Dhaniyeli 3:26 - Bhibhiliya Nya Guage

²⁶ “U na rungudzwe ni gu dhumiswa Uwe Pfhumu Nungungulu wa vababe vathu! Lina Lago li na khusedzwe ndrani nya mazanazana nya myaga!

Dhaniyeli 3:26 Iomraidhean Croise

Genesi 14:18

A nuye Melikisedheki, mufumeli wa Salema, a nga bani nari muphasi nya mhamba ya Nungungulu nya gukhugege ngudzu, a dita nuye na pharide gibaba ni vbinyu,

1 Dzipfhumu 8:51

Kholu Israyeli vathu vago ni thomba yago, u va dusidego khu tigoni ga Egipito, vbakari nya nilo nya gunyiviligise simbi.

Ezira 5:11

Va di hi ninga phindrulo, khavo: Ethu hi sithumi sa Nungungulu wa ndzadzini ni mafuni, aholu ha gu vbahedza nyumba yi vbahidwego hwane nya myaga nya yingi, kholu yi vbahidwe ni gu tiyiswa khu mufumeli nya khongolo wa na Israyeli.

Dzindzimo 66:12

u hi ningede hi gandredzedwa khu valala vathu; u hi vbindrisa khu niloni ni matini, olu, khu guhegisa u hi duside, u hi vbohisa tigoni nya ladi, nya gukhadzisege.

Isaya 28:16

Khu guralo, Mune Pfhumu Nungungulu a ngu ganela kharati, khuye: Wonani nyi vegide Siyoni giwindri nya giseketelo gi tiyidego, a gu giwindri nya gutiye ni wumburi, uye a khodwago gwaye, gima kha na khala hwanga.

Isaya 52:12

Kholu kha mu na duga khu givbiredza, ambari gu khugani khu gu thava; kholu Pfhumu Nungungulu a na thanga mbeli gwanu, ni Nungungulu wa Israyeli, a na mi vhikela khu hwane gwanu.

Jeremiya 11:4

nyi ningidego vababe vanu gikhati nyi va dusidego khu tigoni ga Egipito, gidhingiseloni nya dzisimbi, nyi nga va embela, kheni: Yingisani lito langu ni gu gira satshavbo nyi mi rumago; khu guralo, enu mu na bani muri vathu vangu, eni neni nyi na khala nyiri Nungungulu wanu;

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 3:17

Sa gu girega kharato, Nungungulu wathu hi mu khozelago, khuye a yelago gu hi vbulugisa mandzani gwago uwe mufumeli, ni gu hi dusa khu niloni gidhingiseloni nya gudzure.

Dhaniyeli 4:2

Na nyiri ligovbeni, nyi lora ndroro yi nga nyi thavisago, hungo wangu wu di hambanega mapimo khu kotani nya siwoniso nyi nga si wonago.

Dhaniyeli 6:20

Avbo a nga vbohago vbaphalatunu, a di rana Dhaniyeli khu lito nya wuvi. Mufumeli a di rana Dhaniyeli, khuye: “Dhaniyeli! Githumi gya Nungungulu a vbanyago! Ina Nungungulu u mu thumelago gikhati gyatshavbo a gu vbulugiside ga dzinghala, gani?”

Dhaniyeli 6:21

Dhaniyeli a di embela mufumeli, khuye: “Uwe mufumeli, vbanya kala gupindruga!

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Mithumo 16:17

A di phela gulandrisela Pawulo ni ethu, na gu huwelela, khuye: “Vathu vava sithumi sa Nungungulu a guromo vbatshani ngudzu, va gu mi tivisa ndzila nya guvbanyise.”

Mithumo 16:37

Pawulo a di embela dzindruna, khuye: “Va hi kwamude vbakari nya vathu, nyamba hi lamula, va hi thela pasoni, ethu hi gu sivelegwa sa Varoma. Olu va guvbweta gu hi dusa khu gisihaledza! Ahihi! Kha si giregi isoso, va nate avo wurumba wawe va ta hi tshula.”

Mithumo 27:23

Kholu ni wutshigu wowu nyi di tedwa khu ngilozi ya Nungungulu wangu nyi mu khozelago yita dzi wonegisa gwangu,

Vagalatiya 1:10

Ina nya gu gola ngudzu gu zundzwa khu vathu guvbindra gu zundzwa khu Nungungulu, gani? Mwa gu alakanya gukhenu nya gudwanela gu tsakisa vathu, gani? Nari gu khwatshi khiso nyi si dwanelago, na nyi siri githumi gya Kristo.

Dhewuteronome 4:20

Aholu Pfhumu Nungungulu a mi dzegide a mi dusa niloni nya guvbise wa Egipito, uwo wu nyiviligisago ni simbi gasi mu khala vathu nya thomba yaye, kha nga mu si wonago kala na muhuno.

Josuwa 3:17

Aholu, vaphasi nya mhamba va nga bani va rwade Ngasa nya Gidzumeledzwano gya Pfhumu Nungungulu, va di ema havo hwe vbakari nya tsongo wa Joridhani, va na Israyeli vatshavbo va di vbindra khu mawundru nyamba na gana migondro, va tshatuga tsongo wa Joridhani.

Josuwa 4:10

Vaphasi nya mhamba va nga rwalago Ngasa nya Gidzumeledzwano va di simama va ema vbakari nya tsongo wa Joridhani kala gutadzisega esi Pfhumu Nungungulu a nga bani a rumide Josuwa gu embela vathu, mayelano khu sileletelo a nga ningago Mosi. Vathu va di tshatuga tsongo wa Joridhani khu guvbiredza.

Gutuledwa 19:5

Khu vbagikhalotunu nya mufumo gu di duga lito, khilo: “Rungudzani Nungungulu wathu, enu mwatshavbo sithumi saye, enu mu gu ni githawo gwaye, nya vadugwana ni vakhongolo.”