Dhaniyeli 6:6 - Bhibhiliya Nya Guage

⁶ Khavbo avbo, vamwamangulu ni vathangeli vava, va di pwanana khu gisihaledza va hongola gumogo ga mufumeli, vaya mu embela, khavo: Uwe mufumeli Dhariyo, vbanya kala gupindruga!

Dhaniyeli 6:6 Iomraidhean Croise

Nehemiya 2:3

nyi mu phindrula, kheni: “Mufumeli, vbanya kala gupindruga! Nyi na kala nyi si swihali khu ginani, na nyi gu wona lidhoropa va ladego umo vavelegi vangu na li khungumudwe, malimba yakone na ma dagarede khu nilo.”

Dzindzimo 56:6

Va gu tshangana va sihala, va nyi holela umo nyi gimbilelago umo, na va gu virela gikhati nya gu nyi songe.

Dzindzimo 62:3

Gasi enu mwatshavbo mu na kala lini na mu gu wugela muthu, gasi mu fela gu mu khungumula, a fanana ni ndzari yi khuyugago mwendro libhiyo li vbwetago gu thega, na?

Dhaniyeli 2:4

Vakalidhiya va di embela mufumeli khu Gisiriya khavo: “Uwe Mufumeli vbanya kala gupindruga! Hi embele ndroro yago, ethu sithumi sago, hi na gu ninga tshamuselo waye.”

Dhaniyeli 3:9

va embela mufumeli Nabhukodhonosori, khavo: “Uwe mufumeli, vbanya kala gupindruga!

Dhaniyeli 5:10

Avbo pfhumugadzi yi ngapwago ligwaha la mufumeli ni dzindruna dzaye, yi di bela nyumbani nya buzo yita, khiyo: Uwe mufumeli, vbanya kala gupindruga! U nga thurugi ambari gu thuviga khovbe.

Dhaniyeli 6:11

Khavbo avbo, vama vale va di pwanana vaya ga Dhaniyeli vaya mu mana na gu lombelela, a lomba guphaswa khu Nungungulu waye.

Dhaniyeli 6:21

Dhaniyeli a di embela mufumeli, khuye: “Uwe mufumeli, vbanya kala gupindruga!

Mithumo 24:2

Na va ranide Pawulo, Teritulo a di phela gu sasamedzela mahungu, khuye: “Felisi nya guzundzege, gurula nya gukhongolo hi gu nago ha gu gu mana kotani yago ni satshavbo sigiro nya sadi si dugelelago tigoni gwathu si gu tsakisa vathu vatshavbo, sa gu girwa khu wugengeli wago.