Dhaniyeli 3:4 - Bhibhiliya Nya Guage

⁴ Khavbo avbo, mutivisi nya mahungu nya litigo a di khusa lito a laledza, khuye: “Enu vathu nya mafumbu yatshavbo, mayigo ni vathu mu ganelago malimi nya guhambanelane, nyi ngu mi embelani, kheni:

Dhaniyeli 3:4 Iomraidhean Croise

Isaya 40:9

Uwe u reselago Siyoni mahungu nya yadi nya maphya, lita gigomoni nya gulaphe. Khusedza lito khu tshivba, uwe u reselago Jerusalema, mahungu nya yadi, u nga thavi, embela madhoropa ya Judha, khuwe: “Wonani, khuye oyu Nungungulu wanu.”

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Dhaniyeli 3:10

Uwe mufumeli u emiside nayo, u leletela gukhuwe watshavbo wule a na pwago gudzuma nya pundru, sengele, gitendre, tsholi, hwambi, ni satshavbo siwombawomba nya wutsendze, a ngu yela gu thega vbavbatshi a khozela gifananiso nya ndralama,

Dhaniyeli 3:3

Khu guralo, gu di tombana manganagana, dzindruna, vathangeli, valamuli, vaphari nya gyuma, vasingalagadzi, vathangeli nya dzinyimbi ni vamwamangulu vatshavbo nya sipandrengulu, gasi guta khangula gifananiso egi mufumeli Nabhukodhonosori a nga gi emisago, vatshavbo va di emide mbeli nya gifananiso gi nga emiswago khu mufumeli.

Dhaniyeli 3:7

Khavbo avbo, vathu vatshavbo gikhati va ngapwa gudzuma nya pundru, ni gitendre, ni hwambi, ni tsholi ni satshavbo si ningago wutsendze, mayigo yatshavbo, mafumbu, malimi, va di thega vbavbatshi va khidzimela gifananiso nya ndralama gi nga emiswago khu mufumeli Nabhukodhonosori.

Dhaniyeli 4:1

Eni mufumeli Nabhukodhonosori, na nyiri nyumbani gwangu nya wufumu ya gitezi, na nyi khade nyi tangala.

Dhaniyeli 4:14

Gulamula gogu, gu di tiviswa khu dzingilozi, nayo wu leletedwa khu va nya guaga. Gasi avo va vbanyago va dziti gukhavo uye a Khusegidego ngudzu a ngu fuma mifumo yatshavbo nya vathu ni gu ninga ni wevbini a mu golago ambari nari wa gu solega guvbindra vatshavbo, a ngu mu emisa vbakari gwawe.

Dhaniyeli 6:25

Khavbo avbo, mufumeli Dhariyo a di lovela mayigo yatshavbo, mafumbu ni malimi yatshavbo nya guhambanelane ma manegago mafuni gwatshavbo, khuye: “Gurula gu na khale vbakari gwanu gikhati gyatshavbo!”

Hoseya 5:11

Efrayimi, tshanisidwe a gamwa khu gulamudwa, kholu a di gola gu landrisela sifananiso nyamba phasa gilo.

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.