Dhaniyeli 6:2 - Bhibhiliya Nya Guage

² A vega vamwamangulu vararu, avbo moyo wakone a nga bani nari Dhaniyeli, vathangeli vava, va diri ni thumo nya guwonelele gasi mufumeli a si luzekedwi khu gilo.

Dhaniyeli 6:2 Iomraidhean Croise

Ezira 4:22

Dzi woneleni mu nga hwelini ni mahungu yaya, kholu mhango yi nga dandra, vafumeli va luzekedwa ngudzu.”

Mavingu 26:6

Gu rumela mahungu khu mandzani ga gipumbu, gu fanana ni gu dzi pila litundru.

Mavingu 3:16

Gulapha nya matshigu nya guvbanye; gomo mandzani gwaye ga nyamudye; khu mandzani gwaye ga nyambade, yomo thomba ni wuzundzo.

Dhaniyeli 5:16

Va nyi embede gukhavo uwe u nga dzi kodza gu nyi ninga tshamuselo ni gu dusa gukanakana. Gasi olu, wa gu kodza gu hevbula milowo yeyi, ni gu nyi ninga tshamuselo yaye, nyi na gu ambagisa dzingandzu nya siwunguwungu, thamoni gwago nyi gu ambagisa karara nya ndralama, ni gu khala gikhalo nya wuraru nya mufumo wangu.”

Dhaniyeli 5:29

Khavbo avbo, mufumeli Bhalitazari, a di ruma gukhuye va ambagise Dhaniyeli dzingandzu nya giwunguwungu, thamoni va mu ambagisa karara nya ndralama, va mu emisa khu gu ruma gwaye, gu khala vbagikhalotunu nya wuraru nya mufumo waye.

Dhaniyeli 5:7

Mufumeli a di vbisega a rumela gu raniswa dzinyanga, ni vagengeli, ni Vakalidhiya, ni va nya sikwembu; ata embela vagengeli vava va Bhabhiloni, khuye: “Uye a na gu hevbulago milowo yeyi bwelo khavbo a nyi ninga tshamuselo yaye, nyi na mu ambagisa dzingandzu nya siwunguwungu, bwelo khavbo nyi mu ambagisa karara nya ndralama thamoni gwaye, nyi na mu emisa a khala vbagikalotunu nya wuraru nya mufumo wangu.”

Dhaniyeli 6:1

Mufumeli Dhariyo, a di wona nari gwadi gu emisa lizana ni magumavili (120) vathangeli nya gufumele litigo laye latshavbo,

Matewu 18:23

Khu kharato, Mufumo wa Ndzadzini wu ngu fananiswa ni mufumeli moyo a nga vbweta guti magimbidziselo nya thumo ga sithumi saye.

Luka 16:2

Mune ndranga a di rana muthangeli a mu wudzisa, khuye: ‘Nyi ngupwa vathu nya vangi na va gu regera khuwe. Gasi mahungu muni? Nyi yeyedze mithumo u giridego, kholu nya guvbweta gu gu dusa thumoni.’

1 Vakorinto 4:2

Fanelo nya githumi gambe khu gu khala na gi tumbegide ga Pfhumu yaye.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.