Dhaniyeli 6:27 - Bhibhiliya Nya Guage

²⁷ Uye ngu vbulugisa ni gu vbanyisa; a ngu gira siwoniso ni siliwugiso ndzadzini ni mafuni. Uye a vbulugiside Dhaniyeli tshivbani nya dzinghala.

Dhaniyeli 6:27 Iomraidhean Croise

Mithumo 4:30

Handzega mandza yago gu gumanege siwonegiso ni siliwugiso ni gu hawulugisa madwali khu lina la Jesu, githumi Gyago nya gukatege.”

Dzindzimo 97:10

Enu mu golago Pfhumu Nungungulu, nyenyani guvivba, uye a ngu sayisa mihefemulo ya vale va mu khozelago, a va vbulugisa mandzani ya va nya guvivba.

Dzindzimo 18:50

Uye khuye a ningago gupala mufumeli waye, gambe a ngu yeyedza lihaladzo ga wule a mu hathidego, khu kotani ya Dhavhidhe ni sanana saye kala gupindruga.

Dhaniyeli 4:34

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Dzindzimo 35:17

Pfhumu u na si wonetela kala lini? Nyi vhikele ga ava va ngurangurago, vbanyisa womi wangu sambani nya dzinghala dzedzi.

Dzindzimo 32:7

Uwe u wuthavelo wangu; u ngu nyi vbulugisa sigaradzoni, nyi gire nyipwa basi dzindzimo nya gupale.

Dzindzimo 18:48

Uwe u ngu nyi vbulugisa ga valala vangu va tadego khu likhulo, u nyi khusedza ga vale va nyi vengago, u nyi tshula ga muthu nya dzihanyi.

Joba 36:15

Aholu Nungungulu a gu vbanyisa sisiwana gutshanisekani gwawe, na vari gutshanisekani a ngu ganela navo.

Vahebheru 2:4

Nungungulu tadziside wufakazi wawe khu gu gira siwoniso ni siliwugiso, yeyedzide tshivba yaye, a kabanisela siningwa nya Liphuvbo nya Guage, khu magirelo nya guhambanelane, kha nga guhaladza gwaye.

Johane 4:48

Jesu a di mu embela, khuye: “Mwamba wonani siyeyedzo ni siliwugiso kha mu khodwi!”

Dhaniyeli 6:20

Avbo a nga vbohago vbaphalatunu, a di rana Dhaniyeli khu lito nya wuvi. Mufumeli a di rana Dhaniyeli, khuye: “Dhaniyeli! Githumi gya Nungungulu a vbanyago! Ina Nungungulu u mu thumelago gikhati gyatshavbo a gu vbulugiside ga dzinghala, gani?”

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”

Dzindzimo 145:13

Mufumo wago wu ngu simama kala gupindruga, Uwe u na fumela mimela ni mimelana yatshavbo, Pfhumu Nungungulu tumbegide gikhati gyatshavbo, a gu gira mithumo yaye yatshavbo khu lihaladzo.

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 4:31

Aholu, khu hwane nya matshigu yoyo, eni Nabhukodhonosori, nyi di khusa maho nyi khedza ndzadzini, mapimo yangu ma di bwelo khavbo ma wuya, nyi bonga Uye a Khusegidego ngudzu, nyi rungudza ni gu dhumisa uye a vbanyago kala gupindruga, uye mufumo waye wu si vbeligo, wu thaphelago ga mimela ni mimelana.