Dhaniyeli 7:10 - Bhibhiliya Nya Guage

¹⁰ Wu di duga tsongo nya nilo khu mbeli gwaye, a thumedwa khu mazanazana nya vathu; mbeli gwaye gu diri ni makhulukhulu nya vathu. Phathani gu di phedwa gu lamudwa mahungu, gu tudwa mabhuku.

Dhaniyeli 7:10 Iomraidhean Croise

1 Dzipfhumu 22:19

Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.

2 Dzikoronika 18:18

Mikeya a di engedza, khuye: “Olu yingisani lito la Pfhumu Nungungulu: Nyi di wona Pfhumu Nungungulu na khade vbagikhalotunu gwaye nya wufumu, nari gumogo ni dzinyimbi dzaye dza ndzadzini, na dzi emide khu nyamudye gwaye gumogo ni nyambade gwaye.”

Joba 25:3

Khu mani a kodzago gu saya tengo nya gikwata gyaye? Khu mani a si khuhwigo khu wenengedzo waye?

Dzindzimo 103:21

Bongani Pfhumu Nungungulu enu sivangwa saye satshavbo, enu sithumi saye ni gu gira gugola gwaye.

Dzindzimo 18:8

Wu di duga wutshi khu dzithonvuni gwaye, khu kanani gwaye, gu duga nilo nya guvbise, gu duga magala nya gungangamele.

Dzindzimo 50:3

Nungungulu wathu a nguta, kha nata degula; mbeli gwaye wu ngu dzura nilo nya guvbise; randredwe khu phuvbo nya gingulu.

Dzindzimo 68:17

Nungungulu khugide khu gigomoni gya Sinayi, nari ni mazanazana nya dzikareta nya nyimbi, aya bela makhuvini nya Nyumba yaye nya guage.

Isaya 30:27

Wonani nya gukhenu lina la Pfhumu Nungungulu la guta khu hwindzo na liri ni giviti. Likhulo laye na la gu khondra li dusa wutshi nya guthise, kanani gwaye gu tade khu khorodza, ni lidimi laye la gu fanana ni nilo nya gumbembise.

Isaya 30:33

Kholu gikho gi dongisedwe khu gale, gi dongisedwa mufumeli. Li dongisedwe liphala nya likhongolo nya guete, wu na khondriswa nilo nya dzikhuni nya dzingi khu furugedzo wa Pfhumu Nungungulu, wu fananago ni tsongo nya nilo nya solufa.

Dhaniyeli 12:1

Khu gikhati gyogyo, a na dugelela Migeli Ngilozi yi emelago vathu vago, gu na manega gikhati nya gusaniseke, nya gu gima gi si gu manegi gukhugela guhegulani nya mifumo. Aholu khu gikhati gyogyo, uye a na vbanyisa vathu vago, vatshavbo vale va na gu manegago na va lovidwe libhukuni nya womi.

Dhaniyeli 7:22

Kala guta Lidhota la gale, li ta lamulela sihathwa sa wule a Khusegidego ngudzu; kala gi vboha gikhati nya guningwe mufumo sihathwa.

Dhaniyeli 7:26

Aholu gu nata gulamudwa, va na dzegedwa mufumo wu tshiphisa muphelo.

Zakariya 14:5

Enu mu na tutuma mu thava khu releloni vbakari nya sigomo sangu, kholu kova wu na relela kala Azeli, mu na thavani kharati kha nga idzo mu tutumidego khidzo gikhati nya girevareva gi manegidego matshiguni ya Uziya, mufumeli wa Judha; khavbo avbo, a na vboha Pfhumu Nungungulu wangu na randredwe khu sihathwa satshavbo.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Dhewuteronome 33:2

Khu guralo, a di ganela, khuye: Pfhumu Nungungulu dzude khu Sinayi, a dzi wonegiside gwawe khu Seyiri, a ngangamela gukhugela gigomoni ga Parani; a dita ni gidzemo nya likhumi magumi mazana (10.000) va nya guaga, khu nyamudye gwaye, wu di romo nilo nya Nayo wu lumbago avo.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Vahebheru 12:22

Aholu enu, mu vbohide gigomoni ga Siyoni, ni dhoropani ga Nungungulu a vbanyago, Jerusalema ga ndzadzini ni mazanazana nya dzingilozi dzaye.

Judha 1:14

Khu kotani yawe, Enoki nuye, gitugulwana nya livbandre na sivili ga Adhamu, profetide khu kotani yawe, khuye: “Wonani, Pfhumu a nguta gumogo ni mabutho nya mazanazana nya sihathwa saye, gasi,

Gutuledwa 11:18

Mayigo ma di gu wugede khu tshivba, aholu gi vbohide gikhati gyago nya gu phodze. Khigyo egi gikhati nya gulamule avo vafudego ni gu tshatshazela sithumi sago, vaprofeti; ni sihathwa, ni vatshavbo vale va ningago githawo lina lago, sanana ni vakhongolo. Gi vbohide gikhati nya gumbembise vale va saselago litigo.”

Gutuledwa 5:11

Khavbo avbo, nyi di wona ni gupwa lito nya mwandra nya dzingilozi dzi nga bani dzi randrede gikhalo nya wufumu, ni sirengo sile sa sina ni madhota; tengo wa kona a diri makhulukhulu ni makhulukhulu ni mazanazana.