Dhaniyeli 3:28 - Bhibhiliya Nya Guage

²⁸ U lamude khu gululama ga satshavbo U hi giredego, ni ga satshavbo U giredego lidhoropa nya guage la vababe vathu, Jerusalema; si di girwa khu gulamula gwago nya gululame, gu kala u hi ninga tsayiso yatshavbo yeyi, kotani nya sighoho sathu.

Dhaniyeli 3:28 Iomraidhean Croise

Genesi 9:26

A gu engedza gambe, khuye: “A na rungudzwe Pfhumu Nungungulu wangu, a kategisa Semi, gasi Khanani a na khale khumbi yaye.

1 Dzikoronika 5:20

Avo va di phasedzedwa gu dwana navo khu Pfhumu Nungungulu a nga ningelago va na Hagari va thega mandzani gwawe gumogo ni vaphasedzeli vawe; kholu vbakari nya litunga, avo va di rana Pfhumu Nungungulu, uye a di va yingisa, kholu avo va di vegide gitumbo avbo gwaye.

2 Dzikoronika 20:20

Khu litshigu li landrelago, na gu ngari dzimindru, va di khuga va bela khu giwulani gya Tekowa. Na va nga gu khuga, Josafati a di ema, khuye: Nyi yingiseni enu va na Judha ni enu mu vbahidego Jerusalema! Khodwani ga Pfhumu Nungungulu wanu, mu na bani mu tiyide; khodwani ga vaprofeti vaye, mu na dugelela.

2 Dzikoronika 32:21

Khavbo avbo, Pfhumu Nungungulu a di rumela ngilozi yi ta sasela vama vatshavbo nya dzindrena, manganagana, vathangeli, lizumboni la mufumeli wa Asiriya. Khavbo avbo, uye a di bwelela tigoni gwaye khovbe yaye na yi tade khu dzitshoni; avbo a nga bani na gu bela nyumbani ga vanungungulu vaye, sanana nya gudugele mahembeni gwaye, si di dzegela gu mu songa khu litshari vbamwanyatunu.

Ezira 1:3

Ni wevbini a lumbago vathu vaye, na gu vbanya vbakari gwanu, a na gwele gumogo ni vathu vaye a ya tigoni ga Judha aya vbaha Nyumba ya Pfhumu Nungungulu wa Israyeli, Nungungulu a vbanyago Jerusalema.

Ezira 6:11

Eni nyi ngu leletela gambe gukheni: Muthu watshavbo wule a na ndragago sileletelo sesi, wu na sigudwa simbo wa nyumbani gwaye wu ta tsitswa gasi a vbahedwe avbovbo ni ndranga yaye yi na vbindrugedzwa yi khala litala.

Dzindzimo 103:20

Bongani Pfhumu Nungungulu enu dzingilozi dzaye, enu mu gu na ni tshivba mu landrisago milayo yaye ni gu yingisa magana yaye.

Dzindzimo 147:11

Pfhumu Nungungulu a gu tsakiswa khu vale va gu ni githawo gwaye, ni vale va tumbago wuhindzi waye.

Dzindzimo 33:18

Maho ya Pfhumu Nungungulu, ma gu khedza vale va mu ningago githawo, ni ga vale va tumbago wuhindzi waye,

Dzindzimo 33:21

Khuye a gu gunengela gwathu, kholu hi ngu tumba lina laye nya gukatege.

Dzindzimo 34:22

Pfhumu Nungungulu a ngu dzegisa mihefemulo ya sithumi saye, ni vale va tumbago uye, gima kha va na tsayiswa.

Dzindzimo 62:8

Enu vathu tumbani Nungungulu gikhati gyatshavbo; mu embeledzeleni mabala ya monyoni gwangu, kholu, uye khuye wuthavelo wathu.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 37:36

Khavbo avbo, Ngilozi ya Pfhumu Nungungulu yi diya sasela lizumbo la Vaasiriya, yi songa lizana ni livbandre na mararu magumi ni livbandre magumi (185000) mazana vathu; avbo vambe va nga wugago ni dzimindru, va dita va mana nari sirumbi.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 3:25

Azariya na emide vbakari nya malavbelavbe nya nilo, a di gira nombelo yoyu, khuye:

Dhaniyeli 4:34

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Dhaniyeli 6:16

Khavbo avbo, mufumeli a di ruma gukhuye va resa Dhaniyeli, va mu rinya phalani nya dzinghala. Mufumeli, a di embela Dhaniyeli, khuye: “Nungungulu wago u mu thumelago gikhati gyatshavbo, a na gu vbulugise.”

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Matewu 4:10

Khavbo avbo, Jesu a di mu hakha, khuye: “Suka, Sathane, kholu gu lovidwe, gupwani: U na khozela Pfhumu Nungungulu wago; khuye basi u na gu mu thumelago.”

Mithumo 4:19

Pedro ni Johane va di va hakha, khavo: “Lamulani enu vamune, mwendro gululamile mahoni ga Nungungulu gu ethu hi yingisa enu vathu guvbindra Nungungulu.

Mithumo 5:19

Aholu ngilozi ya Nungungulu yi dita ni wutshigu yita tula malimba nya lipaso, yi gu duga navo vbavbandze, yi va embela, khiyo:

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

1 Vakorinto 13:3

Ambari nya gu ninga sisiwana silo sangu satshavbo, nyi wuya nyi ningela ni givili gyangu gi vbiswa, aholu na nyiri mwalo lihaladzo, kha nyi phasi gilo.

Vafilipi 1:20

Egi nyi lilago wutshigu ni mihani, na nyi gu tumba khu monyo wangu watshavbo, khu gukheni nyi si khali dzitshoni. Gani olu, muhuno kha nga gikhati gyatshavbo, Kristo a na dhumiswa givilini gwangu, khu guvbanya ambari khu gufa gwangu.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Vahebheru 11:37

Va di pfarwa khu siwindri, vambe va pidwa khu vbakari, vambe va songwa khu matshari. Va di legalega na va ambade malowo nya dzinvuta ni dziphongo. Va diri sisiwana, va saniswa ni gu poyidwa.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.

Gutuledwa 12:11

Vandriyathu va mu pade khu tshivba nya novba wa Nvutana ni wufakazi wawe nya gutimisele; kholu kha va felela guvbanya gwawe, kala va gu dzumela gufa.