Dhaniyeli 5:23 - Bhibhiliya Nya Guage

²³ U di bwelo khavbo u wugela Pfhumu ya ndzadzini. U di rumela guya dzega sombo sa nyumbani gwaye sita avbo gwago, ni ga dzindruna, vagadzi vago ni sibhayi sago mu ta sela khiso wadwa; gudiga nya isoso, u di bwelo khavbo u rungudza vanungungulu nya parata, nya ndralama, nya sugu, nya dzisimbi, nya misimbo ni siwindri, va si wonigo, nya mbapwa, ni gumbati. Aholu Nungungulu uye a pharidego womi wago, ni dzindzila dzago dzatshavbo, khu theli kota khuye gu mu dhumisa.

Dhaniyeli 5:23 Iomraidhean Croise

Genesi 14:19

a ta mu kategisa khu magana yaya, khuye: “Nungungulu a khusegidego ngudzu, muvangi nya ndzadzi ni mafu, a na kategise Abrama!

Genesi 2:7

Khu guralo, Pfhumu Nungungulu a di wumba muthu khu kudzudzwane nya mafu a gu mu furugedza dzithonvuni, a mu thela liphuvbo nya guvbanye. Muthu a di khala givangwa nya guvbanye.

2 Dzipfhumu 14:10

Olu u sasedego va na Edhomi, monyo wago wu tade khu matshandza; dzi zundze, aholu khala gaya gwago. Khu ginani u dzi bedzago mhangoni u na gu thegelago umo uwe gumogo ni va na Judha?”

Joba 12:10

Mandzani gwaye yomo mihefemulo nya sivangwa satshavbo si vbanyago, ni maphuvbo nya vathu vatshavbo.

Joba 31:4

Ina Uye Nungungulu kha khedzi dzindzila dzangu, ni gu sayela migondro yangu, gani?

Dzindzimo 104:29

Wa gu si sihela khovbe yago, iso sa gu vbela tshivba; wa gu si dzegela hefemulo, iso sa gufa, si bwelela si khala gambe kudzudzwane.

Dzindzimo 115:16

Ndzadzi ya gu lumba Pfhumu Nungungulu; aholu litigo a li ningede ga vathu.

Dzindzimo 139:3

U ngu nyi wona nya gu bani nyi gimbila ni gu bani nyi lade, u ngu dziti dzindzila dzangu dzatshavbo.

Dzindzimo 146:4

Wa gu vbindra hefemulo wawe, va gu wuya va khala kudzudzwane; ga ilo litshigu, ma gu hegisa guralo makungo yawe yatshavbo.

Mavingu 20:24

Pfhumu Nungungulu khuye a yeyedzago muthu ndzila nya gugimbile khiyo. A na dzi kodza kharini muthu guti ndzila yaye abune?

Isaya 13:11

Nyi na tsayisa litigo khu kotani nya guvivbe gwaye, ni va nya guvivba khu kotani nya gughohe gwawe, nyi fuvisa matshandza ya avo va dzi khusedzago, nyi thela dzitshoni avo va dzi gugumugisago ni va nya dzihanyi.

Isaya 14:13

Kholu u di gu ganela khu monyoni gwago, khuwe: Nyi na khugega nyiya kala ndzadzini, gikhalo gyangu nya wufumu nyi na gi khusedza vbatshani nya dzinyeledzi dza Nungungulu, nyi na khala gigomoni nya tshangano, khu phuvbo ga Wuronga.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 33:10

Pfhumu Nungungulu a ngu ganela kharati, khuye: “Olu, Eni kamwe nyi na khuga nyi ema; olu, va na nyi khusedza.

Isaya 37:19

va vbisedzede vanungungulu vawe, kholu khandri a diri vanungungulu, aholu a diri sifananiso, thumo nya mandza nya vathu, nya guvatwe khu misimbo ni siwindri; khu guralo va si khungumulede.

Isaya 37:23

Gasi khu mani u mu poyidego ni gu mu vala? Khu mani u mu khusedzedego lito ni maho yago nya gu dzi dandrise? U di girela Nyaguage wa Israyeli!

Isaya 42:5

Khiso a ganelago Nungungulu, Pfhumu Nungungulu a giridego ndzadzini a gu ladza, a wumbidego litigo, ni mihandro yatshavbo yi dugago khumo; uye a ningago guvbanya vathu va guromo umo, ni hefemulo ga vathu va khalago umomo.

Jeremiya 10:23

Uwe Pfhumu Nungungulu, eni nyi ngu dziti gukheni ndzila nya muthu yi mwalo tshivbani gwaye, gambe mwalo a kodzago gu lulamedza ndzila yaye.

Jeremiya 48:26

Mu leviseni, kholu a dzi khusedzide mbeli ga Pfhumu Nungungulu, Mowabhi, a na puluwundre magoseni gwaye, uye a na khala gilo nya gihegiso.

Jeremiya 50:28

Gu pwala malito nya avo va nga thava ni gu vbuluga khu tigoni ga Bhabhiloni gasi gu ya huwelela gigomoni gya Siyoni guphodza ga Pfhumu Nungungulu wathu, a dzi phodzela ga avo va vbisidego nyumba yaye.

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Ezekiyeli 28:17

Monyo wago wu khade matshandza khu kotani nya gumbure gwago, u dzudzuga guti gwago khu kotani nya gungangamele gwago, khu guralo, nyi gu dzudzugide mafuni, nyi gu gira gihegiso mbeli ga vafumeli, gasi va fela gu gu wona.

Ezekiyeli 28:2

“Mwamana wa muthu, embela mufumeli wa Tiro, khuwe: Mune Pfhumu Nungungulu, a ngu ganela kharati, khuye: Olu matshandza ma manidego wulanga monyoni gwago, u ganela, khuwe: Eni nyi Nungungulu nyi khadego vbagikhalotunu gya Nungungulu vbakari nya yiphwa, aholu u muthu basi khuri Nungungulu, ambari monyoni gwago u dzi vegago kha nga Nungungulu.

Ezekiyeli 28:5

khu kotani nya guandre nya guti gwago, omu nya wugwewo wago, u engedzede dzithomba dzago; gambe khu kotani nya idzo, u ngu dzi gugumugisa.

Ezekiyeli 31:10

Khu guralo, Pfhumu Nungungulu a ngu ganela kharati, khuye: Kha nga olu uwo wu nga lapha ngudzu, dzitshokha nya matamo yaye dzi kuha mapfhi, wu tala khu matshandza khu kotani nya wukhongolo waye,

Dhaniyeli 11:12

Avbo a na gu wonago gupala gogu, mufumeli wa Marandzi a na tala khu gutsaka ngudzu monyoni gwaye, aholu ambari a gu songa mazanazana nya vathu, kha na ngaya mbeli khu gu dugelela.

Dhaniyeli 8:11

Yi di dzi dandrisa kala yi dwana ni muthangeli nya sivangwa sa ndzadzini; yi mu dzegela phaso nya mhamba wu ningedwago khu litshigu ni litshigu ga muthangeli, gu pfhungumudwa wulanga nya miphaso wu dzudzugwa vbavbatshi.

Habhakuka 2:4

Lova, khuwe: “Muthu nya guvivbedwe khu monyo kha na vbanya; aholu uye nya gululame a khodwago ga Nungungulu a na vbanya.”

Mithumo 17:25

Gambe kha thumedwi khu mandza nya vathu nga khwatshi a gu keneledwa khu gilo, kholu khuye a ningago ga vatshavbo guvbanya ni guhefemula ni silo satshavbo.

1 Vakorinto 8:4

Gasi khu mahungu nya guhodze dzinyama nya guphasedwe sithombe nya vanungungulu nya malipha, hi ngu dziti gukhethu sithombe nya vanungungulu nya malipha khandri vanungungulu tigoni. Kholu mwalo mumbe Nungungulu vbavbandze ga Nungungulu wamoyo basi.

1 Thimoti 3:6

Kha gu vbwetegi oyu a gu muphya gukhodwani, a nga dzi khusedza a gu thega gighohoni gya Sathane.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Gutuledwa 9:20

Ambari ga sigaradzo satshavbo sesi, vale va nga vbulugago, kha va dzi kodza gu vbindrugedza mavbanyelo, va nyenya sithombe nya guwumbwe khu mandza yawe, kha va diga gu khozela sikwembu ni sithombe nya guwumbwe khu ndralama, khu parata, mwendro khu sugu ni misimbo. Va rana vanungungulu sithombe nyamba wona, nyamba pwa, nyamba gimbila.

Valamuli 16:23

Va di tombana vathangeli nya Vafilisitiya, va gira buzo nya guningele mhamba ga nungungulu wawe Dhagoni, kholu va di gukhavo: “Nungungulu wathu a hi ningide mandzani gwathu nala wathu Samisoni.”

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”

1 Samuweli 17:36

Eni githumi gyago nyi kodzago gu songa nghala ambari gikankanka; Mufilisitiya yoyo nyamba hana wugwera a na fanana ni gimwegyo nya iso, kholu a gu khuthedzela masotshwa ya Nungungulu a vbanyago.