Dhaniyeli 6:10 - Bhibhiliya Nya Guage

¹⁰ Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Dhaniyeli 6:10 Iomraidhean Croise

1 Dzipfhumu 8:30

Gasi olu, yingisa nombelo wa githumi gyago ni wa vathu vago va na Israyeli, va guta vata lombelela wulanga wowu. Uwe nuwe, va yingise khu wulangani gwago u khalago avbo, ndzadzini yoyo, va yingise bwelo khavbo u va tsetsela.

1 Dzipfhumu 8:38

nombelo watshavbo ni gulila gwatshavbo u na giredwago khu moyo mwendro khu vathu vatshavbo va na Israyeli, muthu ni muthu a giti gighoho a giridego khu monyoni gwaye, a khusedza mandza yaye ma khedza nyumbani momu;

1 Dzipfhumu 8:44

Vathu vago va gu duga guya dwana nyimbi ni valala vawe, khu ndzila u na va yeyedzago, va gu lombelela ga Pfhumu Nungungulu, na va gu khedza phuvbo ga lidhoropa leli u li hathidego, ni nyumba yeyi nyi vbahedego lina lago,

1 Dzipfhumu 8:54

Avbo Solomoni, a nga vbedzago gu gira ga Pfhumu Nungungulu nombelo yoyu ni gilombo gegi, na khidzimide a khusedza mandza ndzadzini, a di khuga khavbo a nga bani a khidzimide, mbeli nya giluvelo gya Pfhumu Nungungulu,

2 Dzikoronika 6:13

Kholu Solomoni a di giride wulanga nya gueme khavbo khu sugu, vbakari nya hudzwe. Gulapha nya wulanga wowo gu di enedza tanga nya livbandre mikono gulapha, ni gu gula gu enedza livbandre mikono, gukhugega gu di enedza mikono miraru, a bela umo a ema vbakari, a khidzima vbakari nya tshangano watshavbo wa na Israyeli, a khusedza mandza a khedza ndzadzini,

2 Dzikoronika 6:38

va gu vbindrugedza va wuya avbo gwago khu monyo wawe ni hefemulo wawe watshavbo, na vari khu tigoni momo nya wugumbi wawe, va gu lombelela na va khedzide phuvbo ga litigo leli U ningidego vababe vawe, ni lidhoropa leli U li hathidego ni phuvbo ga nyumba yeyi, nyi yi vbahidego yi lumba lina lago.

Ezira 9:5

Vbafuvbi ni gu gira phaso nya silambo, nyi di wuga khu guswihalani gwangu, kha nga nyi nga bani nyi pferude dzingandzu dzangu ni gifenengelo gyangu, nyi di khidzima khu dzikhungumudzi dzangu, nyi thawuludza mandza yangu ga Pfhumu Nungungulu wangu.

Nehemiya 6:11

Nyi di mu embela, kheni: “Ina muthu nya nga eni, a na kodza gututuma, gani? Gambe, khu mani nya nga eni, a kodzago gu bela wulanga nya guage a duga na guvbanya? Eni gima kha nyi na gira silo nya nga isoso!”

Dzindzimo 34:1

Nyi na rungudza Pfhumu Nungungulu gikhati gyatshavbo, Likana langu li na embelela wudhumo waye kala gupindruga.

Dzindzimo 5:7

Gasi eni, khu lihaladzo lago nya likhongolo, nyi ngu bela nyumbani gwago; nyita khidzima nyi gu khozela khu githawo nyumbani gwago nya gukatege.

Dzindzimo 55:17

Vbasilambotunu, vbadzimindrutunu ni vbamihanitunu, nyi na lila nyi dilela; Uye a napwa lito langu.

Dzindzimo 86:3

Nyi pwele wuhindzi Pfhumu, kholu gikhati gyatshavbo nyi ngu lila mbeli gwago.

Dzindzimo 95:6

Deluni hi ta khidzima hi lombelela Pfhumu Nungungulu. Kholu khuye muvangi wathu.

Dhaniyeli 6:13

Khavbo avbo, va di hakha va embela mufumeli, khavo: Dhaniyeli a gu moyo nya dzikhumbi dzi ngata khu tigoni ga Judha, kha theli kota khu uwe mufumeli, ambari khu khwepa u nga wu dusago u wu sayina. Uye a nga gu simama gu gira milombelo yaye, nyondro tharu khu litshigu.

Dhaniyeli 9:4

Nyi di lombelela ga Pfhumu Nungungulu wangu, nyi dawulela sighoho sangu, kheni: Oh! Pfhumu! Nungungulu nya khongolo nya guthavisege, khu lihaladzo lago nya gutumbege, u vegedzago gidzumeledzwano ni avo va gu golago ni gu vegedza milayo yago;

Jona 2:4

Eni nyi di ganela, kheni: Nyi dzudzugidwe mahoni gwago, khu guralo, nyi na wuya gambe nyaluphye, nyita wona nyumba yago nya gukatege.

Marko 3:3

Khavbo avbo, Jesu a di embela mwama nya gulimale libogo, khuye: “Delu u ta ema vbakari vbavba.”

Luka 14:26

“Uye atago gwangu a mba diga babe, mayi, mwangadzi, sanana, vandriyaye, ni gu dzi diga uye mune, kha dzi kodzi gu khala mupizane wangu.

Luka 22:41

Khavbo avbo, a di leya vbadugwana, aya lombelela, khuye:

Mithumo 10:9

Gandra ni dzimindru, na vari vbakari nya ndzila, vbafuvbi ni gu vboha, dhoropani ga Jope, Pedro a di lita vbatshani nya nyumba, khu gikhati nya midiya, gasi guya gira nombelo.

Mithumo 2:15

Vama vava kha va leva nga idzo mu pimisago khidzo: Kha nga mu wonago, gu ngari dzimindru, gikhati nya wuraru nya litshigu (9 wora nya dzimindru).

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 20:36

Pawulo, na vbedzide gu ganela esi, a di khidzima gumogo ni vatshavbo vandruye a lombelela navo.

Mithumo 21:5

Aholu, gu vbelani nya matshigu yoyo, hi di simama ni liendro lathu. Vakhodwa vatshavbo ni vanyamayi ni sanana va di hi bangaladza kala vbavbandze nya lidhoropa. Na hi dugide khu dhoropani, hatshavbo hi di khidzima funguni hi lombelela ga Nungungulu.

Mithumo 3:1

Pedro ni Johane va di gu gwela Nyumbani ga Nungungulu vaya gira nombelo nya silambo.

Mithumo 4:29

Gasi olu, Pfhumu, wona, va ngu hi thela hwanga; ninga tshivba sithumi sago si huwelela mahungu yago khu gu tiya gwatshavbo;

Mithumo 5:20

“Indrani Nyumbani ga Nungungulu mu ya tshumayela vathu khu mavbanyelo yaya nya maphya.”

Mithumo 5:29

Aholu, Pedro ni vapostoli va di hakha, khavo: “Hi fanede gu yingela Nungungulu guvbindra gu yingela vathu.

Mithumo 7:60

Khavbo avbo, na khidzimide a di khusedza ngudzu lito a lomba, khuye: “Pfhumu, U nga va rwegi nandru nya gighoho gegi.” Na ganede magana yaya a di lala.

Mithumo 9:40

Aholu, Pedro, na rumide vathu vatshavbo gu duga vbavbandze, a di khidzima a gira nombelo. Na thendregedzide a khedza girumbi, a di khuye: “Tabhita, wuga!” Uye a di hapfhula; na wonide Pedro, a di khala khu giwunu.

Vaefeso 3:14

Khigyo gi nyi girago nyi khidzima mbeli ga Nungungulu Babe,

Vafilipi 1:14

Vandruye nya vangi khu gukhodwa va tiyide longo khu gu wona dzitshinga nyi hungidwego, va gu engedzela gitumbo gyawe ga Pfhumu, muhuno va ngu tivisa mahungu ya Nungungulu khu tshivba, nyamba thava gilo.

Vafilipi 1:20

Egi nyi lilago wutshigu ni mihani, na nyi gu tumba khu monyo wangu watshavbo, khu gukheni nyi si khali dzitshoni. Gani olu, muhuno kha nga gikhati gyatshavbo, Kristo a na dhumiswa givilini gwangu, khu guvbanya ambari khu gufa gwangu.

Vafilipi 4:6

Mu nga garadzegi khu gilo. Omu nya milombelo yanu lombani esi mu si vbwetago ga Nungungulu, khu monyo nya gubonge.

Vakolosi 3:17

Silo satshavbo mu na ganelago mwendro gu si thuma girani khu lina la Pfhumu yathu Jesu Kristo, mu bonga Nungungulu Babe khu uye.

Vahebheru 13:15

Khu guralo, hongoleni hi rungudze Nungungulu khu Jesu. Rungudzo yoyo i mhamba hi ningelago, yi ningedwago khu magana ma rungudzago lina laye.

Vahebheru 4:16

Khavbo avbo, hongoleni hi tiye hi hidzimela vbagikhalotunu nya wufumu wa Nungungulu nya gutale khu wuhigo, avbo hi na ya manago guvbanya ni gu phasedzedwa hi gu vbwetago gikhati gyatshavbo.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 2:13

Nyi ngu miti mithumo yago ni avbo u vbanyago, khavbo gi guromo gikhalo nya wufumu wa Sathane. Ambari guralo, u ngu pala sigaradzo satshavbo, u namarela, khu gutiya, linani gwangu. Khwa nyenya gukhodwa ga eni. Ambari ga matshigu yale a nga songwago khayo mufakazi wangu nya gutumbege Antipa a nga bani a gu vbanya vbakari gwanu, avbo a vbanyago nuye Sathane.