Dhaniyeli 2:47 - Bhibhiliya Nya Guage

⁴⁷ Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 2:47 Iomraidhean Croise

Genesi 41:39

Khu hwane, Faro a di embela Josefa, khuye: “Kha nga olu Nungungulu a hi tivisidego satshavbo sesi, mwalo mumbe muthu nya mapimo ni guti kha nga uwe.

2 Dzipfhumu 5:15

Khavbo avbo, a di bwelela ga muthu wa Nungungulu uye gumogo ni vathu vaye, ata ema mbeli gwaye a mu embela, khuye: “Olu kamwe nyi ngu dziti gukheni omu tigoni gwatshavbo, mwalo Nungungulu, vbavbandze gwa Nungungulu wa tigoni ga Israyeli basi; gasi olu nyi ngu gu lomba kheni hakha gikategiso gya githumi gyago.”

Joba 12:19

A ngu dusa vaphasi nya mhamba wulangani wawe, a vbwasamisa sitetema.

Dzindzimo 136:2

Bongani Nungungulu wa vanungungulu, kholu lihaladzo laye li ngu simama kala gupindruga.

Dzindzimo 136:3

Bongani Pfhumu nya dzipfhumu, kholu lihaladzo laye li ngu simama kala gupindruga;

Dzindzimo 72:11

Vafumeli vatshavbo va na khidzime mbeli gwaye; mayigo yatshavbo ma na mu thumele.

Dzindzimo 82:1

Nungungulu khade wulanga waye wa vbatshani; a lamula vbakari nya huwo nya vanungungulu.

Dzindzimo 96:4

Kholu Pfhumu Nungungulu khongolo fanede gu dhumiswa, fanede gu ningwa githawo guvbindra vanungungulu vatshavbo.

Ezekiyeli 26:7

Khu guralo, Mune Pfhumu Nungungulu, a ngu ganela kharati, khuye: “Gwago uwe Tiro, nyi na rumela gukhugela phuvbo ga Wuronga, mufumeli wa Bhabhiloni, Nabhukodhonosori, mufumeli nya vafumeli, nari ni dzikavalu ni dzikareta, ni vakhileli nya dzikavalu, gumogo ni masotshwa nya mangi.”

Dhaniyeli 11:36

Mufumeli a na gira gukhedza khu iso a na si golago, a na dzi khusedza ni gu dzi dandrisa mbeli ga vambe vanungungulu; gumogo ni ga Nungungulu nya vanungungulu, a na ganela sihonohono nya guthise. A na andra, kala gu tadzisega likhulo, kholu sile si hungidwego, si na tadzisega.

Dhaniyeli 2:19

Khavbo avbo, Dhaniyeli a di tugudziswa sihalo nya ndroro khu gu loriswa ni wutshigu. Dhaniyeli a di rungudza Nungungulu wa ndzadzini.

Dhaniyeli 2:22

Uye a ngu tugudzisa silo nya guete niso si sihadego; khuye atigo iso si guromo gidemani guwonegela gwa gu khala avbo gwaye.

Dhaniyeli 2:28

Aholu womo Nungungulu moyo ndzadzini a tugulago misihalo; uye a pwadzede mufumeli Nabhukodhonosori, iso si na gu mu dugelelago matshiguni yaye nya guhegise. Ndroro yago ni siwoniso sa vbadawutunu gwago khesi:

Dhaniyeli 2:29

Avbo u nga bani nu lade vbadawutunu gwago, uwe mufumeli, u tedwe khu gupimisa nya iso si na gu gudugelelago khu matshigu ma nga gutago; kholu uye a tugudzisago misihalo, a gu yeyedzide iso si na gu dugelelago.

Dhaniyeli 2:30

Gasi avbo gwangu nyi tuledwe sihalo yoyu, nasi khu guti guvbindra vambe va vbanyago mafuni, ahihi; aholu gasi nyi kodza gu pwadzela mufumeli tshamuselo ni guti iso si dugeledego mapimoni gwago.

Dhaniyeli 2:37

Uwe pfhumu, mufumeli nya khongolo guvbindra vafumeli vatshavbo, Nungungulu wa ndzadzini a gu ningide mufumo, gufuma, tshivba ni wugulu.

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 3:28

U lamude khu gululama ga satshavbo U hi giredego, ni ga satshavbo U giredego lidhoropa nya guage la vababe vathu, Jerusalema; si di girwa khu gulamula gwago nya gululame, gu kala u hi ninga tsayiso yatshavbo yeyi, kotani nya sighoho sathu.

Dhaniyeli 3:29

Hi ghohide, hi giride ugo gu vivbidego hi gu hambana nago; ga satshavbo ha gu gira ugo gu vivbidego; kha hi landrisi milayo Yago.

Dhaniyeli 4:17

Simbo u nga wu wonago, wu dandra wu mana tshivba, wu lapha kala damboni, wu nga wonwago tigoni gwatshavbo,

Dhaniyeli 4:25

Silo sesi satshavbo si dugelede ga mufumeli Nabhukodhonosori.

Dhaniyeli 4:32

Vatshavbo va vbanyago mafuni, khandri gilo mbeli gwaye. Uye a gu thuma iso a si golago, khu mabutho nya dzingilozi dza ndzadzini ni vathu va vbanyago mafuni. Mwalo a ndreyisago gyandza gyaye mwendro gu mu embela, khuye: “Ginani u girago?”

Dhaniyeli 5:11

Womo mwama moyo vbakari nya mufumo wago a gu ni liphuvbo la vanungungulu va agidego; matshiguni ya babe wago, gu di manwa avbo gwaye wenengedzo, gupimisa ni wugengeli, nya gufanane ni wugengeli wa vanungungulu. Babe wago, mufumeli Nabhukodhonosori, a mu emiside gu khala muthangeli nya dzinyanga, nya va nya sikwembu, nya Vakalidhiya, ni va nya gulola dzisolo.

Amosi 3:7

Khu lisine, Pfhumu Nungungulu, kha na gira gilo nyamba phela khu gu ninga giwoniso ga sithumi saye, a gu vaprofeti.

1 Vakorinto 14:25

Makungo a gu nawo monyoni gwaye ma na wonegiswa, a na khidzima a tsitsa khovbe vbavbatshi, a khozela Nungungulu na gu ganela khu likana, khuye: Khu lisine, Nungungulu womo vbakari gwanu.

Dhewuteronome 10:17

Kholu, Pfhumu Nungungulu wanu, Nungungulu nya vanungungulu ni Pfhumu nya dzipfhumu, Nungungulu nya khongolo, nya tshivba, nya guthavisege, a si hatheligo vathu, gambe a si dzumeligo gu rengeledwa;

1 Thimoti 6:15

Khu gikhati gyogyo, uye a na wonega khu tshivba ya wule a gu ni gidhumo ni tshivba yatshavbo, Pfhumu nya dzipfhumu, Mufumeli nya vafumeli.

Josuwa 22:22

Nyadzitshivbe, Nungungulu, Pfhumu, Nyadzitshivbe, Nungungulu, Pfhumu, Uye a ngu dziti; Israyeli nuye a na dziti! Ethu ha gu bani hi giride esi khu gu hambana ni gu wugela Pfhumu Nungungulu ni gu mu ghohela, muhuno kamwe Uye a nga hi vbanyisi.

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”