Dhaniyeli 4:28 - Bhibhiliya Nya Guage

²⁸ Avbo mufumeli a nga bani nasi vbedzi gu ganela, gu di pwala lito khu ndzadzini, khilo: Mufumeli Nabhukodhonosori, mufumo wago wu dusidwe.

Dhaniyeli 4:28 Iomraidhean Croise

Mavingu 10:24

Muthu nya guvivbedwe khu monyo a na thegela ga igyo a gi thavago, aholu muthu nya gululame, Nungungulu a na mu ninga iso a si vbwetago.

Dhaniyeli 5:20

Aholu avbo a nga phela gu dzi dandrisa, a di bangisa hungo waye wu tala khu matshandza, a di duswa vbagikhalotunu gwaye nya wufumu, a dzegedwa wudhumo waye.

Zakariya 1:6

Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Matewu 24:35

Yi na vbindra ndzadzi ni mafu, aholu mahungu yangu gima kha ma na vbindra.