Dhaniyeli 5:16 - Bhibhiliya Nya Guage

¹⁶ Va nyi embede gukhavo uwe u nga dzi kodza gu nyi ninga tshamuselo ni gu dusa gukanakana. Gasi olu, wa gu kodza gu hevbula milowo yeyi, ni gu nyi ninga tshamuselo yaye, nyi na gu ambagisa dzingandzu nya siwunguwungu, thamoni gwago nyi gu ambagisa karara nya ndralama, ni gu khala gikhalo nya wuraru nya mufumo wangu.”

Dhaniyeli 5:16 Iomraidhean Croise

Genesi 40:8

Avo va di hakha, khavo: “Hi di lora, aholu mwalo a dzi kodzago gu hi ninga tshamuselo nya dzindroro.” Josefa a di va embela, khuye: “Ina gutshamusela dzindroro khandri thumo wu lumbago Nungungulu, gani? Nyi ngu mi lomba mu nyi embelani ndroro yakone.”

Genesi 41:15

Faro a di embela Josefe, khuye: “Nyi loride ndroro nya gu, mwalo a dzi kodzago gu nyi ninga tshamuselo. Aholu nyi pwide gupwani uwe u ngu kodza gutshamusela dzindroro.”

Genesi 41:42

Khavbo avbo, Faro a di tshula phera ya nyalani gwaye a yi ambagisa nyalani ga Josefa, a ruma gukhuye va mu ambagise dzingandzu nya wuzundzo, a mu ambagisa thamoni karara nya ndralama.

Dhaniyeli 2:48

Khavbo avbo, mufumeli a di dandrisa Dhaniyeli, a mu ninga sihiwa nya singi, ni gu mu emisa gu khala mwamangulu nya gipandrengulu gya Bhabhiloni, gumogo ni gu khala muthangeli wa vagengeli vatshavbo va Bhabhiloni.

Dhaniyeli 2:6

Aholu mwa gu nyi ningani tshamuselo yaye, mu na hakhani khu mandzani gwangu siningwa nya lisima nya guzundzege; gasi olu, nyi embeleni ndroro yangu ni gu nyi ningani tshamuselo yaye.”

Dhaniyeli 5:29

Khavbo avbo, mufumeli Bhalitazari, a di ruma gukhuye va ambagise Dhaniyeli dzingandzu nya giwunguwungu, thamoni va mu ambagisa karara nya ndralama, va mu emisa khu gu ruma gwaye, gu khala vbagikhalotunu nya wuraru nya mufumo waye.

Dhaniyeli 5:7

Mufumeli a di vbisega a rumela gu raniswa dzinyanga, ni vagengeli, ni Vakalidhiya, ni va nya sikwembu; ata embela vagengeli vava va Bhabhiloni, khuye: “Uye a na gu hevbulago milowo yeyi bwelo khavbo a nyi ninga tshamuselo yaye, nyi na mu ambagisa dzingandzu nya siwunguwungu, bwelo khavbo nyi mu ambagisa karara nya ndralama thamoni gwaye, nyi na mu emisa a khala vbagikalotunu nya wuraru nya mufumo wangu.”

Dhaniyeli 6:2

A vega vamwamangulu vararu, avbo moyo wakone a nga bani nari Dhaniyeli, vathangeli vava, va diri ni thumo nya guwonelele gasi mufumeli a si luzekedwi khu gilo.

Mithumo 8:18

Simoni, na wonide nya gukhuye Liphuvbo nya Guage la gu hakhwa gikhati Vapostoli handzegago mandza vathu, a di va ninga dzitsapawu, na gukhuye: