Dhaniyeli 5:7 - Bhibhiliya Nya Guage

⁷ Mufumeli a di vbisega a rumela gu raniswa dzinyanga, ni vagengeli, ni Vakalidhiya, ni va nya sikwembu; ata embela vagengeli vava va Bhabhiloni, khuye: “Uye a na gu hevbulago milowo yeyi bwelo khavbo a nyi ninga tshamuselo yaye, nyi na mu ambagisa dzingandzu nya siwunguwungu, bwelo khavbo nyi mu ambagisa karara nya ndralama thamoni gwaye, nyi na mu emisa a khala vbagikalotunu nya wuraru nya mufumo wangu.”

Dhaniyeli 5:7 Iomraidhean Croise

Genesi 41:8

Ni dzimindru, na gu garadzega hefemuloni gwaye, Faro a di ruma gu ranisa dzinyanga dzatshavbo, ni vanyaguti vatshavbo va Egipito a ta va embeledzela dzindroro. Aholu mwalo a nga dzi kodzago gu mu ninga tshamuselo.

Ekisodha 7:11

Aholu Faro nuye a di rana va nya guti ni dzinyanga, avo navo va nya guti va Egipito, va di gira navo idzosaye khu wugengeli wawe nya gusihalege.

Mavingu 1:9

isoso si na khala nari gihugu nya wumburi hungoni gwago ni wulungu nya gumburise thamoni gwago.

Gizimba 1:10

Sigundru sago si mburisedwe khu dziphera nya sugu ni thamoni gwago gumburisedwe khu wulungu nya gukhedzige.

Isaya 47:13

Olu u garade khu gu gimbilagimbila ga vagengeli nya vangi u lomba wusingalagadzi! Va na dzi wonegise olu va gu vbanyisa vale va girago wutumbe khu sivangwa sa ndzadzini, avo va matigo magimbilelo nya dzinyeledzi ni gupima misihalo, gasi va kodze gu tivisa iso si na gu gu dugelelago khu ngima ni ngima.

Jeremiya 50:35

Vakalidhiya va na sasedwa khu matshari, a ngu ganela Pfhumu Nungungulu, ni vatshavbo vavbanyi va Bhabhiloni, vathangeli ni vagengeli vawe.

Ezekiyeli 16:11

Nyi gu mburisede; nyi gu ambagisa maniya mawogoni gwago, ni gu gu ambagisa karara thamoni;

Dhaniyeli 1:20

Mahunguni gwatshavbo nya wugengeli ni guti, gu di manega avo na vari mbeli likhumi dzinyondro guvbindra dzinyanga ni valoli nya dzisolo dza tigoni gwaye gwatshavbo.

Dhaniyeli 1:4

Madzaha nyamba hasa, nya wumburi, va hevbudego, nya gugengele ni guti, na vari ni mapimo, na va vbelede gululama, na va hevbude ni tshivba, gasi guya vegwa nyumbani nya wufumu, va hevbudzwa milowo ni lidimi nya Vakalidhiya.

Dhaniyeli 2:2

Khu guralo, mufumeli a di rumela gu tombaniswa dzinyanga, valoli nya dzisolo, va nya sikwembu ni vagengeli nya Vakalidhiya, vata mbeli ga mufumeli gasi vata mu ninga tshamuselo nya esi a nga lorago,

Dhaniyeli 2:27

Dhaniyeli a di hakha, khuye: “Mwalo ni moyo mugengeli, va nya gulola dzisolo, ni avo vatigo dzinyeledzi mwendro dzinyanga, a dzi kodzago gu ninga tshamuselo nya ndroro ya mufumeli.”

Dhaniyeli 2:48

Khavbo avbo, mufumeli a di dandrisa Dhaniyeli, a mu ninga sihiwa nya singi, ni gu mu emisa gu khala mwamangulu nya gipandrengulu gya Bhabhiloni, gumogo ni gu khala muthangeli wa vagengeli vatshavbo va Bhabhiloni.

Dhaniyeli 2:6

Aholu mwa gu nyi ningani tshamuselo yaye, mu na hakhani khu mandzani gwangu siningwa nya lisima nya guzundzege; gasi olu, nyi embeleni ndroro yangu ni gu nyi ningani tshamuselo yaye.”

Dhaniyeli 4:14

Gulamula gogu, gu di tiviswa khu dzingilozi, nayo wu leletedwa khu va nya guaga. Gasi avo va vbanyago va dziti gukhavo uye a Khusegidego ngudzu a ngu fuma mifumo yatshavbo nya vathu ni gu ninga ni wevbini a mu golago ambari nari wa gu solega guvbindra vatshavbo, a ngu mu emisa vbakari gwawe.

Dhaniyeli 5:11

Womo mwama moyo vbakari nya mufumo wago a gu ni liphuvbo la vanungungulu va agidego; matshiguni ya babe wago, gu di manwa avbo gwaye wenengedzo, gupimisa ni wugengeli, nya gufanane ni wugengeli wa vanungungulu. Babe wago, mufumeli Nabhukodhonosori, a mu emiside gu khala muthangeli nya dzinyanga, nya va nya sikwembu, nya Vakalidhiya, ni va nya gulola dzisolo.

Dhaniyeli 5:15

Va ngari gu resa mbeli gwangu, vagengeli ni va nya sikwembu, gasi guta hevbula milowo ni gu nyi ninga tshamuselo waye, aholu ni moyo wawe kha dzi kodza gu nyi ninga tshamuselo nya magana yaya.

Dhaniyeli 5:16

Va nyi embede gukhavo uwe u nga dzi kodza gu nyi ninga tshamuselo ni gu dusa gukanakana. Gasi olu, wa gu kodza gu hevbula milowo yeyi, ni gu nyi ninga tshamuselo yaye, nyi na gu ambagisa dzingandzu nya siwunguwungu, thamoni gwago nyi gu ambagisa karara nya ndralama, ni gu khala gikhalo nya wuraru nya mufumo wangu.”

Dhaniyeli 5:29

Khavbo avbo, mufumeli Bhalitazari, a di ruma gukhuye va ambagise Dhaniyeli dzingandzu nya giwunguwungu, thamoni va mu ambagisa karara nya ndralama, va mu emisa khu gu ruma gwaye, gu khala vbagikhalotunu nya wuraru nya mufumo waye.

Mitengo 22:17

kholu nyi na gu fenengedza khu wudhumo nya wukhongolo ngudzu ni gu gira satshavbo esi u na nyi rumago. Khu guralo, nyi ngu gu lomba, delu u ta nyi yuyutelela vathu vava.”

Mitengo 22:7

Vasingalagadzi va Mowabhi ni vasingalagadzi va Madhiyani, va di hongola na va pharide tengo nya gulivbe wuprofeti waye. Avbo va nga vbohago vbafuvbi ni Bhalahama, va di ya mu embeledzela magana yatshavbo ya Bhalaki.

Mitengo 24:11

Gasi olu, bwelela gaya gwago. Eni nyi di gu tumbiside gukheni nyi na gu ninga wuzundzo nya wukhongolo; aholu Pfhumu Nungungulu a gu himbedzede gu mana wuzundzo wowo.”

1 Samuweli 17:25

Va na Israyeli va di ganela khu gyawe, khavo: “Mu mu wonide mwama wule, gani? Uye dzude guta vala Israyeli. Mufumeli a na ninga dzithomba nya dzingi ga wule a na gu mu palago. Gambe a na mu ninga nyamahegyane waye a khala mwangadzi waye ni gu tshipisa khupo ngamo ya babe waye tigoni ga Israyeli.”