Dhaniyeli 4:16 - Bhibhiliya Nya Guage

¹⁶ Khavbo avbo, Dhaniyeli, a nga bani na gu ranwa khu lina la Bhalitazari, a di huye kape gikhati nya gulaphe, na gu thava khu maalakanyoni gwaye. Khavbo avbo, mufumeli a di mu embela, khuye: “Bhalitazari, u nga thurugiswi khu kotani nya ndroro ni tshamuselo yaye.” Bhalitazari a di mu hakha, khuye: Mune wangu, ndroro yeyi yi na thonone avo va gu zondrago, ni tshamuselo waye wu na thonone valala vago!

Dhaniyeli 4:16 Iomraidhean Croise

2 Samuweli 18:32

Khavbo avbo, mufumeli, a di wudzisa Muetiyopi, khuye: “Lidzaha Abhisalamo li ngari ladi, gani?” Muetiyopi a di hakha, khuye: “Valala va mufumeli, mune wangu, ni vatshavbo vale va gu wugelago, va na godze lidzaha lolo.”

Isaya 6:10

Bangisa myonyo ya vathu vava, u va sega dzindzeve ni maho yawe, gasi va sipwi khu dzindzeve dzawe, va si woni khu maho yawe, va si pimisi khu monyo wawe, gasi va vbindrugedza mavbanyelo nyi va vbanyisa.

Dhaniyeli 11:13

Kholu, mufumeli wa Wuronga a na wuya ni gikwata nya gingi nya masotshwa guvbindra igyo nya guhegule, hwane nya myaga nya gukari, a na wuya nari ni gidzemo nya gingi nya masotshwa ma somidego gwadi, ata va sasela.

Dhaniyeli 12:7

Mwama wule a nga bani na ambade dzingandzu nya seda na khade vbatshani nya mati nya tsongo, avbo a nga khusedzago mandza yaye ya nyamudye ni nyambade nyi di mupwa na gu sambanya khu wule a vbanyago kala gupindruga, khuye. “Si na dzega myaga miraru ni gipandre. Avbo va na gu vbedzago gu tshanisa ni gu mbembisa vathu nya guage, silo sesi satshavbo, si na tadzisega.

Dhaniyeli 4:23

Sileletelo nya gudige tshina nya simbo ni mikhamba yaye, mufumo wago u na bweledzedwa khu hwane nya gu bani na wu gu dzitide nya gukhuwe uye a guromo vbatshani ngudzu, a ngu fuma.

Dhaniyeli 4:25

Silo sesi satshavbo si dugelede ga mufumeli Nabhukodhonosori.

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Dhaniyeli 7:28

Gi di vbela avba giwoniso gyangu. Eni Dhaniyeli, nyi di vbisega ngudzu mapimoni gwangu gu vbindrugedza ni khovbe yangu, aholu silo sesi, si di khala monyoni gwangu, nyamba embela muthu.

Vahebheru 1:11

aholu sigiro satshavbo nya mandza yago si na vbela, gasi uwe u na simama kala gupindruga; si na kuwuluga kha nga guambala.

Gutuledwa 12:14

Aholu, nyamayi a di ningwa mambapi mavili nya lighama nya likhongolo, gasi a kodze gu vbuvba a thavela giwulani avbo a nga bani a dongisedwe gu ya sayiswa avbo gipimo nya myaga miraru ni gipandre nari hwindzo ni hwindzo ni mamba.