Dhaniyeli 6:4 - Bhibhiliya Nya Guage

⁴ Khu kotani nya kharato, vamwamangulu ni vathangeli, va di gu zama gu mana gihoso nya guvivbise khigyo Dhaniyeli thumoni gwaye nya mufumo, gambe va disi mani gihoso, kholu a di thuma khu gutumbega.

Dhaniyeli 6:4 Iomraidhean Croise

Genesi 41:38

Faro a di embela madhota yaye, khuye: “Ina hi na mu mana mumbe mwama nya nga oyu nya gutale khu liphuvbo la Nungungulu, gani?”

Genesi 43:18

Gikhati va va bedzidego ndrangani ga Josefa, avo va di liwuga va ganela, khavo: “Khu kotani nya dzitsapawu va nga thelago mudzisakuni gwathu, va hi resago avba; va gufela gu hi mola, va hi gira dzikhumbi, va hi wandrela dziburu dzathu.”

Mavingu 29:27

Muthu nya gululame a ngu vengana ni muthu nya guvivbedwe khu monyo, ni uye nuye nya guvivbedwe khu monyo, a ngu vengana ni uye nya gululame.

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 18:23

“Gasi uwe Pfhumu Nungungulu, u ngu mati gwadi makungo yawe va vbwetago gu nyi songa khayo; u nga va divaleli gighoho gegi, ni milandru yawe yi nga khali hwindzo ni maho yago; aholu va na tshunganele mbeli gwago; va girele isoso litshiguni nya likhulo lago.”

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 29:7

Lidhoropa nyi mi yisidego umo kha nga dzikhumbi li suveleni makategwa, lombelelani khu ilo ga Pfhumu Nungungulu, kholu la gu katega, enu nenu mu na katega.

Dhaniyeli 3:8

Khu gikhati gyogyo, gu dita vama nya gukari nya Vakalidhiya, va dita ketsari Vajudha,

Dhaniyeli 5:12

Gu manegide ga mwama yoyu Dhaniyeli, mufumeli a nga mu thangisago lina la Bhalitazari, a diri ni liphuvbo nya gusamadzise, nya guti ni mapimo, a ninga tshamuselo nya dzindroro ni gu ninga phindrulo dzitekatekane, ni gu dusa gukanakana ga mahungu nya gulemele, avbo mufumeli a nga mu thangisago lina la Bhalitazari. Rumela gu ya ranwa Dhaniyeli, uye a nata gu ninga tshamuselo nya milowo.

Dhaniyeli 6:22

Nungungulu wangu rumede ngilozi yaye yita sega likana nya dzinghala. Idzo kha dza nyi gira gilo, kholu nyi wonidwe na nyiri mwalo nandru mbeli ga Nungungulu. Ambari avbo gwago gimwalo nyi ghohidego.”

Matewu 26:4

Avbovbo, va di hevbula mano nya gumole khayo Jesu va mu songa.

Matewu 27:18

A di gu dziti nya gukhuye va di mu ningela khu kotani nya lidiwo.

Luka 20:20

Va di mu riya, va mu rumela vathu nya guya mu linga. Avo va di hongola kha nga vathu nya vadi, na va lindrela gukhavo a na hoheta likana, gasi gu mu ningela mandzani ga mufumo.

Luka 20:26

Kha va dzi kodza gu mana magana nya gu mu mole khayo vbakari nya vathu, aholu va di liwuga khu phindrulo yaye, va gu hamuga nigyo nya guganele.

Luka 22:2

Vakhongolo nya vaphasi nya mhamba ni vahevbudzi nya Nayo va di vbweta lipindru nya gusonge Jesu, aholu va di gu thava gidzemo.

Johane 19:4

Pilato a di duga gambe vbavbandze, ata, khuye: “Nyi ngu mi reselani avba, gasi mu fela gu dziti gukhenu gimwalo gihoso nyi gi manago gwaye.”

2 Vakorinto 11:12

Aholu esi hi girago, nyi na simamisa gu si gira. Kha hi vbweti gu ninga wulanga vale va dzi khusedzago ni gu alakanya khavo va ngu fanana ni eni.

Vafilipi 2:15

mu yeyedza kharati gukhenu mu vathu nya gululame, nya dzifanelo, gukhenu mu sanana sa Nungungulu, mu khala na mu agide nyambana gihoso vbakari nya vathu nya guwegele nya guvivbedwe khu monyo. Guvbwetega mu ngangamela vbakari nya vathu vovo kha nga myenge ya mafuni,

1 Thimoti 5:14

Khu kharato, nya gu vbweta gukheni, dzinoni dzi ngarigo sagadzyana dzi dzegwe, dzi velega sanana, dzi sayise dzindranga dzawe, nyamba ninga wulanga nala a ganela guvivba khu gukhodwa gwathu.

Tito 2:8

Ganela silo nya lisine, gasi a si manegi muthu nya gu gu kawuke, va fela gu khala dzitshoni valala vathu khu gu hamuga gilo nya guganele khu mahungu yathu.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.

Valamuli 14:4

Babe ni mayi waye va di si dziti nya gukhavo esi sa guta khu ga Pfhumu Nungungulu, kholu a di gu vbweta ndzila nya gusasele khiyo Vafilisitiya, kholu, khavo va nga bani na va khozisa va na Israyeli khu gikhati gyogyo.

1 Samuweli 12:4

Khavbo avbo, va di hakha, khavo: “Gimwalo u hi kanganyisidego, ambari gu hi tshanisa, ambari gu dzega gilo khu mandzani ga muthu.”

1 Samuweli 18:14

Dhavhidhe a di dugelela ga satshavbo a nga bani na gu gira, kholu uye a diri ni Pfhumu Nungungulu.

1 Samuweli 22:14

Ayimeleki a di hakha mufumeli, khuye: “Khu wevbini vbakari nya sithumi sago satshavbo a tumbegidego guvbindra Dhavhidhe, mwane wa mufumeli, muthangeli wa vavhikeli vago a zundzegago ngudzu ndrangani gwago, na?”