Dhaniyeli 4:27 - Bhibhiliya Nya Guage

²⁷ mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Dhaniyeli 4:27 Iomraidhean Croise

Genesi 11:4

Khu hwane nya ugo va di khavo: “Olu hongoleni hi vbahe lidhoropa ni langwe nya yikhongolo nya gulaphe ngudzu yi manela ndzadzini, kholu gu vbwetega hi pwala ndruma, gasi hi si phalalegiswi ni litigo latshavbo.”

1 Dzipfhumu 21:29

“U wonide idzo Akabi a dzi thesidego khidzo mbeli gwangu, gani? Kha nga olu a giridego kharati, kha nyi na mu tsayisa matshiguni nya guvbanye gwaye, aholu matshiguni ya mwanaye, nyi na resa tsayiso nyumbani gwaye.”

Dzindzimo 119:46

Nyi na huwelela gambe sileletelo sago mbeli ga vafumeli, gima kha nyi na khala dzitshoni.

Mavingu 11:2

Avbo gu guromo matshandza, dzomo gambe dzitshoni, aholu ga avo va dzi nogisago, gomo guti.

Mavingu 16:6

Muthu a gu ni wuhindzi ni gutumbega, a na handzwa sighoho saye, avo va ningago githawo Pfhumu Nungungulu, va na duga ndzilani nya guvivbe.

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Isaya 10:13

“kholu mufumeli a di ganela, khuye: Nyi giride isoso khu tshivba nya mandza yangu, ni wugengeli wangu, kholu nyi na ni mapimo. Nyi dusede mivbingano nya mayigo, bwelo khavbo nyi wandra dzithomba dzawe, nyi theside vatshavbo va nga bani va khala sikhaloni nya wufumu, khu wurena wangu.

Isaya 47:10

Kholu u di tumba wuvivbi wago, u ganela, khuwe: “Mwalo a nyi wonago!” Wugengeli ni guti gwago, khiso si na gu dzimedzago, kholu u di ganela khu monyoni gwago, khuwe: “Eni kheni, vbavbandze gwangu, mwalo mumbe muthu.

Isaya 47:8

Gasi olu, yingisa esi, uwe u golago gu dzi tsakisa, uwe u dzi pwago na wu khalegide; uwe u alakanyago khu monyoni gwago, khuwe: “Eni kheni nyenga, mwalo mumbe. Gima kha nyi na khala noni ambari gu fedwa khu sanana sangu.”

Jeremiya 29:7

Lidhoropa nyi mi yisidego umo kha nga dzikhumbi li suveleni makategwa, lombelelani khu ilo ga Pfhumu Nungungulu, kholu la gu katega, enu nenu mu na katega.

Jeremiya 38:20

Jeremiya a di hakha, khuye: Khu na ningedwa mandzani ga vathu vovo; yingisa magana ya Pfhumu Nungungulu nyi gu embedego; gimwalo gi na gu gu dugelelago ni gu gambe, u na vbanyisa womi wago.

Ezekiyeli 18:7

Kha tshanisi muthu, gambe a gu bweledza iso a dzegidego khu gu fiyari, khabi savane, gambe a gu ninga guhodza vandzale, a ninga guambala vale va gu ni wuhagadzo.

Ezekiyeli 29:3

U va embela, khuwe: Mune Pfhumu Nungungulu, a ngu ganela kharati, khuye: “Nyi na gu wugela uwe Faro, mufumeli wa Egipito, uwe ngona nya yikhongolo, u ladego vbakari nya mitsongo yago, na wu gu ganela, khuwe: Tsongo wa Nilo khwangu; kheni nyi wu giridego gasi wu khale wangu kamwe.”

Ezekiyeli 29:9

Litigo la Egipito li na khungumudwa li khala giwula; khavbo va na dzitigo gukhavo Eni kheni Pfhumu Nungungulu.

Joyele 2:14

A gu dzina saye a na bwelela hwane a dzi laya, a mu ninga makategwa, a mu ninga wuguvbi ni miningelo nya vhinya nya guphasele khiso Pfhumu Nungungulu wanu.

Amosi 6:13

Enu mu tsakelago iso nyamba phasa gilo, mu ganela, khenu: Ina khandri tshivba yathu hi nga pala khiyo, gani?

Jona 3:9

A gu dzina saye Nungungulu a na dzi laya a bosa giviti nya likhulo laye, gasi hi si mbembi.”

Habhakuka 1:11

Avo va na vbindra va ya mbeli nga phuvbo, va va gandra, va rwega vathu milandru, kholu nungungulu wawe, khu tshivba yawe.

Sofoniya 2:15

Khidzo kharati lidhoropa nya matshandza li nga bani li gu vbanya gukhadzisegani li dzi khusedza khu monyoni gwaye, khilo: “Kheni nyenga, mwalo mumbe nya gufanane ni eni.” Olu li vbindrugedzide kharini li khala marumbi, li khala liphala nya sirengo nya likhabi, muthu watshavbo a vbindrago khu vbafuvbi, a na li hega a womba ndrodzi, a ninginingisa hungo.

Matewu 3:8

Wonegisani mihandro yi yeyedzago gu vbindrugedza gwanu.

Luka 11:41

Phelani khu gu ningela sisiwana iso mu gu naso, khavbo satshavbo si na mi dugela gwadi.

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Mithumo 8:22

Dzi laye u vbindrugedze guvivbani gwago u lombe ga Pfhumu mwendro a na gu divalela mahingigedzo nya monyo wago,

2 Vakorinto 5:11

Olu hi gutigo gu thavisega ga Pfhumu, hi ngu dzi garadza khu gu embela lisine vathu. Nungungulu a ngu hiti gwadi, nyi ngu tumba nya gukheni enu nenu mu ngu hitini khu myonyoni gwanu.

Vagalatiya 5:13

Gasi enu vandruye, mu ranedwe guvbanya na mu tshulegide. Aholu mu nga dzegi gutshulega gwanu mu gu gira ndzila nya gutsakise gunavela nya tumbunugo nya wuthu; thumelanani khu lihaladzo.

Vagalatiya 5:22

Gasi mithumo ya Liphuvbo la Nungungulu, kheyi: Lihaladzo, litsako, gurula, gutimisela, gu dzi ningedzela, ndruda, wuwadi, gutumbega,

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

Vaefeso 4:28

Oyu a nga bani a guba, a ngabi gambe, a na thume afela guvbanya khu mihandro nya lithonga laye, ni gu mana esi nya guphasedzele khiso sisiwana.

Dhewuteronome 24:13

gupfolani nya lidambo u fanede gu mu bweledzela, gasi gulala a wu fenengela, gambe u mu lombelela makategwa, khu kotani nya isoso, u na bani u giride gululama mbeli ga Pfhumu Nungungulu wago.

Dhewuteronome 32:27

Nasiri ga olu nyi thavago matshandza ya valala vawe, va nga hadza gu dzi zundza, va ghiya, va ganela, khavo: Mandza yathu ma khusegide, ma va pade, khandri Pfhumu Nungungulu a giridego satshavbo sesi.

Dhewuteronome 8:17

Khu guralo, u nga ganeli khu monyoni gwago, khuwe: Dzithomba dzedzi dzatshavbo nyi dzi mane khu tshivba yangu ni thumo nya mandza yangu.

1 Pedro 4:8

Aholu ga silo satshavbo, haladzanani khu gyanu nyamba pfhadzedzela, kholu, lihaladzo li ngu dzi kodza gu tsetselela sighoho nya singi.