Dhaniyeli 6:19 - Bhibhiliya Nya Guage

¹⁹ A di wuga gu ngari dzimindru, a hongola khu guvbiredza phalatunu nya dzinghala.

Dhaniyeli 6:19 Iomraidhean Croise

Dhaniyeli 6:18

Khavbo avbo, mufumeli a di bwelela nyumbani gwaye nya wufumu, a pila wutshigu watshavbo na gu hala, a si dzumedzisi gu yisedwa vbafuvbi gwaye siwombawomba nya wutsendze. Gambe kha nga mana ligovbe.

Dhaniyeli 6:20

Avbo a nga vbohago vbaphalatunu, a di rana Dhaniyeli khu lito nya wuvi. Mufumeli a di rana Dhaniyeli, khuye: “Dhaniyeli! Githumi gya Nungungulu a vbanyago! Ina Nungungulu u mu thumelago gikhati gyatshavbo a gu vbulugiside ga dzinghala, gani?”

Matewu 28:1

Na yi vbindride Sabhadho, khu mambagugya nya litshigu nya guphele nya semana, Mariya wa Madhalene ni mumbe Mariya va di ya holela lithowo.

Marko 16:2

Ni dzimindru, na li gu khuga lidambo, litshigu nya guhegule nya semana, va di hongola thowotunu.

2 Vakorinto 2:13

Ambari ulo hefemulo wangu kha wa mana gurula, khu gumba ya mana ndriyangu Tito. Khu guralo nyi di vbangana vathu vale nyi khuga nyi hongola Makedhoniya.

1 Vatesalonika 3:5

Khidzo kharato, gu kala nyi ruma Thimoti khu guvbiredza, guta wona gukhodwa gwanu gwa gu gimbila kharini, mwendro saye mukanganyisi a mi lingideni, a ghohetela mihandro nya thumo wathu.