Dhaniyeli 4:29 - Bhibhiliya Nya Guage

²⁹ Uwe u na lundrwa vbakari nya vathu, u ya vbanya gumogo ni sirengo sa khabini, u na hodza mwasi nga sirengo sa khabini gipimo nya livbandre na sivili sikhati, kala u pima nya gukhuwe uye a Khusegidego ngudzu, a ngu fuma mifumo nya vathu ni gu wu dzega a ningela uye a mu golago.

Dhaniyeli 4:29 Iomraidhean Croise

Genesi 6:3

Pfhumu Nungungulu a di ganela, khuye: “Liphuvbo langu kha li na simama gu khala kala gupindruga ga vathu. Uye nyama, a na ni tumbunugo nya gufe, guvbanya gwaye kha gu na lapha guvbindra lizana ni magumavili myaga.”

Muhevbudzi 8:11

Kholu gulamudwa ga va nya guvivba kha gu vbiredzi gu vboha, khu kharalo, myonyo ya vathu ya gu dogorela silo nyamba sadi.

Dhaniyeli 4:14

Gulamula gogu, gu di tiviswa khu dzingilozi, nayo wu leletedwa khu va nya guaga. Gasi avo va vbanyago va dziti gukhavo uye a Khusegidego ngudzu a ngu fuma mifumo yatshavbo nya vathu ni gu ninga ni wevbini a mu golago ambari nari wa gu solega guvbindra vatshavbo, a ngu mu emisa vbakari gwawe.

Dhaniyeli 4:22

Uwe u na lundrwa vbakari nya vathu, uya vbanya vbakari nya sirengo sa khabini, u hodza mwasi nga dzimombe, u wedwa khu hunguva ya ndzadzini. Gu na vbindra livbandre na sivili sikhati, kala u dziti nya gukhuwe uye a Khusegidego ngudzu, a ngu fuma vbakari nya mifumo nya vathu, ni gu dzega wufumu a ninga uye a mu golago.

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

1 Pedro 3:20

Maphuvbo ya vale va ngamba yingela Nungungulu, gikhati uye a nga virela khu gutimisela, matshigu yale Nowa a nga bani a gu gira litaro. Avo nya vadugwana, nya livbandre na vararu vathu, va nga bani varomo litaroni, khavo va nga vbuluga gufa khu talo nya mati.

2 Pedro 3:15

Dzitini gukhenu gutimisela ga Pfhumu yathu, a gu girede gu hi vbanyisa. Ndriyathu Pawulo, khu wugengeli a ningidwego khu Nungungulu, a mi lovedeni khu mahungu yaya.

Gutuledwa 2:21

Eni nyi mu ningide gikhati nya gu vbindrugedze, aholu, uye kha dzini gu vbindrugedza mavbanyelo a diga wuphuphulu waye.