Dhaniyeli 7:14 - Bhibhiliya Nya Guage

¹⁴ Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Dhaniyeli 7:14 Iomraidhean Croise

Dzindzimo 102:22

gasi avbo va na tshanganago vathu nya mayigo, ni mifumo va khozela Pfhumu Nungungulu.

Dzindzimo 103:19

Pfhumu Nungungulu tiyiside gikhalo nya wufumu Waye Ndzadzini, wufumu waye womo vbatshani nya silo satshavbo.

Dzindzimo 145:13

Mufumo wago wu ngu simama kala gupindruga, Uwe u na fumela mimela ni mimelana yatshavbo, Pfhumu Nungungulu tumbegide gikhati gyatshavbo, a gu gira mithumo yaye yatshavbo khu lihaladzo.

Dzindzimo 146:10

Pfhumu Nungungulu a na fuma kala gupindruga; Nungungulu wago uwe Siyoni, a na fuma mimela yatshavbo kala gupindruga. Aleluya! A na dhumiswe Pfhumu Nungungulu!

Dzindzimo 45:6

Uwe Nungungulu, gikhalo gyago nya wufumu gi ngu simama kala gupindruga; ndronga nya gululame, i ndronga nya wufumu wago.

Dzindzimo 72:11

Vafumeli vatshavbo va na khidzime mbeli gwaye; mayigo yatshavbo ma na mu thumele.

Dzindzimo 72:17

Lina la mufumeli li na simame kala gupindruga ndruma yaye yi na pwale, yi na simame vbavbatshi nya lidambo; khavbo gwaye va na kategiswe vathu vatshavbo, mayigo ma na mu rane oyu a kategidego.

Dzindzimo 8:6

U mu ningide gu fumela mithumo ya mandza yago, U vegide silo satshavbo vbavbatshi nya migondro yaye:

Isaya 16:5

Khavbo avbo, gu na tiyiswa gikhalo gyago nya wufumu khu wuwadi, gu na khodziswa avbo mulamuli a na lamulago khu gululama ni gutumbega tshatshani wa Dhavhidhe.”

Isaya 60:12

Kholu litigo ni mufumo va na gumba gu thumela, va nafa; mayigo yoyo ma na pfhungumudwa hayo bhi.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Dhaniyeli 2:35

Khavbo avbo, simbi, libumba, sugu, parata ni ndralama si di khungumuledwa, si gira nga mungu nya tirigu nya guvbudwe vbamarongatunu, si di vbuvbiswa khu phuvbo si mwalalega. Aholu giwindri gi nga pandra gifananiso gi di vbindrugedza gi khala gigomo nya gikhongolo gi fenengedza litigo latshavbo.

Dhaniyeli 2:37

Uwe pfhumu, mufumeli nya khongolo guvbindra vafumeli vatshavbo, Nungungulu wa ndzadzini a gu ningide mufumo, gufuma, tshivba ni wugulu.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 3:4

Khavbo avbo, mutivisi nya mahungu nya litigo a di khusa lito a laledza, khuye: “Enu vathu nya mafumbu yatshavbo, mayigo ni vathu mu ganelago malimi nya guhambanelane, nyi ngu mi embelani, kheni:

Dhaniyeli 4:3

Nyi di vega nayo nya guranise vagengeli vatshavbo va Bhabhiloni, gasi guta nyi ninga tshamuselo nya ndroro nyi nga lorago.

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Dhaniyeli 7:18

Aholu, sihathwa sa wule a Khusegidego ngudzu, khavo va na gu ningwago mufumo wu khala wawe kala gupindruga ni gupindruga.

Dhaniyeli 7:27

Khu guralo, mufumo, tshivba ni wugulu nya mifumo yatshavbo ya mafuni, yi na ningedwa ga lihundzu nya sihathwa sa oyu a Khusegidego ngudzu. Mufumo waye khwa kala gupindruga, vafumeli vatshavbo va na mu khozela ni gu mu yingisa.

Obhadhiya 1:21

Avo va nga palago va na gwela gigomoni gya Siyoni, gasi guya lamula gigomo gya Esawu, mufumo wakone wu na bani wuri wa Pfhumu Nungungulu.

Mikeya 4:7

Avo va ndzodolago nyi na va gira mitshaledwa, ni avo va nga bani va phalalegisidwe va yiswa hwindzo, nyi na va gira litigo nya tshivba; Pfhumu Nungungulu a na fuma vbatshani gwawe gigomoni gya Siyoni, gukhugela olu kala gupindruga.

Matewu 11:27

Satshavbo nyi ningidwe khu Babe wangu. Mwalo a mu tigo Mwamana vbavbandze ga Babe ekha, gambe mwalo a mu tigo Babe vbavbandze ga Mwanaye ekha ni wule Mwamana a dzinago gu mu tulela.

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Luka 1:33

A na fuma ndranga ya Jakobe kala gupindruga; mufumo waye gima kha wu na nga vbela.”

Luka 10:22

Satshavbo nyi ningidwe khu Babe wangu. Mwalo a mutigo khu mani Mwamana vbavbandze ga Babe ekha, gambe mwalo a mutigo khu mani Babe vbavbandze ga Mwanaye ekha, ni wule Mwamana a dzinago gu mu tulela.”

Johane 12:34

Gidzemo gi di mu hakha, khigyo: “Nayo wu ngu hi hevbudza nya gukhuwo Kristo a na vbanya kala gupindruga. Khu ginani u gukhuwe Mwamana wa Muthu a na ni fanelo nya gu khusedzwe? Khu mani Mwamana yoyo wa Muthu?”

Johane 3:35

Babe a ngu gola Mwanaye, gambe vegide silo satshavbo mandzani gwaye.

Vahebheru 12:28

Khu guralo, hongoleni hi bonge, kholu, hi hakhide Mufumo wa ndzadzini, owu wu si kodzigo gu kutsungwa. Hongoleni hi bonge, hi khozela Nungungulu khu magirelo nya gu mu tsakise ni githawo.

1 Pedro 3:22

A litidego ndzadzini aya khala nyamudye ga Nungungulu, a fumela dzingilozi dzatshavbo ni vafumeli ni dzitshivba dzatshavbo dza ndzadzini.

Gutuledwa 1:6

a gu hi gira vafumeli ni vaphasi nya mhamba ya Nungungulu Babe waye. Khyaye gidhumo ni tshivba kala gupindruga. Amen.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.