Dhaniyeli 3:1 - Bhibhiliya Nya Guage

¹ Mufumeli Nabhukodhonosori a di gira gifananiso nya ndralama nya livbandre na limwedo magumi mikono gukhugega, ni magumararu mikono guanama, a gi emisa kovani ga Dhura, gipandrengulu gya Bhabhiloni.

Dhaniyeli 3:1 Iomraidhean Croise

1 Dzipfhumu 12:28

Hwane nya gu bani a dzi wudziside, mufumeli a di gira simombyana sivili nya ndralama; a embela vathu, khuye: “Enu mu ngu garala khu gu gwela Jerusalema, kha mu va woni ava vanungungulu vanu, enu va na Israyeli, va nga mi dusani khu tigoni ga Egipito.”

Dzindzimo 135:15

Vanungungulu va mambe mayigo va gu wumbwa khu parata ni ndralama, sigiro nya mandza nya vathu.

Ekisodha 20:23

Khu guralo, mu nga girini vanungungulu nya parata mwendro nya ndralama, mu va vega vbafuvbi gwangu. Mu nga girini isoso.

Ekisodha 32:31

Mosi a di bwelela ga Pfhumu Nungungulu, aya ganela, khuye: “Oh, ava vathu va giride gighoho nya gikhongolo ngudzu. Va dzi girede nungungulu nya guwumbwe khu ndralama.

Isaya 2:20

Khu litshigu lolo, vathu va na dzudzugela ga magondzo ni makoha sifananiso nya vanungungulu nya parata ni ndralama, iso va nga si girago gasi gu si khozela.

Isaya 30:22

Khu guralo, mu na nyenyezisa parata yi namegidwego umo nya sifananiso nya guvatwe ni ndralama yi nga namegwago umo nya sifananiso sawe nya gupfhudwe, mu na si dzudzugani hwindzo kha nga gilo nya gunyenyeze, muthu ni muthu, khuye: “Duga avba!”

Isaya 46:6

Vathu va gu dusa ndralama borisani ni gu pima ndrengo nya parata musikaloni; va gu thola mupfhuli nya ndralama gukhavo a va girele nungungulu gasi va mu khidzimela va kuha mafu khu khovbe, va mu khozela.

Jeremiya 10:9

Va namegedwe parata ya Tarisisi ni ndralama nya gute khu Ufazi, thumo wa muvati ni mupfhuli nya ndralama; si ambagisidwe mwendra nya livala la damboni ni giwunguwungu; Satshavbo sesi i thumo wa vathu nya gugengele.

Jeremiya 16:20

Ina muthu a nga dzi kodza gu dzi girela vanungungulu, gani? Kholu avo khandri vanungungulu nya lisine!

Dhaniyeli 2:48

Khavbo avbo, mufumeli a di dandrisa Dhaniyeli, a mu ninga sihiwa nya singi, ni gu mu emisa gu khala mwamangulu nya gipandrengulu gya Bhabhiloni, gumogo ni gu khala muthangeli wa vagengeli vatshavbo va Bhabhiloni.

Dhaniyeli 2:49

Dhaniyeli a di lomba ga mufumeli gu a emisa Sadraki, Misaki ni Abhedhi-Negho, gu khala dzindruna nya gipandrengulu gya Bhabhiloni, gasi Dhaniyeli a di tshala umo nya huwo ya mufumeli.

Dhaniyeli 3:14

Nabhukodhonosori a di va wudzisa, khuye: “Ina lisine, nya gupwani uwe Sadraki, Misaki ni Abhedhi-Negho, kha mu khozeli vanungungulu vangu ambari ni gifananiso nya ndralama nyi gi emisidego, gani?”

Dhaniyeli 3:30

Kha hi theli kota khiyo muguvbanyani gwathu; kha hisayisi milayo U hi ningidego, yi nga vbweta gu hi ninga gunengela.

Dhaniyeli 5:23

U di bwelo khavbo u wugela Pfhumu ya ndzadzini. U di rumela guya dzega sombo sa nyumbani gwaye sita avbo gwago, ni ga dzindruna, vagadzi vago ni sibhayi sago mu ta sela khiso wadwa; gudiga nya isoso, u di bwelo khavbo u rungudza vanungungulu nya parata, nya ndralama, nya sugu, nya dzisimbi, nya misimbo ni siwindri, va si wonigo, nya mbapwa, ni gumbati. Aholu Nungungulu uye a pharidego womi wago, ni dzindzila dzago dzatshavbo, khu theli kota khuye gu mu dhumisa.

Dhaniyeli 5:4

Avbo va nga levago khu wadwa, va di phela gu rungudza vanungungulu vawe nya ndralama, nya parata, nya sugu, nya dzisimbi, nya misimbo ni siwindri.

Hoseya 2:8

Khu guralo, nyi na tshika ndzila yaye khu miba; nyi na yi bhiya khu laba gasi a si dzi mani dzindzila dzaye nya guvbindre khumo.

Hoseya 8:4

Va dzi hathede vafumeli khu gugola gwawe, aholu, nasiri khu guruma gwangu, va dzi vegela vathangeli nyamba vati. Khu ndralama ni parata yawe, va di wumba vanungungulu nya sithombe, gasi va dzi mbembisa khiso.

Habhakuka 2:19

Libango ga wule a lombago ga mapulango, khuye: “ Khendzuga!” Mwendro ga giwindri gi si ganeligo, khuye: “Khuga!” Ina gifananiso gi ngu dzi kodza gu ninga sileletelo, gani? Wona nya gukhuwe gi londridwe khu ndralama ni parata, aholu gi mwalo hefemulo.

Mithumo 17:29

Ha gu bani hiri melego wa Nungungulu hi nga hingigedzi nya gukhethu Nungungulu a ngu fanana ni ndralama, ni silivha, ni giwindri gi vatwago ni gupfhudwa khu dzikhenge ni gu kodza nya muthu.

Mithumo 19:26

Aholu mu ngu si wona ni gu sipwa khu dzindzeve dzanu esi mwama yoyu nya gupwani khu Pawulo a gimbilago a gira. A gu hevbudza khuye vanungungulu nya guvatwe khu mandza nya vathu khandri vanungungulu nya lisine. Khu kharato a dzi kodzide gu ndreyisa vathu nya vangi, nasiri basi tigoni momu ga Efeso, aholu ni Aziya gwatshavbo.

Dhewuteronome 7:25

U na vbisa khu nilo sifananiso nya guvatwe nya vanungungulu vawe; parata gumogo ni ndralama yi guromo gwawe, u nga yi dogoreli, gambe u nga yi dzegi, gasi u si thegeli naphwini; kholu si nyenyezide ga Pfhumu Nungungulu wago.

Gutuledwa 9:20

Ambari ga sigaradzo satshavbo sesi, vale va nga vbulugago, kha va dzi kodza gu vbindrugedza mavbanyelo, va nyenya sithombe nya guwumbwe khu mandza yawe, kha va diga gu khozela sikwembu ni sithombe nya guwumbwe khu ndralama, khu parata, mwendro khu sugu ni misimbo. Va rana vanungungulu sithombe nyamba wona, nyamba pwa, nyamba gimbila.