu 19:28

Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

2 Vatesalonika 2:8

Khavbo a na gu dugelelago muwugeli oyu Pfhumu Jesu a na mu songago khu phuvbo ya kanani gwaye. A mu mbembisa khu gungangamela nya gute gwaye.

Gutuledwa 1:6

a gu hi gira vafumeli ni vaphasi nya mhamba ya Nungungulu Babe waye. Khyaye gidhumo ni tshivba kala gupindruga. Amen.

Gutuledwa 20:4

Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.

Gutuledwa 5:10

U va giride vafumeli ni vaphasi nya mhamba ya Nungungulu wathu; avo va na fuma mafuni.”