Dhaniyeli 4:18 - Bhibhiliya Nya Guage

¹⁸ na wuri ni mahagane nya wumburi, ni mihandro nya yingi, na wuri ni guhodza nya gu enedze vathu vatshavbo, sirengo sa khabini si nga bani si zumba mutsani gwaye, sinyoni sa damboni si vbaha sihaga matamoni gwaye,

Dhaniyeli 4:18 Iomraidhean Croise

Genesi 40:12

Josefa a di mu hakha, khuye: “Upwa tshamuselo, khowu: Matamo mararu gu tshamusela matshigu mararu.

Genesi 41:15

Faro a di embela Josefe, khuye: “Nyi loride ndroro nya gu, mwalo a dzi kodzago gu nyi ninga tshamuselo. Aholu nyi pwide gupwani uwe u ngu kodza gutshamusela dzindroro.”

Genesi 41:8

Ni dzimindru, na gu garadzega hefemuloni gwaye, Faro a di ruma gu ranisa dzinyanga dzatshavbo, ni vanyaguti vatshavbo va Egipito a ta va embeledzela dzindroro. Aholu mwalo a nga dzi kodzago gu mu ninga tshamuselo.

Isaya 19:3

Hefemulo wa Vagipiti wu na titivala ndrani gwawe, nyi na phalalegisa makungo yawe, va na ya wudzisa wusingalagadzi ga sifananiso sawe, ni ga vale va khozelago va nya gufa ni valoli nya dzisolo.

Dhaniyeli 1:20

Mahunguni gwatshavbo nya wugengeli ni guti, gu di manega avo na vari mbeli likhumi dzinyondro guvbindra dzinyanga ni valoli nya dzisolo dza tigoni gwaye gwatshavbo.

Dhaniyeli 2:38

Malangani yatshavbo a gu ningide vathu, sirengo sa khabini ni sinyoni sa damboni, a si ningede mandzani gwago, gasi satshavbo si fumwa khuwe, hungo nya ndralama khuwe.

Dhaniyeli 2:7

Va di engedza va mu hakha, khavo: “Mufumeli, embela ndroro yago sithumi sago, ethu hi na gu ninga tshamuselo yaye.”

Dhaniyeli 5:15

Va ngari gu resa mbeli gwangu, vagengeli ni va nya sikwembu, gasi guta hevbula milowo ni gu nyi ninga tshamuselo waye, aholu ni moyo wawe kha dzi kodza gu nyi ninga tshamuselo nya magana yaya.

Dhaniyeli 5:8

Khavbo avbo, gu dita vagengeli vatshavbo va mufumeli; aholu avo kha va nga ta kodza gu hevbula milowo yi nga bani yi lovidwe, ambari gu ninga tshamuselo wawaye ga mufumeli.

Amosi 3:7

Khu lisine, Pfhumu Nungungulu, kha na gira gilo nyamba phela khu gu ninga giwoniso ga sithumi saye, a gu vaprofeti.